Qalagjuarniq-19 GN Ilitturipkaidjutit - April 8, 2020

Qittiqauyarvia 8, 2020

Hivuliqtip ilitturipkaidjutikhaa:

Ublumimit, naunaiqhihimangittut aannialiqtunik aannialirnahugijunikluuniit qalagjuarniq-19 Nunavunmi.

Ublumi, atauttimut nampait inuit ihivriuqtaujut ublumimut 369. 255 inuit hadja ihivriuqhidtaujut, ukuat 114 inuit ihivriuqhigakhaiktut.

Uqautigijumajatka qangiqhijauluangittut ukuallu itquumangittunik uqaqtauhimajut tuhaqtidjutikhamit ippakhaq tapkuat ilihaijiit utiqtukhaujut havaliffaarlutik stemming April 21-mi. Hamna tahapkunungainnaq HAVAKTIINNAIT, upalungaijaijamingni piliurlutiklu aullaranginnaqtumik ilihautikhainnik iupalungaijautikhanik imaatut iliharviit umikhimaniaqqata huli.

Hivajaqtauqattaqpaktunga titirarviuplungallu ilihaqtut utirnialiriakhaita ilihaffaalirlutik malruuk havainiik naatpata. Hamna naunaiqhimaittuq huli. Dr. Patterson naunaiqhiniaqtuq qakugunnuaq umikhimavikhaat hiviturniariakhanik.

Kangiqhimajugut tamna Qalagjuarniq-19 aaniarutigjuaq pidjutaujuq qaujimannaittunik, kihimi ikajuriaqaqtavut ilihaqtut iliharvikharaluanganni tatqiqhiutikhainni nungunniartutaanut iliharniup ukiungani – qanurinniagiakhanik nalunaqtuq. Ilihaijit iliharviillu atan'ngujait angijumik ikajuuurnirmik havaaqaqtut ikajurahuarutikhanik ilihaqtuutiptingnut nunaqativullu tadja atuqtaudjutaani haffuma ajuqharnita, taimaittumik utiqujavut havaamingnut.

Akhuurutigivaktavut ilihaqtut ikajurumaplugit imaalu hivunikhaliurutikhainnik ihuaqtumik.

Ilihimajunga Minista Joanasie wuqautigiffaarniaqta hamna naunaijattiarahuarlugu.

Uqautigijumajaralu uuman taaktip Dr. Patterson uqautigijaa ippakhaq talvuuna Qalagjuarniq-19 unalu higaarnikkut. Ilihimajugut tamna Qalagjuarniq-19 taimaittuujumik puvvakkut aanniarutaujuq imaalu qaujijaqhimajainnit naunaiqtaujut higaarniq ingattarnaqtuq mihingnautainnut.

Higaajuktut aannialirniarunaqqtut taffuminga aanniarunmik Qalagjuarniq-19 higaarniq aannialiutauniaqtuq higaajuktumut aktuanganit akuliangminik umilrurminiklu. Atauhirmik hagadjamik aallalu inulu higaaruirlutik imaaluuniit pukuguirlutit higaadjakunnik. Uaqpagugit algakkit irmiunmut imarmullu aktuqtaililugit akuliakkit qaniitlu algangnut.

Nunavummiut, ihumaguvit higaaruijagumaplutit, taki higaaruinahuaqpalrit ublumimit. Inuuhikhi nakuuhijuummiqpiakniaqtuq qakununnuaq imaalu higaaruikhaakhimaliruvit imaalu aallanguutauniaqhuni aannialiqtailitikharnik aanniarnmik.

Higgajukkuvit, qaniklittailinahuarlugit ilatiut ilannatillu. Hamna ikajuutauiniaqtuq aannikhaaqtarnaittumik higadjap pujuanik imaalu qupilruanik aanniarutip.

Avalingangittutit higaaruijarnahuaqtutit – ikajuqtikhaqaqtutit! Tuhaqtitakhaa uqaudjijimit talvuuna Tipaakut Hamaniirvikhaqangitun Facebook makpirnia imaaluuniit hivajarlutit 1-866-368-7848 24nik ikaarninik angmaumajuq, 7nik ublunik angmaumajuq.

Quanaquhiu tamaffi aullaranginnaqtmi uttaqqivakhuhi, ikajuuraffi, ikajurahuaqhuhillu, kangiqhigaffi akhuurutigiplugillu nunani tadja ajuqhautaujukkut. Qalagjuarniq-19 nalunaqhitijuq hunanut tamainnut, kihimi qangirniaqtavut ikajuqtigiikluta.

 

Ministaat Ilinniaqtuliqijitkut ilitturipkaidjutaa

Ippakhaq, Havagviat Ilinniaqtuliqijikkut tujuqtuq titiraqtamik tamainnut iliharvingni havaktiinnut utioquplugit havaanginnut aimavingmingni nuamingni uumani April 21, 2020. Hamna tahapkunungainnaq HAVAKTIINNAIT, upalungaijaijamingni piliurlutiklu aullaranginnaqtumik ilihautikhainnik iupalungaijautikhanik imaatut iliharviit umikhimaniaqqata huli.

Naunairumajatka amigaitilangit tunijatka ippakhaq – tamigaitilangit imaatut 1,185 havaktit havaktut iliharviinni tamainni nunani avikturnianni. Ninety-thuli (93) hapkuat havaktit auulaqhimajut ahianut avikturnirmit, utiuliqtut aimavingmingnut nunamingnut. Hamna tukiqaqtuq iit pusantimik (8%) ukunanga tamainnit iliharvingni havaktiinnit.

Ilihaijiit tamainni nunarjuami havaktut akhuuqhutik ikajurumaplugit ilihaqtut aimavingmingni ilihaqtut kinguvaktingittanginni iliharviit umikhimatitlugit. Ilihaqtuutivut aadjikutainnik ikajuqtaujukhat, taimaittumik apirijavut ilihaijit havaffaalirlutik tadja.

Ilihaijit utirumik havaamingnut ihumagilugit ikajhuutikhangit ilihaqtut ilinniaqtamingnut imaalu inuuhiringnaqtumik piliurlutik ilihautikhainnik nutaqqat. Hamna ikajuutauqpiarniaqtuq ilihaqtunut piqangittunut qaritaujakkurutiknik tapkuallu inuuhirluktut timimikkut ajuqhautiqaqtunut aallangajunik ilihautiqaqtunut upalungaujautinik.

Iliharviit havaktiit aullaqhimajut ahianut Nunavunmit pijukhaujut pitqujauhimajumik 14-ni ubluni anihimaittumik najuqtamingnit hivitunianik GN-naunaiqtaiuhimajumi itiqtirvikhani hivuraani utiqtinnatik Nunavunmut. Hamna aadjikkuutaa tapkuat tamarmik Nunavunmi nunqaqtut, FANS ilihaqtut, ukuallu taaktiliaqtukhat tingmitikkut aullaqhimajut utirnahuaqtut Nunavunmut malikpaktainnik. Hamna atuqtakhaq piliuqtauhimajuq ataani pitqudjutainnik taffumanga Atanilluaq Nunalaani Aanniaqtailinikkut Havakti.

Nunavunmi nunaqaqtut, ilaujut iliharviinni havaktit, munaqhijukhaujut inmikngnik tingmidjutikhamingnik akiliqtakhanik utiudjutikhamingnut nunamingnut Nunavunmi. GN-kut akilirniaqtat akikhanga itiqtirvikhanut anihimaittumik najugakhanik naunaiqtauhimajuni itiqtirvingni tamaita Nunavunmi nunaqaqtut, ilaujut iliharviinni havaktit.

Tamaita GN-kunni havaktiit, ilaujut iliharviinni ilihaijit, utiqtukhaujut havaanmingnut avikturnianni. Ihuaqharniaqtavut tukhiutit havaktinit tadja ahianiittut avikturnianit havaglutik nunamit najuqtamingnit tadja ataulhillaaqtarlugit qanurinniit naunairlugit.

Havagviat Ilinniaqtuliqijikkut aullaranginnaqtumik uqarvigivaktait Nunavunmi Ilihaijiit Katimajiit ukuallu Nunallaani Ilinniaqtulirijitkut Katimajiit (DEAs).

Tamarmik ihuarijaat ihumaliurutaat utiqtitlugit ilihaijiit havanginnut naunaittumik ilihaqtut aullaranginnaqtumik iliharianginni imaalu ikajuqtaulutik iliharviit umikhimatitlugit.

Iliharviit angmaffaarniaqtut ilihaqtunut tamna Angiyuqaak Nunalaani Aanniaqtailinikkut Havakti naunaiqhikpat qajangnaiqqat iliharviit angmaffanginariaqaliqqata. Kihimi, havaktivut utiqtukhaujut havaamingnut April 21 to havaliriamingnik ilihaqtut’ ihuaqtumik aulanikhanut, qanuriliurniaqqataluuniit.

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Havagviat Aanniaqtailinikkut

Anittailijaujunut Najugakhait

Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat. Hapkuat akiliqtakhat akiliqtpaktait Nunavut Kavamanga. GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu. Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.

Naunaitkutikhat puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.

Qaffiujut

Atauttimut (Tamaita Anittailijaujut Najugainni)

Tingmijukhanut Qanurinniit

Itiqtikhimajut Anittailijaujut talvanga April 7

Taaktiliarnahaqtun Tingmidjutikhanut

246
Inuit inmikkuuktut 125
Ilihaqtut 60
Attautimun 431

 

Tingmijumajunit tukhiutit

Ubluaniit April 7 (a.m.) imaatut amigaitilangit 446 tingmitikkut aullarumajut tukhiutait, 339 ukunanga ihariagijaujut havaktikhat tukhiutait.

Tukhiutait Qanurinniit # %

Angiqtaujut (ilaujut ihariagijaujut imaalu havaktiungittut)

331 74.2%
Qin'ngijaujut 49 11.0%
Ihumaliurutaujut huli 66 14.8%
Attautimun 425 100%

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.