Qalagjuarniq-19 GN Ilitturipkaidjutit - Saptaipa 14, 2020

Apitilirvik 14, 2020

Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Attautimut amigaitilangin inuit munarijaujun qanurinniariakhainnik ublumimun imaa ittun 2,593. 413-ngujun inuit tadja munarijaunun.

Upalungaijaqtillugata alappaarnatqijaujumun hilamun naitqijaujuniklu ublukhanik, itqaumatqujaujun inuit kikliqarutikhat katimadjutikhanun huli atuqtaujun.

Kikliqarutikhat angaadjuvingni, miitirvingni, nunallaani katimaviinni, akiliqtuqhunik aturutit miitirvingni, katimadjutiniklu ihuarhaqtauhimajun Kanadaup Kavamangani, Nunavut Kavamangani, haamlatkut kuapuriisitkunni, Avikturhimanirni Inuit Timiqutiinni iliuraqtauhimajuq imaatun 50nik inungnik imaaluunniit 50%mik nappaanik inugiagutikhaanun igluqpaut, naliani ikitqijaujumi.

Tamaita aallat igluqpami katimadjtuit kikliqaqtun qulinun (10) inungnun. Nanminirijaujunun iglunun, una tukilik qulinik (10) inungnik ilaujukhat tapkununga igluqaqtunun talvani.

Taimaatun nunarjuami aannialaqidjutimi pilirutaani 6sini tatqiqhiutini, COVID-kut- unagulirniq takujauliqtuq nunarjuami taimaatun inuit malillualimaiqhutik kavamatkunnin aanniaqtailinikkut uqaudjutainnin. Taimaatun pihimangithuta aannialaqidjutinik COVID-19 qalagjuarnirmin Nunavunmi huli, havaktukhaujugun ihumagittiaqtakhavun maliklugin kavamatkunnin aanniaqtailinikkut pitquidjutait uqaudjutaillu.

Halummarhittiarniq imaatun uarnikkut algaptiknik halummarhinikkullu kahaktauraanginnaqtun qaangit, timikkut ahiqpaniinnirnik, katimaqattaqhimaittumik, avaliinnarnikkullu havaqatigijait pipkainikkut qangjangnaidjutikhait tamainnun Nunavunmiutanun. Kihimi, taapkuat naammainnarutiqarniaqtun tamapta havaqatigiigupta. Hugihuirutauniit hapkuningna pitqujauhimadjutinik uqautiniklu tamainnun qajangnarhidjutittaaqtuq.

Anginitqijauniqaqtuq, malingnik kavamatkunnin aanniaqtailinikkut uqaudjutainnin uqaudjutainniklu ikajurniaqtait hapumminikkut Nunavunmiutanik talvannga COVID-19 qalagjuarnirmin tikitpat Nunavunmun talvuuna kikliqaqtipkainikkut hiamitirutaanik. Piqarhimaittumik hapkuninnga qanuriliurutikhanik, aanniaqtailinikkut hulaqutait COVID-19 qalagjuarnirmi Nunavunmi ingattaumattaaqtun.

Qaangiqhimajunik 6sini tatqiqhiutinik, nunaupluta havakpiarhimajugun hapumminikkut uvaptiknik tamainniklu, aulahimmaaqta havagutiluta auladjutikhanik nunallaaptiknik ilagijaptingniklu qajangnaittaami.

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Avaliingaaqtihimanikkut Amigaitilaangin

Atauttimun (Tamaita Avaliingaarnikkut Najurviit)

Aullaaqtuq Qanurittumik

Inuit Avaliingaaqtun talvani Sept. 11min

Aanniarnikkut

405

Inuit Inmikkuuqtun

341

Atauttimun

746



Aullarhimajun utiqtun naunaijautaa:

Aullarvia Ublua

Amigaitilaangit Aullaaqtun Avaliingaarvingnin

12-Sep

0

13-Sep

59

14-Sep

93

15-Sep

41

16-Sep

47

Atauttimun

240

 

Ihariagijauqpiaqtuni Havaktini Tukhirutin

Talvannga Sept. 11min, pilik 5301 tukhirutinik, 2630ngujun ihariagijauqpiaqtuni havaktini tukhirutinik.

Tukhirutikkut Qanurittun

#

%

Angiqtaujut (ilaujun ihariagijauqpiaqtun ihariagijauqpiangittullu)

3820

72.1%

Qin’ngijaujun

248

4.7%

Ihumaliuqtaujun huli

66

1.5%

Aullauvilluarvigijainni Nunat Angiqtaujun

1167

22.0%

Atauttimun

5301

100%

 

Nunalingni Kavatkunillu Pivikhaqautikkut Havagvia

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit inirhimajun avaliingarnikkut ublumimun: 1367

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.