Qalagjuarniq-19 GN Ilitturipkaidjutit - Qitiqqautijuq 2, 2020

Qittiqauyarvia 2, 2020

Tuklia Hivuliqtip ilitturipkaidjutaa:

Ublukkut. Havaglaktunga iningani Hivuliqtip Savikataaq ublumi, katimaqataungmat havinirmi tamaat talvuuna Qalagjuarniq-19 hivajautikkut katimaqatigiplugit Kanadap Hivuliqtingit.

Ublumimit, naunaiqhihimangittut aannialiqtunik aannialirnahugiyunikluuniit qalagjuarniq-19 Nunavunmi.

Nunavunmi Inungnut Aanniaqtailinikkut Amigaqhuutat hiviturjumijat talvunga ubluanut Qitiqqautijuq 16, 2020. Hamna ikajuutauniaqtuq kavamaptingnut atuqtakhaliuqtamingnik uuktuurikhaliuqtaptingnik hanaiqhimalutik imaalu qajangnaqtukhanik naahurijamingnik.

Naunaiqhihimaittut ublumimut ilitturipkaqtaujukhanik, uqallautiniaqqaffi tamapfi tamapta ikajuqtigiikta haffumuuna aanniarutikkut hiamittaaqtukkutr – ilihamannaittunik, ajuqhautigijaptingnik, tunin'ngunarnikkut, ikajuutikhailiurnikkullu atuqtaqqut tamapta.

Ikajuqtigiikluta hamna qangirniaqtaqqut Qalagjuarniq-19 aihimaluta pulaakhimaittumik, ikajuqtigiiktukhaujugut, kajuumilaariangani hiammitirutaa aanniarutip imaatullu aannialiqtailinahuarlugit ilavut nunaqatiguvllu.

Hivituniarunaqhijuq naamakhilirvikhanik. Ahiqpangavagluhi inungnit. Irinahukhimaittumik uuktuqtukhaujugut. Tamapta ikajuqtigiikluta uuktuqpakta ilavut ilannavullu uunngannaraluaqtitlugit akhuuqatigiikta pinahuaqtaptingnik aniguutijangani aanniarut.

Nunavummiut - aihimagguitti igluffingni pulaakhimaittumik. Inuutivut inuuhimmarianginni.

 

 

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Aanniaqtailinikkut Havagvia Kivagaqtuutit

Inungnut Aanniaqtailinikkut Amigaqhuutat hiviturjumijat talvunga ubluanut Qitiqqautijuq 16, 2020.

Amigakhuutaujuinnait kiguutaijaqtit kivgaqtuutikhait tunijauniaqtut tamainni Nunavunmi nunallaani qakugu tuhaqtitauffarniaqquhi.

Nunaqaruvit Iqalungmni, Kangiqłinirmi, Iqaluktuutiamiluuniit imaalu kiguulliurjualiruvit imaaluuniit kigikhiurlirumik imaktitpataluuniit, hivajainnariaqaqtatit kiguhiqijitkut titiraqhimajut ataani uqariarni kiguuliurutingnik. Hivajarviit kiuyaungitpat, malikluigit maliktakhaliukhimajut nipiliuqhimajummik naalaglutit.

  • Iqaluit: Avikturnianni Kiguuhiqijitkut Tutqikhaijiat talvani QGH @ 867-975-8600 ext 6206
  • Kangiqłinirmi Kiguhiqijitkut Havagviat @ 867-645-2776
  • Iqaluktuutiami Kiguhiqijitkut Havagviat @ 867-983-4171

Pulaaqtailidjavutit kiguhiqijitkut havagvianut tunijauhimaitkuvit ihuaqhariikhimajumik takuurhirvikharnik. Inuit upautijut tapkununga kiguuhiqijitkut havagviannut ihuaqhijauhimaittumik ihivriuqhirvikhanik takujaulimaittut.

Apirijaujutit takuukhirvikharnik qaitqujauplutit kinguvaktihimaittumik, takujaulimairnakhavutit kinguvaktitkuvit qaiguvit.

Inungnut tahamanirmiutaungittunut nunaqaqtut hilatainnit Iqalungnit, Kangiqlinirmi hamaniluuniit Iqaluktuutiami kigikhiurlualirumik imaaluuniit kigikhiurlirumik imaktitpataluuniit, hivajadjavutit nunangni munaqhitkunut.

Anittailijaujunut Najugakhait

Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat. Hapkuat akiliqtakhat akiliqtpaktait Nunavut Kavamanga.

GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu. Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.

Tun'ngahuktitidjutit puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.

 

ATAUTTIMUT (Tamaita Anittailijaujut Najugainni)

Tingmijukhanut Qanurinniit

Itiqtikhimajut Anittailijaujut talvanga Qitiqqautijuq 1

Aanniarvilikhimajut ihivriuqhiqtukhat

199

Inuit inmikkuuktut

86
Ilihaqtut 60
Atauttimut 345

 

Qaffiujut

Atauttimut nampait inuit anittailijaujut talvanga Qiqaijalirvia 31: 315 – 178 aanniarviliakhimajut tingmitikkut aullakhimajut, 78 nunamingnit aullakhimajut imaalu 59 ilihaqtut.

Ubluanit Qitiqqautijuq 2 (a.m.) imaatut amigaitilangit 360 tingmitikkut aullarumajut tukhiutait, 286 ukunanga ihariagijaujut havaktikhat tukhiutait.

 

Tukhiutait Qanurinniit # %
Angiqtaujut (ilaujut ihariagijaujut imaalu havaktiungittut) 247 68.6%
Qin'ngijaujut 34 9.4%

Ihumaliurutaujut huli

79 21.0%
Atauttimut 360 100%

 

Aulahimaaqtun havagutit:

  • Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi. Tamaita amirakhuutaungittut takujaujumajut naunaiqtauvangniaqtut ubluq tamaat. Qilamik piyaanirit qilamiurnikkut aaniaqyuaqtunun aanniaqtilinirmun munaqhiyut kivgaqtuutait aulahimaarniaqtut piinarialgit 24ni ikaarnirni ubluni, saivani ubluni havainirmi. Tamita inuit apiriyauyut hivayaquyayut munaqhiliaqtinatik.
  • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
  • Nutarannuanik ihivriuqhirviit, hingaihimayunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
  • Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.

 

Ihuaqhaqtauhimayut kivgaqtuutit:

  • Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.
  • Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.
  • Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait. Tamaita ihivriuqhirvikhait kinguvaktitaujut.
  • Ihumaliqinikkut Aanniaqtailinirmun Ipiralainirmunlu (MHA) nuutiqtaujut hivajautikuuliqhugit qanurinmangaata ikajuutikhallu ilanginun aanniaqtunun. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ajuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhainnik:

  • Aallangajut ihivriuqtauvikhait taimaaqtitauhimajut. Havaktauliqtut ihumaliuriangini kitut aaniaqtut takuyauyaaqtut hivayaqtaulutik/naunaiyaqhimayut munaridjutikhait.
  • Tamaita aulariaqangitut tingmilutik ihumaliqinikkut aanniaqtailinirmun ilailu taimaaqtitauyut. Tamainut aullariaqangitkumik tingmilutik ilamingnun pulaaqtitauyut aanniaqtunun munariyauyunun taimaaqtitauyut.
  • Pulaaqtiqalimaittut hivitujumut iglugijaujunni iNunavunmi – Munarihimmaaqtauviitlu Igluqpangmiuyut (CCCs) umanillu Inirnikhat Aimaviit.

 

Havagviat Avatiliqiyitkut Kivgaqtuutikhait

Nutaaq (maniliqinikkut) ukiunga kantrakhat upalungaijaqtauniaqtut ihuaqtumik aulapkaidjutivut imaalu/imaaluuniit ihuakhaglugit 2020-21 Havauhikhainut Upalungaijautit hivuliutijakhainnik.

Avatimut Hapummiyiit Havagvingat havaqatigiplugit kavamatuqatkut, ukiuqtaqtumi aviktuqhimajuni kavamauqatiiklu titiraqmikhilaarutikhangit puujuinnut pidjutaujut aanniarutip hiamitirutat pidjutigiplugit.

Havgagviat havaktiit havaktut aimavingmingnit imaalu havaakhanik tunihimaktut aullaranginnaqtut huli.

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.