Sanikiluaq, Nunavut (June 13, 2025) – Nunavat Kavamanga (GN) unalu Nunavunmi Ilihajiit Katimavia (NTA) ublumi sainiqtuk nutaamik havaktinun angirutaa.
“Sainiutaa uumani havaktinun angirutaanik naunaiqtitaa akhuurnaqtuq naunaitkuti Nunavunmi kavamatkunni havaktiinni, “ uqaqtuq Minista Havaktuliqijikkunni David Akeeagok. “Una havaqatigiingnikkut tautuktitaa havagumadjutiptingnun ikajurnikkut havakpiaqpagutait ilihaijiptingni imaalu kiudjutikkut ihariagijainnun ajuqharutainnullu, hakugikhaqtavun pittaarutivun havagutigilugin ilihaqtun nunaptingni. Atauttikku, piliuliqtugun qaumatqijaujumik hivunikhamik Nunavunmun.”
“Quviahuktunga una angirutit ilitarijaa akhuurnaqtuq Inuit uqauhianik iliharutini ukuallu tamamik havaqatigiiktun piliuriami nakuujunik ikajuutikhanik ilihaijinun ikajuutikhait piliuriami hakugitqijamik hivunikhanik ilihaqtunun,” uqaqtuq Minista Ilinniaqtuliqijikkut Pamela Hakongak Gross. “Una angiruti ikajuqtait ilihaijivun ikajuqtuqlu piliuriami iliharvighamik talvani ilihaqtun nakuujumik iniqhijaaqtun huli atadjutihimaplutik pitquhimingnun.”
“Quviahuktugun katimajiptingnun ikajuutautirjuarutainnun uumani angirutimi,” uqaqtuq Justin Matchett, Angijuqqaaq uvani Nunavunmi Ilihaijiinni Katimaviani. “Una aniruti aplurutaujuq hivumun — tunngavikhaq angikliharvikhaqqaut. Huli amigaittunik havaktakhaqaqhuni pipkaijaami ilihaijiit Nunavunmi ilihimajaamingni ihumagittiaqtaujun, ikajuqtaujun tuhaqtaujullu, niriuktugun una angiruti naunaijaqtaa nutaanguqtiqhimajuq havagumaniq Nunavut Kavamatkunnin havaqatigijaaptingni pimmarigharnirnun atuqpiaqpagutinun ilihainirnun Nunavunmi.”
Naunaitktut uvani nutaami angirutimi ilalgit:
- Nain pusantimik akiliuhiakkut akittuqjuummirniq atuliqtuq Julai 1, 2025, maliktaujuq uumanga pingahunik pusantimik akiliuhiakkut akittuqjuummirniq atuliqtuq Julai 1, 2026, unalu pingahunik pusantimik akiliuhiakkut akittuqjuummirniq atuliqtuq Julai 1, 2027.
- Pijaaqtaarniq uvunga Aularaanginnaqtumik Havagaanginnaqtukkut Ikajuutimik kununga Nunavunmi ilihaijinun.
- Pimmarikharniq uumunga Inuktut Uqauhikkut Ikajuutikhamik pinahuaruti akhuurutikkut iharianaqtumik havaani ilihaijit upalungaijaijun uqauhikkut annautidjutaani uumanilu pitquhikkut tammaqtailidjutaani.
Angirutit atuqtuq talvanga Julai 1, 2025, talvunga Juun 30, 2028.