Hivuliqti unniutijuq aallanguqtirnirnik ministani havaarijainni

Nuvaipa 8, 2018

Iqaluit, Nunavut (Hikutirvia 8, 2018) – Hivuliqti Joe Savikataaq ublumi unniutijuq una Minista Patterk Netser munariliqniaqtait ukuak Nunavunmi Igluliqijirjuatkut unalu Qulliq Alrujaqtuqtunik Ikumadjutiit havakvikhat, atuliqluni aqagu.  

“Atulihaaliqhuni havainiq, uqariijaqtauvaktuq nutaatqijaq ilauliqtuq uvani ministait katimajiinni. Takuhimaplugin Mr. Netserp havaktaaqtait aliagijaillu, ihumajunga hapkuat havaakhait nakuuniqaqtun ministait katimajiinnun,” uqaqtuq Hivuliqti Savikataaq. 

Taimaalu, Minista Jeannie Ehaloak pihimahimmaaqniaqtaa Qulliq Alruyaqtuqtunik Ikumadjutiit havagvik, taimaalu Hivuliqti Savikataaq havagutiginiaqtait Ministauluni Avatiliqijikkunni. 

“Anginiqaqtun havaakhat havaktaujukhat tamainnin havagvingnin pivigijaujuninlu, pipkaijumajungalu hivumuuhimmaarutikhanik havagutiptikni pijaamik turaangadjutinik iliuraqtauhimajun Turaaqtavunmi,” uqaqtuq Hivuliqti Savikataaq. “Qujagijumajatka tamaita katimajun Maligaliuqvikmi pijumaqpiarutinginni havakpiarutinginnilu uumani katimanirmi. Pidjutigiplugit ministainni katimajiinnik, tunngahuktijumajara Minisat Netser katimajinun,” uqaqtuq Hivuliqti Savikataaq. 

### 

Tuhagaqtidjutikhanut Uqarvikhaq: 
Cate Macleod  
Taigualiuqtiinni Titiraqtia  
Havagvia Hivuliqtip Savikataaq 
867-975-5059
cmacleod@gov.nu.ca