Qalagyuarnirmun COVID-19 GNkunnin Nutaanik Tuhaqtidjutait - Ubluqtuhirvia 25, 2021

  1. Tuhagakhat
  2. Pivalliayunut Haqqititauyut
  3. Qalagyuarnirmun COVID-19 GNkunnin Nutaanik Tuhaqtidjutait - Ubluqtuhirvia 25, 2021
Ubluqtuhirvia 25, 2021

Qalagyuarnirmun COVID-19 GNkunnin Nutaanik Tuhaqtidjutait - Ubluqtuhirvia 25, 2021

Hivuliqtip nutaaq tuhaqtidjutaa:

Ublaakkut. Qanariffaaqtugut niriuktaptigut, tamaptaili ilihimayugut, hiamitirtuqalirmiuq Arviani.

Ublumi, tuhaqtitilirmiyugut ilaliutihimayungnik malrungnik nutaangnik aanniarutiniik. Aanniaqtut 17nguqtut aulayut anniarutit qalagyuarnirmun COVID-19 Nunavunmi, tamaita Arviani. Atautimun qaffiuniit inuit munariyauyut ublumimun 6306. 362 inuit tadja munariyauyut.

Ihuaqtut tuhaayaghat, 4458 Nunavunmiun kapuqhiqtauyut. Quyayumayugut tapkununga kitunun ilauyut kapuqhiqtunun kapuqhirnirnikkut havaktilugit.

Tadja aghuungnaqhiyuq, Ihumayunga tautuktavut qanuq aghuungnaqtuq kapuqhirluta. Una kapuqhirut ankuutqiyaq aanniaqtailidjutighaq haffumunga aanniarunmun tadja. Una kapuqhirnirmun ublughait ihuaqhaqhimakpata nunallaangnun, upalungaiyaqlutit kapuqhiriangni. Imaa munaridjutiginiaqtaqqut piqpagiyaptingnun aanniaqtaaqtununlu.

Iqiahuktughaungitugut uvaluuniin ihumagingilugu qalagyuarniq COVID-19. Qauyimalutit, upalungaiyaqhimalutit maliklugillu inungnun aanniaqtailinirmun aktilaarutit, taimaaraaluk.

Tuyuqtunga hakugingnighamik ihuarnirmiklu inuuqatimnun Arviamiunun. Ilihimayunga qanuq aghut havaktutit unalu ayungnaqtuq. Uvagut pidjutigivaqqut una. Hakugikhimaluhi.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut,

Aularutigiyumayara imaa aghuuqhunga aghuungnarnirmun malingnirmun inungnun aanniaqtailinirmun aktilaarutit. Katimayut ikitumik pihimalugit, pulaaqtailibluni amihunun iglunun, kikliqarhugillu iglungnun pulaaqtut, mighiyuumirutiyuq qayangnautinun haffumunga aanniarunmun hiamitirniaqtuq kinali aanniarutinikumi.

Tadja kangiqhidjutit ihumagiyauyut tapkua nutaaq aanniarutiniktut qalagyuarnirmik COVID-19 Arviani tamaita atadjutiqaqtut katimanirmun iglumingni. Paqitiyugut naunaiyautikkut aanniarut hilataanin pihimangituq nayugaptingnin.

Amigaitunik iglumiuyunik tadja ilauyut, kihimi angikliyuumiqhugit inungnun aanniaqtailinirmun pittailidjutinik. Una naunaiyautaa:

  • Tingmitikkut nunakullu Arvianin Arvianunlu pittailidjutiqaliqtut. Kinali aulaqtiqtuq tikitiqtuqluuniin nunallaamun angiqtaudjutiqarluni haffumanga CPHOmin.
  • Tamaita ihariagiyaungitut havagviit, ilauyut ihariagiyaungitut kavamatkut havagviit, umiktitauyut ilituripkaqtagumik kihimi.
  • Hilamilu inungnun katimatquyaungitut inungnunlu katimanirmunlu iglut iluini.
  • Pulaaqtulu iglunun kikliqauyauyut talimanik inungnik ilauyut iglumiuyut qilamiungnikuinaq.
  • Iliharviit umiktauyut.

Apiriliqtaqqut kitukuli tingmihimayut Arvianin talvanga Ubluqtuhiviani 19 inmi-munarilugit mihingnautitik 14ni ubluni.. Apiriyavut hapkua inuit hivayaqlugit munaqhitkut nunamingni ikayuqtughat aktungnikkut naunaiyainirmun munaridjutinunlu.

Kinaliqaak aanniangalirumi fluhimayutut mihingnautiqalirumik apiriyauyut hivayaqlugit Nunavunmi qalagyuarnirmun COVID-19 hivayautaa atugahatigut. Hivayautaa napaa 1-888-975-8601.

Tadjakaffuk, pittailidjutit aalani nunallaani aadjikiiktut. Kihimi, aulahimaaqtumik munariniaqtaqqut qanuriniit naunaiqata anginirhakkut qayangnautit hilataani Arviat ihumagilugit aalanguqlugit pittailidjutit aalani nunallaani. Tadja, piqangituq anginirhakkut-qayangnautikkut aktungnirmun naunaiyaqhimayunik kitut hilataani Arviat.

Ikayuutighaq mighiyuumirutighaanun qayangnautit aalanun nunallaanun, aanniaqviliaqtunun Arvianin Iqalungnun Kangiqlinirmunlu nutqaqtitauyut tadja. Upautidjutighat tapkua havaktauniaqtut hivayautikkut tapkua aanniaqtut piyariaqaqtut upautidjutighanik aulaqtitauniaqtut Winnipegmun. Aanniaqviliaqtut utirahuat Arvianun Hivuraanin Kanatap tuniyauniaqtut piyaghanik avaliingaaqvingmiilutik hiamitirnira munariyautilugu.

Aghuuqhayatka Arviaqmiut maliklugit naligahat kapuqhiqhimagaluaqtilutit. Nutaanguvalaaq tavanga kapuqhirnirmun Arviani tapkununga kitut kapuqhiqtunun aanniaqtailinirmun. Piqaqtuq malrungnik havainirnik hivuliq havauhiqtungnia tunihiyuq imaa 80% aanniaqtailidjunmik aannialaqinirmun aghut aaniarutaanik. Tugliq havauhiqtuut angikliyuumirutiyuq tamna pusatinga imaa 94%mun. Ilituriluangitugullu havauhiqtungniq kapuqhiqhutik nutqautauyuq hiamitirniranun.

Kinali 18nik ukiuqaqtut avatqumayumiklu kitut kapuqhingitut hivulirmik Arviani hivayaqlutik munaqhitkunun kapuqhidjutighainik.

Ilituripkarumayatka inuit tamaita tapkua munaqhit havaktut aghut ikayuqhutik munarittiaqhugu nutaaq hiamitirniq aghuuqhayatkalu inuit pittiaqlutik aktungnikkut naunaiyautinun avaliingaarnirmiklu aghuurutit. Amigahungnikkut Kiuyut haavaqatigiit ikayuliqtut iinguyut munaqhit nunallaami tamangnun hivayautikkut nunaanilu.

Initirutaanun tuhaqtitiyumayunga pingahunik kapuqhirnikkut kapuqhirvighaat Naujaani, Kinngaini, Sanikiluamilu.

Sanikiluami kapuqtuiniaqtut uvani Iidjirurvia 8mi 9milu uvani Paatsaali Angayugiit Iliharviani.

Naujaani kapuqtuiniaqtut uvani Tusarvik iliharviani uvani Iidjirurvia 15mi 16milu.

Kinngaini kapuqtuiniaqtut uvani Ulapqivingmi Iidjirurvia 22min 24mun.mun unuami.

Tamaita kapuqtuiniaqtut 9 Ubaamin 8mun unuami. Hivayaqlugit munarhitkut takuyauyumaguvin!

Ilaliutihimayut ublughait tuhaqtitauniaqtut uvani havainirmi.

Quana.

Ilauyuq hapkununga Kavamatkut Nunavunmi (GN) aghuurutait munarilugit Nunavunmiun qayangnautaanun  qalagyurnirmun COVID-19, GNkut Havagviit atuliqtait hapkua:

 

Aanniaqtailinirmun Havagvia

Tamainnun nutaanik naunaitkutinik ikayuutiqhallu talvuuna qalagyuarnirmun COVID-19 Nunavunmi, hamungaulutit:https://www.gov.nu.ca/health/information/covid-19-novel-coronavirus

Nutaanik kangiqhidjutinik tadjamin inungnun aanniaqtailinirmun, hamungaulutin: https://www.gov.nu.ca/health/information/nunavuts-path

 

Arvianik Munaqhitkut

Munaqhitkut aulahimaaqtumik aulaniaqtut, kihimi munaqhiliaqtut hivayaqaaqlutik piyaangani ihuaqtumik ihivriungnirmun iqaiyangikkullu ungahiktilaaqarnirmun.  Ikaangniit auladjutinun pidjutiqaqtut aalanguqlutik piyaangini auladjutikkut havaktiqarnirmun piyaghatigut. 

 

Qaiyut Nunallaani Kapuqhiriaqturvighat

Inirnikhanun Igluqpak munarhiliqinikkut nunallaani turaanganiaqtut munaqhinirmun munaqhitkuni havaktit upautiyut kapuqhiyaamingni. Munarhitkunni havaktiit ihaangniaqtut Inirnighat Munaqhiviinun kapuqhiriangini ikangnighait ublughaillu.  

Iqaluit Inungnun Aanniaqtailinirmunt Kapurhiriaqturvikhat 1

  • Humi: Iqaluit Inungnun Aanniaqtailinikkut, igluqpaa 1091.
  • Hivuliuyughat 1: inirnighat 65+ imaalu qimaavingmiitunut,

    Hivuliuyughat inuit 2: hivuangi havaktit munaqhiyut hivulirmilu kiudjutiqaqtut, medevackkut tingmitini havaktit, inungnun havaktillu nutaqqanik munaqhivingni, una Akausisarvik Ihumaliqiyit Mamihaivia, unalu inungnun havaktinunlu itiqtauvingni.
  • Ublua (Hivulliqpaaq Kapuqtauvia): Jan 25-29 
  • Ikaangnia: 1min. – 7mun.
  • Kapurhiriaqturvikhaq qanurittuq: ublukhaliuqhimayukkut.
  • Hivayarlugu 867-975-4810.

Iqalungni Aanniarvik Kapurhiriaqturvikhat 2

  • Humi: QGH munaqhiliaqtut atugaani.
  • Hivuliuyughat 1: inirnighat 65+ imaalu qimaavingmiitunut

    Hivuliuyughat inuit 2: hivuangi havaktit munaqhiyut hivulirmilu kiudjutiqaqtut, medevackkut tingmitini havaktit, inungnun havaktillu nutaqqanik munaqhivingni, una Akausisarvik Ihumaliqiyit Mamihaivia, unalu inungnun havaktinunlu itiqtauvingni.
  • Ublua (Hivulliqpaaq Kapuqtauvia): Jan. 30. 
  • Ikaangnia: 10 ublaami – 4 ubluummaat.
  • Kapurhiriaqturvikhaq qanurittuq: ublukhaliuqhimayukkut.
  • Hivayaqlugu 867-975-4810.

Qamanittuaq

  • Humi: Jonah Amitnaaq Sikuuqvia
  • Hivulliuyughat inuqarniit 45+ ukiuqaqtut
  • Ublua (Hivulliqpaaq Kapuqtauvia): January 25-27
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayaqlugu 867-793-2816.

Kugaaruk

  • Humi: Arviligruaq Ilinniarvik Iliharviani.l
  • Ublua (Hivulliqpaaq Kapuqtauvia): February 4-5.
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayalugu: 867-769-6441.

Sanikiluaq

  • Humi: Paatsaali Angayukhiit Iliharvia
  • Ublua (Hivulliqpaaq Kapuqtauvia): February 8-9.
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayalugu: 867-226-8965.

Naujaat

  • Humi: Tusarvik Ilihaqvik
  • Ublua (Hivulliqpaaq Kapuqtauvia): February 15-16.
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayalugu: 867-462-9916.

Kingait

  • Humi: Nunallaami Ulapqiviani.
  • Ublua (Hivulliqpaaq Kapuqtauvia): February 22-24.
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayalugu: 867-897-8820.

Igloolik

  • Humi: Iglulik Angayukhiit Iliharvianni. 
  • Ublua (Tukliq Kapuqtauvia): February 1-2.
  • Ikaangnia: 9 ublaami – 9 unnuliqqat.
  • Kapurhiriaqturvikhaq Qanurittuq: upautiluni kapurhiriaqturvikhaq.

Iqalungni Inirnikhat Nayugaat

  • Humi: Inirnikhat Naygaani.
  • Ublua (Tukliq Kapuqtauvia): February 3.

Uqhuqtuuq

  • Humi: Qiqirtak Angajukhiinnun Sikuuqvia
  • Ublua (Tukliq Kapuqtauvia): February 8-9. 
  • Ikaangnia: 8:30 ublaami – 9 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayaqlugu 867-360-7441.

Tikiraqyuaq

  • Humi: Inuglak Sikuuqvia
  • Ublua (Tukliq Kapuqtauvia): February 15-16.
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayaqlugu 867-896-9916.

Kangirliniq

  • Humi: Singiituq Complex Nunallaami Katimavia.
  • Ublua (Tukliq Kapuqtauvia): February 15-18.
  • Ikaangnia: 9 ublaami – 8:30 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayaqlugu 867-645-8070.

Igluligaarjuk

  • Humi: Victor Sammurtok Iliharvia.
  • Ublua (Tukliq Kapuqtauvia): February 19-20.
  • Ikaangnia: 9 ublaami – 8 unnuliqqat.
  • Kapurhiriaqturvikhaq Qanurittuq: naunaiqhimayuq humi takuyauniaqtuq.
  • Hivayaqlugu 867-898-9968.

Iqaluit Inungnun Aanniaqtailinirmunt Kapurhiriaqturvikhat 1

  • Humi: Iqaluit Inungnun Aanniaqtailinikkut, igluqpaa 1091.
  • Hivulliutigiyauyut inuqarniit 65+ ukiuqaqtut nayuqaqviitlu
  • Ublua (Tukliq Kapuqtauvia): Naunainggittuq huli. 
  • Ikaangnia: 1min. – 7mun.
  • Kapurhiriaqturvikhaq qanurittuq: ublukhaliuqhimayukkut.
  • Hivayarlugu 867-975-4810.

Iqalungni Aanniarvik Kapurhiriaqturvikhat 2

  • Humi: QGH munaqhiliaqtut atugaani.
  • Hivulliutigiyauyut inuqarniit 65+ ukiuqaqtut nayuqaqviitlu
  • Ublua (Tukliq Kapuqtauvia): Naunaingittuq huli. 
  • Ikaangnia: 10 ublaami – 4 ubluummaat.
  • Kapurhiriaqturvikhaq qanurittuq: ublukhaliuqhimayukkut.
  • Hivayaqlugu 867-975-4810.

 

COVID-19 qalagjuarniq aannialiqtut qanurinniit: Jan. 25

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

 Tuqujut

Attautimun inuit munarijaujun

Tadja inuit munarijaujut

 Atauttimun kapuqhiqtauyut munariyauyut
7382 282 17 264 1 6306 362 4458

*Atauttimun kapuqhiqtauyut munariyauyut ublumimut ihuaqhaqtauyut pidjutihimmaanginaqhugulu, kihimi ikitqiyauniarungnaqhiyut pidjutiyuni kihiqtitiqhimayuni.

COVID-19 qalagjuarniq nunallaani aanniaqtut qaffiutilangit: Jan. 25

Nunallaami

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

 Tuqujut

Nakatqiqtut aanniaqtut

Attautimut aannialaqihimajun
Arviat 236 238 2 1 220 17

Tikirarjuaq

 23 23 0 0 23 0

Kangiqliniq

 19 19 0 0 19 0
Sanikiluaq 2 2 0 0 2 0

ATAUTTIMUN

 280 282 2 1 264 17

Qaujihaqtaujut qaffiujut ublumimut nunallami: Jan. 25

Nunallaami 

Qaujihaqtaujut aannialiqtut

Qaujihaqtaujut aanniangittut
Arviat 238 1538

Tikirarjuaq 

 23 304

Kangiqliniq 

 19 399

Sanikiluaq 

 2 202

ATAUTTIMUN

 282 2443

Avaliingaqtut inugiangningit: 

Aullaaqtuq Qanurittumik

Inuit Avaliinngaaqtitaujut talvannga Jan. 24

Aanniarnikkut

 295

Inuit

 335
EMTI 25
Igluqpiliurnikkut 115

Attautimut

 770

Aullaqhimajun utiqtun naunaijautaa:

Aullarvia Ublua

 Amigaitilaangit 
Jan. 23 2021 18
Jan. 24 2021 26
Jan. 25 2021 148
Jan. 26 2021 34
Jan. 27 2021 114
Attautimut 340

Ihariagijauqpiaqtuni Havaktini Tukhirutin:

Talvannga Jan.13min pilik 11010 piumayauyut, 5274 nguyun ihariagiyauqpiaqtuni havaktiit piumayauyut.

Tukhiutait Qanurinniit

 # %

Angiqtaujut (ilaujun ihariagijauqpiaqtun ihariagijauqpiangittullu)

 7481 67.9%

Qin’ngijaujun

 297 2.7%

Ihumaliuqtaujun huli

 328 3.0%

Aullauvilluarvigijainni Nunat Aagiqtauhimayut

 2904 26.4%

Attautimut

 11010 100%

 

 

Havagviat Inulirijikut

Pidjutigiblugit amigaiyuumiqtut aanniarutiqaqtut qalagyuarnirmik COVID-19 Arviani Ikayuuhiaqtut takuyaqtuiyumayut hivayaquyauyut takuyaqtuiyumagumik.

Una pidjutighaq mighiyuumiriangani hiamittirnira qalagyuarniq COVID-19 nunallaami qayangnaitumiklu tamainun.   

Hivayaqlugit nunangni IAW ukualuuniin Aviktungniini Havagviit titiraqhimayut ataani takuyaqtuidjutighangnik. Uqagahangnik uqarlutit kiuyuqangitpat, hivayaqtauniaqtutit.  Ilituripkaqtauniaqtutit takuyaqtuidjutighangnik talvungaulutit hivayautikuluuniin.

Hivayautiqangitkuvin, upaklugit Ikayuuhialiqiyit Havagvia tkuyaqtuidjutighakkut ubluani.  Pidjutigiblugu qalagyuarniq Covid-19 atauhiilaaqtarniaqtut Ikayuuhialiqivingmi.

Akiliuhiakpakkuvit hapkuinnga EI, CPP, OAS/GIS, CRB unaluuniin CRCB qaffitaalaunia naunaiqhimalugu kingulirlu akiliuhiat piinarialaqilugu takuyaqtuiguvin.

Manikhaliulimaitut atuqtilugu Inungnun Aanniaqtailainirmun Qilamiurnirmun nunallaami.  Ikayuuhialiqiyip apiriniaqtaatit kitumun niuvaavingmun, humi piumayangnik akiliqtauyaangani niuvrutighat nunallaangni.

Akiligahaq piinarialaqiniaqtuq niuvaavingmi qangiqqat11:00 ublaami talvani ubluani.

Maliklugit maligahat iqaiyangnikkut ungahiktilaarutit qaffiuniilu nunallaami ilauyut niuvaayut.

Nutararnik Munaqhijunun

Ihumaaluutiqaruvit qajangnaittumik inuuhiringnaqtumiklu nutaranik imaalu/imaaluuniit inulramiinik hivajarlugu Nunalaani Inulirijitkut Havaktinun.

Arviat:

  • Ilagiinut Inuuhirittiarnirmun (CSSW): 867-857-3202 unaluuniit 867-857-6871
  • Ilagiinut Inuuhirittiarnirmun Atan'ngujat 867-857 3102 867-857-6786

Piliihimat (RCMP): 867-857-1111

Ikajuuhialiqijitkut Palihimatkutlu hivajautait naunairutit tamangni nunalaani nalvaaqtaugiaqaqtun talvani Inulirijitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.

Ikajuuhialiqiviit Avikturviani Hivajautait Naunairutikhangit

  • Kivalliq: Akiituq Hivayaut 1-800-953-8516 naqitlugit 1602
  • Kivallirmi Avikturnianni Havagviat: 1-867-645-5040 ext 1602 unaluuniit ext 1600

Havaakhanun Pivallianirmun Naunairutit

  • Kivalliq: 1-800-953-8516 ext 1611

 

 

Havagvia Maligaliqiyitkut

Aulahimaaqtun kivgaqtuutit:

Nunallaami Itiqtauvingit

Havagviit Arviani umikhimaniaqtut inuillu piyariaqaqtut hivayaqlugu havagvik aturlugu napaa ataani:

Avikturnia Nunallaami Uqaqatigivikhaup Atia

Hivayautaata Napaa
Kivalliq Arviat Jeannie Alikut

867-857-8509

Nunamingni Maligaliqijit

Inungnun katimapkaiyut Nunallaani Maligaliqiyit Arviani kiliqaliqtut qilamiuniinarnun qanuriniitigut humi inuk piyaghaqangitkumi hivayautikkut qayangnailrumilu nayugahaitkumi hivayaqlugit kivgaqtuqtivut hivayautikkut. Inuit apiriyauyut hivayaquplugit upalungaikhimayumut Ilagiiktut Pimmarlungnikkut Hattumiarutikhainut Maligaq (FAIA) hivayautaanut apiqqutikhaqarumik ikayuqtikhailiurumnikluuniit aturlugu tamna hivayautaa nampaa 1-844-534-1038. Hivayautaa ihivriuqtauqattaqpangniaqtuq naunaittumik ikayuqtauyumayut tuniyauniaqtut Nunallaani maligaliqijikkut Ayuiqhattiaqhimayumut ikayuqtaaktumut titiqqanik titiraqtakhainnik imaalu atuqtakhainnik.

Umikhimaniaqtun/Nutqaqtitauniaqtun/Taimaaqtitauyut kivgaqtuutit:

Itiqtauviit igluqpait umikhimahimmaaqtun inungnun. Havaktauhimayut qayangnautikkut aktilaarutit atuqtauhimaangniaqtut.

 

 

Ilinniaqtuliqiiyitkut Havagviit

K-12 Iliharviit

Talvannga Hivulliunmin, Januali 25, 2021, iliharviit nunallaani titiraqhimayuni ataani nuutirniaqtun hapkununga qanurinninginnun:

  • Arviat – Qanurininga 4
  • Inuglak Iliharvia Tikirarjuami aulahimaaqtumik imainiaqtuq Qanuringina 3.
  • Tamaita aallat Nunavunmi iliharviit talvaniittun Qanurininga 2mi.

Nutaanik ilitturpkaidjutinik nunallaani qanurinninginni takuyauttaaqtuq uvani Ilinniaqtuliqiyitkut Havagviani qaritauyakkuurutaani: https://gov.nu.ca/education/information/2020-21-opening-plan-nunavut-sch....

Qanurininga 4 – Arviat

  • Talvanga Hivullirmin, January 25, 2021, tamaita Arviani iliharviit atulirniaqtaat inmi Qanurininga 4mun hulidjutinun upalungaiyautit.
  • Tamaita Arviani iliharviit umikhimaniaqtut ilituripkaikpat kihimi una Atanilluaq Inungnun Aanniaqtailinikkut Havaktimin.
  • Tamaita iliharutikhat Arviani havaktauniaqtut ungahiktukkut.
  • Ilihaiyiit iliharvingmilu havaktiit hivayaqattarniaqtait ilihaqtun ilaillu qakugunguraikpat.

 

 

Ilihalihaaqtunun Iliharviit Nutaqqiqiviillu

Qanuriniit nutaqiqiviit igluqpait avatiini aviktuqhimayup inmikkut ihumamikkut haffumanga Atanilluaq Inungnun Aanniaqtailinikkut Havaktimin.

Tamaita nutaqiqiviit Arvianilu pitquyauhimayun umikhimahimmaarlutik uumannga Atanilluaq Inungnun Aanniaqtailinikkut Havaktimin.

Ilinniaqtuliqiyit aulahimaangniaqtut Auladjutitik Ihuaqhainirmunlu (O&M) maniliqtuidjutit tamainun igluqpangnun angmaumayut umikhimayulu.

Uqautainnin Atanilluaq Inungnun Aanniaqtailinikkut Havaktimin, nutaqqiqiviit tamainni Nunauvnmi nunallaani, kihiani Arviamilu, angmaqtaaqtun ataani tadja aanniaqtailinikkut aanniqtailinikkullu maligutainni qanuriliurutainnilu.

Maniktigut Ikayuutikhat Nunavunmi Ilihaqtunut (FANS)

Maniktigut Ikayuutikhat Nunavunmi Ilihaqtunut (FANS) havaktiit tuniuqhaihimmaarniaqtut kivgaqtuutinik ilauyut:

  • Havaktauyut maniliqtuinikkut uuktuutit;
  • Tingmiyumayunit tukhiutit;
  • Tuyuqtakhait akiliqtuidjutinik; imaalu,
  • Kiudjutit titiraqhimayunun.

Tamaita apiqhuutauyut FANSkunun qaritauyakkut titirarvigilugit fans@gov.nu.ca. Kiudjutinun hivituniit kayumiiniaqtut.

FANS havagviat igluqpaq Arviani hadja umikhimayuq inungnut kihiani tuhaqtitaukpata.

 

 

Havagviat Pivalliayuliqiyitkut Ingilrayuliqiyitkullu kivgaqtuutikhait

Aulahimaaqtun kivgaqtuutit:

Milviit atuqpagainut aulapkaininngit unalu munariyakhangit aullahimmaarniaqtut.

  • Piyaangnirit Tingmitiqarviup igluqpaanun havaktiinarnun, tingmihimayunun, inuillu tunihiyut ikayungnirmun tingmiyunun.
  • Ivyarutituqtughat tamaat Timitiqarviit Igluqpaini.
  • Maliklugit tamaita inungnun aanniaqtailinirmun maligahat.

Inuit kitut ikayuqtauyariaqaqtut uuktungnirmun malingnirmunluuniin maniliurnikkut pivalliadjutinun pinahuarutinun uuktuutinun qaritauyakkut nunamingni Nunallaat Maniliurnikkut Pivallianirmun Havaktimun Arviani uvani cedo@arviat.ca uvaluuniin hivayaqlugit havagviat aviktungniini Kangiqlinirmi 867-645-8450 unalu/unaluuniin dfredlund@gov.nu.ca.

Aghaluutiliqinikkut kivgaqtuutit Arviani piyaaqtut qaritauyakkut Aghaluutiliqinikkut Havagviat uvani MotorVehicles@gov.nu.ca uvaluuniin hivayaqlugu 1-888-975-5999 (akiitukkut) uvaluuniin 1-867-975-7800 ikayuqtauyumaguvin. Hapkua kivgaqtuutit ilauyut Hivulirmik Aghaluutinun Atiliurutinun, Tadjakaffuk (Qilaiungnikkut) Tingminikkut Naunaiyautinik

Aghaluutiliqinikkut kivgaqtuutit piinarialgit qaritauyakkut gov.nu.ca/motorvehicles humi inuit apirhuutikkut:

  • Aqutiuyup Laisit Nutannguqtiutikhat
  • Nunavunmin Naunaitkutikhaq Ilitaridjutikharnik Piannannuat Nutannguqtiutikhat
  • Akhaluutinut Atiliurutikhanik Nutannguqtiutikhat
  • Tukhiutit Apqutip Aqudjutainnik Naunaitkutinik, Akhaluutinik Qiniqhiadjutit, imaalu Piyaqtuqhikapat Unniudjutit

Ihuaqhaqtauhimayut kivgaqtuutit:

Havagviini havaktit Arviani nuutiliqtut havaklutik iglumingni.

 

 

Havagviat Havaktuliqiyitkut Kivgaqtuutait

Kavamatkut Nunavunmi (GN) havagviit Arviani umikhimaniaqtun inungnun talvanga Ubluqtuhivia 25, 2021.

Tamaita ihariagiyaungittun GNkuni havktiit Arviani havaktukhat iglumingni. Atan'nguyat havaqatiginiaqtatit tunilutit ingilrutinik atuqtakharniklu havagiangni iglungni. Ihumagiyaghat ikayuutikhatit havagiangni iglungni paqinaqtut uvani GN Intranet qaritaujakkurutaani: http://intranet/covid19/ tujuktauniaqtun qaritaujakkut titiqqilutik.

Pijaqtatit havagvikpit qaritauyakkut titirarviit atiliurluti uvunga Microsoft Office 365 qaritauyami https://www.office.com/ aadjiliurluguluuniit Microsoft Outlook app tigumiarnut hivayautingnut.

Tamaita ihariagiyauyut GNkuni havaktiit Arviani havaktaarumik iglumingni, havaktukhauyut iglumingni.  Ahianut, havainariaqaqtut havagvingmingni imaalu maliklugit Aanniaqtailinirmun, Qajangnaittumiklu Inuuhiqattiarnikullu Naunaijaqhimajut hapkununga GN-kut Havagviini unalu Utirutighaanun Havagvingmun Naunaijautit hapkununga GN-kut havaktiinun, taiguarlugit ukuat qalagyuarnirmun COVID-19 Apirhuutit Kiudjutillu maliklugillu nivingaqhimayut Inuuhirmun qayangnautinunlu naunaitkutit hiamitirnaitumik qalagyuarniq COVID-19. Paqinaqtut naunaitkutikhat, apiqqutit kiudjutaillu nivingayullu uvani GN Intranet qaritauyakkurutaani: http://intranet/covid19/.

Qaritaujakkut titirarvigilugu HRcommunications@gov.nu.ca pilimaitkungni GN Intranet qaritaujakkurutaani imaalu piumaguvit aadjiliuqhimajunik naunaitkutikhanik iliyauhimayunik uvani.

Nalukharuvit nalliangi ittakhavit ihariagijauqpiaktut imaaluuniit havaktaaqtut aimavingmingni havakti, uqarvigidjavat atan'ngujat imaaluuniithavaktuliqijitkunni tutqiqhaiyi.

Tadja, GNkut havaktiit tamaini nunallaani Arviamiungittuni havagiaqtuqtaaqtut.

Itqaumayakhatit:

  • Aanniaruvin, aihimalutin (taijauhimajumik akiliqtauniaqtutit inmi avaliingaarnirmun piinarialgit).
  • Aktuqhimaguvin kimun aanniarutiqarungnaqhiyumun qalagjuarnirmik COVID-19 , aihimalutit, hivayarlugit ukua COVID-19 qalagjuarnirmun hivajautaat uvani 975-8601unaluuniin 1-888-975-8601 10 ublaamin 6mun unuami. Kivataani uqarvigiyaangani inungnun aanniaqtailinirmun kivgaqtuqtimun. Piqaqtut inmi ihivriurnikkut ikayuutighat piinarialgit hamani: https://nu.thrive.health/covid19/en.
  • Inungnin ungahiktilaaqarlutik: tuu metresmik (6.5ft) inungmit unngahikhimayukhat.
  • Kikliqaqlugit inuit katimayut uqagainun inungnun aanniaqtailinikkut pittailidjutit.
  • Atimalutin ivyarunmik  humi iqaiyangnikkut pilimaitpat.
  • Katimaluhi ungahiktukkut qaritauyaliqivikkut, hivayautikut, tiivikkuluuniin.
  • Kahagaluaqtailugit hunat qaangit.
  • Uaqataarlugit algatit halumaqtirlugillu.

Iliturittiaqlugit qalagyuarnirmun COVID-19 pilugillu ikayuutikhat uvani Havagvianin Aanniaqtailinirmun qarutauyaliqiviani: https://www.gov.nu.ca/health/information/covid-19-novel-coronavirus.

Hamna havaakhamut upalungaiyautikhat aallangurniarunaqhiyut. Uqarvigiqattarlugu atan'ngujat havaktuliqijitkut tutqihaiji kitkukkut aallangurniitigut.

Ikayuqtukhaqaqtuq

GNkut akhuuqhayait havaktivut ilailu qinirlugit qanuqtut Havaktimun Ilagijainnullu Ikayuutikhat Pinahuarutit ikajuutauniaqtut tadja. Havaktimun Ilariyainnullu Ikauutikhat Pinahuarutit ilauyut akiitukkut hiamitiqtauyunaitullu hivayautaa, 1-800-663-1142, tapkua havaktit/ilailuuniin hivayaqtaaqtaat quyaginaq uqaqatigilugit uqaudjijut qujaginaq Nunavunmi Uqauhiitigut, ilaujullu qaritauyakkut ikayuutighat uvani www.homewoodhealth.com. 

 

 

Nunalingni Kavamatkunillu Pivikhaqautikkut Havagvia havagutit

Nappaqtirinikkut Havaktit Iniqtut Avalingarnirmik January  1 – January 21, 2021

  
Uplughait Nampait
Januali 1min 24mun, Atautimut 77
May – November 2020 Atautimun 2,257

 

 

Nunavunmi Ilihariaqpaalivik

Ihuaqhaqtauhimayut kivgaqtuutit:

Ihuaqhaqtauhimayut kivgaqtuutit Igluqpait Arviani nuutiqtauyut Qanurininganun 4 - Nunaitkutaa Aupayaaqtuq atuliqluni qilamik. Una naunaiyautaa tapkua tamaita Nunavunmi Ilihariaqpaalivik Igluqpait Arviani umiktut ihariagiyaunginaqtunun havaktinun kihimi.

Hapkununga NAC mi ilihaqtunun Arviani:

  • Ilihaqtakhat nuutauniaqtut unngahiktukkut liharnirmik, piyuminaqqan.
  • Piyariaqarlutit haffumunga ilihaqtut qaritauyaliqivianik: firstname.lastname@arctic.college (piqangitkuvin, qaritauyakkut ITSupport@arcticcollege.com uvaluuniin hivayaqlugit NAC IT Ikayuqtiit imaa hivayautikkut 1-867-222-2083.)
  • Aghuungnaqtut nutaanguqtirhimayut uqautauniaqtut Tuhaqtitiyiit Havakviinin.
  • ilihaqtut apiriyauyut naunairlugit hivayautit qaritauyakkut titirarvikhait naunaitkutait (hivayautaa napaa imaalu/imaaluuniit qaritauyakkut titirarvikhat)
  • Ilihaqtut aghuurutauyut pihimalutik (hivayautikkut) uqaqatigihimaaqlugit ilihaiyitik ilihaqatitiklu ikayuqhiriamingnik.
  • Tuharnahuaqluhi nutaanguqhimayunik tuhaqtidjutikkut (Facebookkut Twiiterkulu) naunaiyaqviit qaritauyaliqiviit.

Hapkununga NACkut Ilihaiyit Arviani:

  • Ilihaqtakhat nuutauniaqtut unngahiktukkut liharnirmik, piyuminaqqan.
  • Ilihaiyit apiriyauyut pihimalugit ilihaqtut hivayautaita napait.
  • Ilihaiyit apiriyauyut ilituripkaqhimaaqlugit Atanguyatik.
  • Pihimalugit kangiqhidjutit piyariaqaqtatit havagvingnin qaritayaanin, ilauyut tutquumavik Y: drive.
  • Ilihaiyit apiriyauyut itqaumalugit hiamitiqtaghaungitut havakumik iglumingni.
  • Piyariaqaqat, pihimalugit ikaangnirit naunaitkutait upalungaiyaqhimalugit pihimalugiluuniin titiqqat.

Hapkununga NACkut havaktiit Arviani:

  • NACkut  igluqpait piyaarniaqtut ihariagiyauyunun havaktiinarnun. 
  • Ihariagiyauyut havaktit apiriyauyut tutqighaqlugit inmi havaaghatik atanguyanun.
  • Ivyarutit atimayauyughat ihariagiyauyunin havaktinin igluqpangmiitkumik.
  • Havaktit apiriyauyut tuqighaqlugit inmi atanguyatik tunilugit hivayautitik, hivayautailu tapkua uniudjuqvitik.
  • Havakuvik iglungni, pihimalugit kangiqhidjutit piyariaqaqtut havagvingnin qaritauyamin, ilauyut tutquumaviit Y: drive.
  • Havaktit apiriyauyut itqaumalugit hiamitiqtaghaungitut havakumik iglumingni.
  • Piyariaqaqat, pihimalugit ikaangnirit naunaitkutait upalungaiyaqhimalugit pihimalugiluuniin titiqqat.

IT Ikayuutighat Ilihaqtunun Havaktinunlu

  • Piyariaqaruvin NACkut IT Ikayuqtiit qaritauyaliqiviit: ITSupport@arcticcollege.com hivayautikuluuniin 1-867-222-2083.
  • Atugahanik ilihaidjutinun haffumunga Microsoft ikayuutainik imaatun Teams, OneDrive, Outlook, Planner, Forms, etc, qairtauyakkut ilituripkarlugit NAC IT Ikayuqtiit iliahidjutikkut-kitunun napait 1-867-222-2428.

NAC-kut kangiqhimayut amigaittut ihumaluutauyut ilihaqtut qayangnaitkutikhanik qalagyuarnirmun COVID-19 qalagjuarnirmit.  NAC-kut kangiqhimayut ilangit ilihaqtut aullarumaniarunaqhiyut talvanga talvunga  Arvianun Titiraqhimayuq uvani Kavamatkut Nunavunmi tuhaqtidjutaini “aulaarutit talvanga talvunga nunallaamun pittailiyauyut.:

 

 

Nunavunmi Igluliqijirjuatkut

Aulahimaaqtun kivgaqtuutit:

NHCkut Atanguyaqarviit ukualu Havagvingni Havaktit aulaniaqtut ihariagiyauyunun havaktinun havagvingmi, ihariagiyaungitut havaktit havaklutik iglumingni. Pinahuarutit ublunilu havaktaghat hulaqilimaitut

Ihuaqhaqtauhimayut kivgaqtuutit:

Arviani Igluliqiyit kiuniaqtut qilamiurutainarnun, imaa unaqautainirmun imailiurnirmunlu. Ihariagiyauyut havaktit kiuniaqtut qilamiurutinun pihimalutik tamainun qalagyuarnirmun COVID-19 maligahaitigut itirumik iglumun.

 

 

Nunavunmiutat aanniaqtailidjutait atauttikkut munaridjutigiyavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.

PDF