Hivuliqti Savikataaq tikuakhivaktuq havaktiluaqtakhainik

Immaktirvia 20, 2018

IQALUIT, Nunavut – Hivuliqti Joe Savikataaq tuhaqtitiumayuq tikuaktamingnik Virginia Mearnsmik Titiraqtiuluaqtiginiaqta. Tikuarutaa aulaniaqtuq Taaqhivaliavia 3, 2018.

"Quviahuktunga taima Ms. Mearns angirutigivakhimayanga uminga havaamun. Havakhimaanginaqtait havaqatigiyaangat havadjagikhunilu ikayugianganik Inuit havaktitauyukharnik havaktunik kavamanmi anginirmik pidjutiqaqtuq uvani havagvimni," uqallaktuq Hivuliqti Savikataaq.

Talvanganin 2014mi, Ms. Mearns havakpakhimayuq Havagvingmi Tukliuluni Ministamun Kavamaliqiyitkuni, munagihimaaqpakhuni hanaqidjutikhangit upalungairutikhangit atuqtakharniklu Nunavut Kavamangit (GN). Havaktinani talvani, Angiyuqaanguyugaluaq Havaktiupluni talvani Nunavut Tunngavikkutni.

Ilauqaqtuqlu uvani, Cate Macleod, Aulapkaiyigaluaq Tuhaqtitiukharnik Nunavut Kavamatkuni, havarniaqtuq talvani Tuhaqtitiliqiyunik Titiraqtiuniaqtuq. Tamna Maligaliuqtiugaluarlu Maligaliuryuarvingmi Ron Elliott aulaniaqtuq talvani Hivuliqtium Savikataam Atanirnik Ikayuktiuniaqtuq unalu Dorcas Nattaq-Hamioui aulaniaqtuq havaangani talvani Ataniqarvingmi Titiraqtiuniaqtuq.

"Talvanga havagviga havaktiningman, upalungaikhimaliqtunga havagianganik havaktauyukharnik. Atautimiitilunuk, havarniaqtugut akhut Nunavunmiut pidjutikharnik quviahuktugutlu ilauyaangat tamangnik ilaqatigiirniaqtavut tigumidjutiqaqtuniklu naunaiyaiyaangat iniqtigiyaangat pidjutikhaptingnik havaktauyukharnik maliktakhaqut," uqalllaktuq Hivuliqti Savikataaq.

###

Tuhagaqtidjutikhanut Uqarvikhaq:

Cate Macleod
Taigualiuqtit Titiraqtia
Havagvia Hivuliqti Savikataaq
867-975-5059
cmacleod@gov.nu.ca