Qalagjuarniq-19 GN Ilitturipkaidjutit - Qitiqqautijuq 7, 2020

Qittiqauyarvia 7, 2020

Ublumimit, naunaiqhihimangittut aannialiqtunik aannialirnahugijunikluuniit qalagjuarniq-19 Nunavunmi.

Uumani havangnaidjutaani, amigaittut Nunavummiut anilimaiqhimavakhimajut najuqtamingnit hivuraani angilraullahinialiqtut avikturnirmut. Naunaiqhittalirtunga naunaittiarutikhainnik tingmidjutikhanut avikturnirmut:

  • Inuit iniqhihimajut anilimaiqhimavingmingni 14 ni ublunik agjaqtauniaqtut akhaluutirjuakkut itiqtirvikhainnit milvingmut ahiit ikipkaktaulutik tingmitikhanut.
  • FANS ilihaqtut sataqtauniaqtut avikturnirmut ahiit agjaqtaulutik aimaviinnut nunanganut.
  • Uukturniaqtut aallanik inungnik qanittuaniilvikhanik hivikittumik milvingmiititlutik akhuurutiginiaqtait.
  • Inuit iniqhihimajut 14-iblumi anittailijauvingmingnik atauhirmi itiqtirvingmi pijariaqangittut anittailijakhaittut nunamingnut tikitkumik. Kihimi– tinmingnik munarihimmaaqtukhaujut mihingnautimingnik qanurittaakhamingniklu, akhiqpangahimmaarlutik inungnit imaalu aihimalutik iglumingni kihianik hulinahuarumik hariahuktamingnik pijaqturnahuarutmik.

Puiguqtailidjavutit, hapkuat maliqujaujut aturiaqaqtavut ubluq tamaat.

Qujagijavut tamaita Nunavummiut akhuurutainnik aanniaqtailinahurutikhanik inuatqatiffingnik. Taimailiurhimmaaritti, akhuuqhimmaarluhillu.

 

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Havagviat Aanniaqtailinikkut

Anittailijaujunut Najugakhait

Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat. Hapkuat akiliqtakhat akiliqtpaktait Nunavut Kavamanga. GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu. Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.

Tun'ngahuktitidjutit puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.

 

Qaffiujut Anittailijaujut najuqtamingnit

ATAUTTIMUT (Tamaita Anittailijaujut Najugainni)

Tingmijukhanut Qanurinniit

Itiqtikhimajut Anittailijaujut talvanga April 4

Aanniarvilikhimajut ihivriuqhiqtukhat

228

Inuit inmikkuuktut

121
Ilihaqtut 60
Atauttimut 409

 

Tukhiutit tingmijumajunit

Ubluaniit April 5 (a.m.) imaatut amigaitilangit 408 tingmitikkut aullarumajut tukhiutait, 313 ukunanga ihariagijaujut havaktikhat tukhiutait.

Tukhiutait Qanurinniit # %
Angiqtaujut (ilaujut ihariagijaujut imaalu havaktiungittut) 317 74.6%
Qin'ngijaujut 47 11.0%

Ihumaliurutaujut huli

61 14.4%
Atauttimut 425 100%

 

Havagviat Ilinniaqtuliqijikkut kivgaqtuutikhait

Talvanga April 7, ilihaijit avikturianni ittut huli havagiaktuinnarialaqijut iliharvingnut inmik pijumagumik, piliuliriamingnik ilihautikhainnik p[uuqhimajunik ilihaqtut. Maliktaujarialiit agjautikhanik hapkuat puuqhimajut ilihautikhait ilihaqtut iniuqtiqtauliqtuq Havagvianit Ilinniaqtuliqijitkut.

Tamaita Nunauvnmi iliharvingni havaktit niriuktauyut utiqlutik havaamingnun nunamingni uumani April 21, 2020. Ilihaijit tadja ahianniittut avikturniannit pijariaqaqtut 14-ni ubluni anittaililutik hivituniani naunaiqtauhimajuni najugakhainni itiqtirvingni utiqtinnatik Nunavunmut. Ilijaijit aulaqtilimaitkumikkik 14-ni ubluni anittaililutik hivituniani tikitinnagu utirvikhaqtik April 21,hivaraqtakhat atan'ngujaqtik imaalu uqarlutik tunihilutik naunaitkutikhanik tingmidjutikhamingnik upalungaijautainnik imaalutitidjutimingnikj anittailivikhamingnik naunaiqtauhimajunni itiqtirvingni ikajuutikhanik nahurinnaittunik kinguvaktidjutinik.

Uumani April 21, ihumaliurniaqtut malkiqalugit pitquijauhimajut taffumanga Atanilluaq Nunalaani Aanniaqtailinikkut Havaktimit.

Iliharviit umikhimaniaqqata hul:

Iliharviit havaktingit pijariaqarniaqtut aullaffaalirlugit aulapkaidjutikhangit imaalu apirijauniaqtut piliurlutik aullaranginnaqtumik ilihautikhainnik uplaungaijautikhanik tamainut ilihaqtunut.

Ilihaiyit tunihiniaqtut naunaiyaqhimayunik atugahanik qanuq ihivriurutit, kingulliqpaamik unniudjutainnik ilihautainnik, imaalu puqtuniillu qanuriniitigut piyakhat.

Iliharviit nagmaffarniaqatta:

Iliharviit aulapkaidjutikhangit aullaffaalirniaqtut aadjikutaanik.

ITamagingni,angajukhiit lihaqtut naunaijautait ilitamingnik angaukhiit iliharviinni ilihaqtut taimaaqtitaujut nungunianun June.

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.