COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 18, 2020

Nuvaipa 18, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 18, 2020

Hivuliuqtimin nutaamik tuhaqtidjutaa

Ublaakkut. Ublumimit, Nunavut attautimut 70-nguqtut annialiqtut COVID-19 qalagjuarnirmik. Itnguqtut nuatta aannialiqtut ublumi Arviani imaalu malruuk nutaak aannialiqtuuk Kangiqlinirmi. Attautimun amigaitilangit inuit munarijaujut ublumimun 4141. Tadja 785 inuit tadja munarijaujun.

Quvianaittugaluaqtuq, thiamitirlirninga COVID-19 qalagjuarniup idjuhirivaktaa, hiamitiqpaktuq aanniarut inungnut. Amigaigjuuminiat kinguliingni malrungni ublungni angijuq, kappianaqtutut itturlu, khimi ilihimajugut aamigaigjuminiaqtut aannialiqtut aannialaqidjut tikitkumi avikturnianut. Tajjamit, anginiqaqtuq nutqaqtinahuarlavut hapkuat amigaitilangit,imaalu ihumaluta qanuriliurutikhaptingnik, taimailiuriaptingni.

Ublumi, Nunavut umikhimanialiqtuq malrungni havainiingni. Hamna ikajuurahuarutikhaqqut, nutqaqtinnahuaqlaqqut COVID-19 qalagjuarniq.

Ikajurahuaritti maliqajakhanik malikluhi tadjamin, aanniaqtailinahuaqtigiik nunaallavut.

Una tukilik:

  • Pulaaqtaililuhi ahianut igluqatiffingnit.
  • Katihimahurluhi uqaqatih]giikluhi.
  • Aullaruirluhi kihiani aullariaqaruffi.
  • Aninahuaruffi hulijaqturluhi nivvajaqturnahuaruffi,avaliittumik piluhi aturlutilu matukhamik. Unn'ngahikhimalutit inungmit aallanillu.
  • Havglutit iliharlutitlu aihimalutit kihiani iarigijaujuuguvit havaarijarni.
  • Tukiqaqtuq aihimajukhaujutit imaatut ikajuqataunahuarlutit aallanguqtukhanik, munaqhiluta ikiglihimanahuarlugit hiamitirninga aannialaqidjutit Nunavunmi.
  • Algakkit uaqattaqpaglugit, qalakhurlutit airnut, allaqtiqattarlugit qangit aktuqtauqattaqtut.

Ilihimajunga hamna ajurnaqtuq, sikajuqtikharnik uqarvikharnik qinirlutit ajuqhaliruvit. Ilannaffingnut, ilaffingnullu, piqpagijaffingnut aallangullu inungnut pijariaqaqtutit. Iliuraijunga pingbahunik akiittukkut nampainnik atuqtakhaniklu inungnun tuhaumapkaitjutimnut qanuqtut ikajuqtikharnik.

Malrungni Havainingni. Hamna nutaqaqtinnahuartlaqqut malriungni havainiingni. Maliqattiangitkupta hapkuninga maliktakhanik, hivitutqijauniaqtuq; hivitutqijaujuarniarunaqhijurlu.

Iningnikhat pulaaqtiqalimaiqtun hadjanuaq. Nutaqqat iliharviliaqtukhaungitun. Kivgaktiluat havaktiit havakhimaarniaqtun ubluq tamaat. Nunavummiut, umikhimanikhaqqut tahamungainnaktailuluni. Tamapta ikajurahuaqtaa. Ikajurahuarit hiamitiqtailitikhanik COVID-19 qalagjuarnirmik Nunavunmi .

Nakuutiarlutit. Qajagivaklutit. Aihimalutit.

 

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublumimit, Nunavut attautimut 70-nguqtut annialiqtut COVID-19 qalagjuarnirmik. Iitnguqtut nutaat aannialiqtut naunaiqtaujut Arviani, attautimut nunangnai 54-nguqtut. Malkrungnik nutaangnik aannialiqtuqaqtut Kangiqlinirmi nunangni attautimut siksinguqtut.

Amigaqhuutiqaqtumik havaqatigiiktut ikajuqtiujut, qujagijatka akhuuraluk havakpiakpangmata akhuuqpiakhutiklu havakpaktut, qaujihainahuaqhutik , naunaijaipkutik aktuqtauhimajunik imaalu hiamitiqtailinahuaqhugu aannialaqidjut tamainni nunallaani aktuqtauihimajuni.  

Ublumimut, imaatut amigaittut 114 aanniangittut ihivriuqtaudjutait Arviani, 60 aanniangittut ihivriuqtaudjutait Kangiqlinirmi. 103 Sanikiluarmi imaalu tallimat aanniangittut Tikirarjuami. qaniklihimayainnik aanniaqtumut naunaiqtauyukhanik.

Amigaigjuuminingat aannialiqtut ihumalungnaraluaqhuni, qanurinninga haffuma aannialaqidjutip imaalu kajumikpiaktumik hiamitirniqaqtuq ingmit inungmut, amigaigjuuniarunaqhijut huli aannialiqtut.  Qilamik naunaiqhinaririamingnik nutaanik aannialiqtunik imaalu takupkaiplutik uuktuutimingnik inungnut aanniaqtailinikkut ukualu amigaqhuutiqaqtumik havaqatigiiktut ikajuqtiujut havakiakpaktuta ihuaqpiaktumiklu aktuqtauhimajunik naunaijaiplutik. Ihumagiluhi taimaatut hivituniqaqtumik malrungni havainiingni ublumimit hivuani ilitturiniaqtugut inungnut aanniaqtailinikkut maliktakhat imaalu avalingarnikkut maliktahavut ikajuutaujakhainnik. 

Qanuqtut ihuariakhanik hiamitiqtailitikhat aanniarutimut angijumik pidjutiqarniaqtuq ikajuqatigiigutinginnit tamainnit Nunavummiut. Ublumi, apirijaffi tamaffi ikajurahuaqupluhi hiamitiqtailinahuarutikhanik aannialaqidjutip. Maliqalugit inungnut aannialiqtailitikhat maliktakhat, kangiqhitqujatka inungnit hakuninga maliktakhanginnik kangiqhijuminaqtumik.  

Tukiqaqtuq pulaaqhimaittumik. Tadja, nakuukpiaktumik aihimavagluta imaalu ingnut pulakhimaittumik tahapkuanginnait iglumiuqatigijatit kihiani. 

Mihingnautiqaliruvit, uniglurit qilamik. Munaqhiliaqtailutit, hivajarlutit hivajautaanut imaalu aihimalutit anitqujauguvitg kihiani munaqhitkuni havaktiinit.  

Atuqujaujuhi matukhamik anijaraiguvit iglungnit, aturiaqaqtutit matukhamik nunaqaruvit nunangani aannialiqtuqaqtumi COVID-19 qalagjuarnirmik.  

Imaalu, maliqalugit uqarvigilugillu havaktit hivajaqqatit naunaijaijumaplutik aktuqtauhimaguvit aannialiqtumit. Nallaumajut naunaitkutikhat nakuutqijaujut mmnaunaijautikhanik aannialaqidjutinut.  

Ublumi, nutaat pitqujaudjutit atuqtauliqtut avikturnianni tamainni. Hapkuat, pitqujaudjutit havaktauhimajut hiamitiqtailitikhanut COVID-19 qalagjuarniq nunallanut aanniaqtuqaqtuut imaalu hiamitiqtailitikhanut aallanut nunanut aannialaqidjutinit. 

Pitqujidjutit aturiaqaqtugut matukhamik tamainni nunallaani naunaiqtauhimajunik aanniaqtunik COVID-19 qalagjuarnirmik.  

Ikiglijavut hilami kjatimaqatigiiktukhat tallimanut ingnik imaalu inungmit un'ngahiktilaaqarlutik tamainni inuqarnirmi katimagaikpata inikhanginnik. Iglut iluanni katimajut ikiglijut imaatut tallimat inuiot aallatlu igluqatigiiktut aimavingmingni, kihimi akhuurutigijaqqut pulaaqtailuhi aallanut iglunginut.

Ataani pitqujidjunmi ihariagijaungittut havaktit havariakturuirlutik. Apirijauvaktugut qanuqtut tukiqariakhanik hamna. Upingakhaq, umikhimaguvit Qiqaijalirviani, tadja umiktukhaujutillu. 

Havagviujut, ukuallu taksiqaqtut aqutit nalukharumik aturiakhamingnik matukhamik nunallaani aanniaqtuqangittuni COVID-19 qalagjuarnirmik. Matukhat atuqqujaungitkaluaqtitlugit aallani nunallaani, atuqqujaujut kihimi, imaalu nanminirijaujut atuqqujigumik matukhamik atuqtimingnut havaktimingnullu.

Ippakhani havainirmi, uqaqtunga nutaqqiqiviit Nunavunmi angmaqhimattaaqtut iahrigjaujunut havaktiinut. Naunairlugu, una pitqujidjutaungittuq. Aulapkaijit ihumagumik hamna qajangnaqtumik umikhimainariaqaqtut, umigumagumik inmik ihuarijamingnik poittaaqtut, kihimi ikajuruimagumik angmattaaqtut ikajurahuarlugit ihariagijaujut hjavaktit nutqqiqijikhaittunut havagiamingni. 

Kingulirmik, pittialuhi inungnut, hiamitirninga aanniarutip pihniaqtangittut imaalu pijurinahugipugit inuit nunallaatluuniit ikajuutaulimaittut uvaptingnut ihuarinahuarutikhanut kajumiktumik.  

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinirmut

Ihuaqhaqhimajut kivgaqtuutait (avikturnianni tamaat)

  • Ihumaliqinikkut Aanniaqtut Mtunijauhimajut nalliangnik aturtumajainnik uqaqatiqarumagumik uqaujikhamik hivajautikkut
  • Amigaqhuutiqarumik aanniaqtut munahilianginariaqaqtut/QGH tikajuqtaulajut uqaudjijimit Ihumaliqinikkut munaqhimitlu
  • Aanniaqtut ihivriuqtauhimmaarniaqtut taaktimit psychiatrist talvuuna takunaqtukkut telehealth
  • Aanniaqtut hivajaqtaulajut aimavingmingni uqaudjijit ihumaliqinikkut munaqhit uqarvigigitpatigik qanikkut
  • Nunallaami: Ikajuqtikhat havaktit ukuallu aanniaqtuliqijit uqarniaqtut inungnut nallatuikkut nallautikkut uqaqtakhaniklu
  • Ikajuqtit havaktit puliuqhimajut ikajuutikhanik tunijaujukhanik aimaviinut hulkiakhanik piqaqtunik nigjallautikhanik ikajuutikhanginiklu.
  • Aanniaqtut atuinariaqaqtut hivuraani mamihaidjutikhanik iglumingni munaqhidjtutikhaniklu ikajuutikhanik, ikajuqhiqtauviit pittaaqqata inungnik ikajuqhiqtaujukhanik.

NU COVID-19 Naunaitkutait Nov. 18

Nunallaami

Naunaiqtaujut COVID-19 qalagjuarniq Aanniaiqtut

 (ippakhaq)                                     

Naunaiqtaujut COVID-19 qalagjuarniq Aanniaiqtut (ublumi) Aallanguqtut aanniaqtut nampait (+/-) ippakhamit
Arviat 46 54 8
Tikirarjuaq 8 8 0
Kaniqliniq 4 6 2
Sanikiluaq 2 2 0
ATAUTTIMUN  60 70 10

Qaujihaqtaujut amigaitilangit ublumimut: Nov. 18

Nunalaani  Qaujihaqtaujut aannialiqtut Qaujihaqtaujut aanniangittut 
Arviat 54 114
Tikirarjuaq  8 5
Kaniqliniq  6 60
Sanikiluaq 2 103
ATTAUTIMUN 70 282

Avalingaqtut

Attautimut (Tamaita Aanniarviliaqtut Avalingarviit Najugait Nunanginni)  
Aullaaqtuq Qanurittumik Inuit Avaliinngaaqtitaujut talvannga Hilkutirvia 18
Aanniarnikkut 370
Inuit Nunalaani 196
Attautimun 566

Aullaqhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
18-Nov 102
19-Nov 58
20-Nov 33
21-Nov 5
22-Nov 4
Attautimun 202

Ihariagijauqpiaqtuni Havaktini Tukhirutin

Talvannga Hilkutirvia 17, pilik 8905 tukhirutinik, 4151ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 5981 67.2%
Qin’ngijaujun 281 3.2%
Ihumaliuqtaujun huli 203 2.3%
Aullauvilluarvigijainni Nunat Aagiqtauhimayut  2440 27.4%
Attautimun 8905 100%

Aullauvilluarvigijainni Nunani

Tamna NWT/Nunavut Aullauvilluarvigijaujut Nunatnutqaqtitaujut qakugu tuhaqtitaulraaqtitlutik.

Talvanga Hikutilirvia 17, 2020, tamarmik Nunavutnmit tingmijut Nunatsiarmut NWT maliktukhat inmikkut-avalingarlnikkut maliktakhat piliuqtauhimajut GNWT. Naunaiqhittiarumaguvit tingmijukhat hivajarlugit Aanniaqtailitikhat NWT uvani 8-1-1 unaluuniit 1-833-378-8297.

Maliklugu Atanilluaq Inungnun Aanniaqtailinikkut HavaktimitNunavunmi pitquhimaja, tamarmik Nunavummiut tingmijut Nunavunmit Nunatsiarmut NWT, nutqaqtitautinnagu tamna aullarvigilluarvigivaktait nunat, utiqtaaqtut Nunavunmut hivullirmik iniqhihimaittumik 14-ni ublni avaligaarvikhamingnik hivituningani:

  • Nunavummiut talvaniitariiliqtut Nunatsiarmi NWT utirumajut Nunavunmut hivuani ihuaqhijariikhimajumi utirvikhamingnit ubluanit, iniqhijukhaujut nutaamik Aullauvilluarvigijaujut Nunat Aullarnahuat Uqariijaunmik titiqqamik imaalu tujuutigilugu talvunga cphotravelrequests@gov.nu.ca. Atihimajukhat matukhamik inuqarnirmiugumik imaalu maliklugit inungnin ungahiktilaaqarlutik aullaqhimadjutimingni utirvikhamingnut nunamingnut.
  • Nunavummiut tikittut Nunatsiarnut NWT ilaungittut nunajumagumik, havaakhamingnut, ilihariaqturlutik imaaluuniit ilaijarnikkut pidjutiqaqtunut imaalu utirumajut Nunavunmut iniqhijukhat Aullauvilluarvigijaujut Nunat Aullarnahuat Uqariijaunmik titiqqamik imaalu tujuutigilugu talvunga Uqariijaunmik titiqqamik imaalu tujuutigilugu talvunga cphotravelrequests@gov.nu.ca.
  • Nunavummiut talvaniitariiqhimajut Nunatsiarmi NWT, aullajumangittut Nunatsiarmi NWT tamaat aullarkhimavikhaminhni, maliqajukhaujut GNWT-kut inungnut aanniaqtailitikhanut maliktakhanik. Naunaiqhittiarumaguvit hivajarlugit Aanniaqtailitikhat NWT uvani 8-1-1 unaluuniit 1-833-378-8297.

 

Havagviat Ilinniaqtuliqijikkut

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Ilihalihaaqtut Nutaqqat Nutaqqaniklu Munaqhiviit

  • Pingattiunmit, Hikutirvia18, 2020, tamaita all Nunavunmi nutaqqiqiviit igluqpait umiktut.
  • Ilangit nutaqqiqiviit igluqpait angmaniarunaqhijut angmayaangini nutarainun taopkua ihariagiyauyut havaktit.

 

Havagvia Maligaliqijikkut

Qanuriliuqtukhauvik ihumalukkuma pitquidjutit maliktaungittut?

Nunangni Pallihimatkut ikajuqtaaqtut hivulliujut hivajaqtakhatit. Ihumalukkuvit, hivajadjavatit Pallihimatkut.

Hivumuuqpaalliatitluta, munarijakhavut, ihivriurlugit ihuaqharlkugillu hapkuat pitquidjutit pijariaqaqqata. Naunaijautikhavut aadkjikutakhainnik ihariagijaujunik aannialaqittailitikhanik taffuminga Covid-19 qalagjuarniq. Qanngiutillakkupta aanniarunmi, maliqajakhairniaqtavut hapkuat maliqujauhimajut.

Kinap maliqatquniaqagit hapkuat pitquidjutimik?

Ilaurutikhanginnik Pallihimatkut havaktingit, imaalu maliqattiarianginni amigaqhuutaujunik pitquidjutinik, tamna CPHO atanniqtuidjutiqaqtuq tamainnik malitaigut havaktiujuniktikkuaqtauhimajunik atani avikturniinni maligatigut, maliqapkarlugit ukuatpitquidjutinik. Hapkuat ilaujut hamlatkunni bylaw-kut havaktingit, pallihimanguat talvanga Nunavunmi Apiqhuirvingmit Maligaliqijitkut, nunamiklu munaqjiujut qaujihaijit, itaangarnik qaujihaijiit,maalu uumajuliqijitkut havaktingit.

Hapkuat havktiujut munaqhijukhat maliqajakhainnik maliruagakhanik. Kihimi, amigaqhuutaujunut pitquidjutimik tunijauhimajut aallanik hakugiutikhainnik. To ensure those charged with protecting the health of Nunavummiut are prepared to take on this task, they will be provided with clear guidelines on their responsibility.

CPHO atanngiqtuijut hapkuninga malitatigut havaktiujunik amihunut pidjutiqaqtuni:

  • Pallihimatkut ikittuuniarunaqhijut pallihimat nunagnani aanniarutaudjutaani imaalu ikajulimaittunaqhijut ihuaqhautikhanik aallanik munarijaujukhanik;
  • Angiqtauhimajut by-law havaktingit qaujimajariiqtut maliktakhanik imaalu ajuiqhaqhimajut maliqujauhimajunik atuqqujaujunik atani avikturnianni maliruagakhanik;
  • Tamna pitquidjutit pidjutiqaqtuq itiutikhanik avikturniinni min'nguirvingnutaallanullu maniqqami hulipkaidjutikhanik, uumajuliqijitkut havaktiit hivulliujut hivajaqtaujukhat; imaalu
  • Hamlatkut bylaw havaktingit ajuiqhaqhimajut tuniuqhaiplutik akiliqtakhanik titiraqhimajunik ataani ilitarijauhimajut bylaw-ngudjutimingni Nunavunmi nunamingni.

The CPHO is working with officials from the RCMP, the Government of Nunavut and municipalities to ensure consistent messaging and enforcement across the territory.

Qakugu bylaw havakti itirniaqqat iglumnut imaaluuniit inungnut iglugijaujumut havagviujumutluuniit?

Hapkuat Pitquidjutit ajuqhautaukpata tapkunanga CPHO, naunaittiaqhimajumik ukuat igluqpait najuqtarni, “iglugijarni”, imaalu havagviujumi, imaatut niqitarvik niuvvavik.

Titiraqhimajut ataani pitquidjutit, CPHO tunihijuq maligatigut hHvaktinut atanngiqtuidjunmik itiqtaaqtut igluqpaujunut makpirangittumik maliqajaujukhanut pidjutiqaqtunik. Una ilaujut inuqangittut iglut ukuaalu atajut iglut.

Igluqnungaukpata, kihimi, kavamatkut ilitaqhijut pilaarutingnik pinahuaqtarniklu bylaw havaktiit havaktukhat maliqalugit pidjutiqaqtut pilaarutimingnut. Ilangittut amigaqhuutaujunut, maligatigut havaktingit ukpiruhukkumik ihuinnarutikkut pidjutiqaqtunik itiqtaaqtut iglungnut, angirutingnik pijukhaujut, pilutikluuniit itiutikhamingnik iglungnut makpiraamik Apiqhuivingmit.

 

Havagviat Kiinaujaliqijikkut Kivgaqtuutikhat

Havaktit Akiliuhiarnirmik Naunaitkutingit – Hikutirvia 27, 2020

  • Tamarmik GN-kuni havaktingit akiliuniarniaqtut nihuaqhariiqhimajunik, ilaujullu akiliuhiakhanik Aullarnginnaqtumik Kivgaqtuidjutinginut Ikajuuhiakhat pittaaqtunut havaktinginut. Kinguvarniarunaqhijut havaktauningat havaktiukaffuktut akiliuhiakhanik imaalu havangnaittuni ikarniliuqhimajainnik imaalu himmautaulakhimajut akiliuhiakhait. Havaqhimmaangginnaqtut piniaqtait akiliuhiaqhait havakaffuktitauhimayutlu himmaukaffuktitauyutlu havaktiit akiliqtauniaqtut malikhugit tuniyauhimayut havaktut ikaangniit naunaiyautainniq.
  • Havaktiujunut tujuqtauvaktut sakhanik, tujuutiginahuarniaqtavut nunagijarnut imaatut iidjuhiatut. Akjhuuqhaqtaujuhi aturnahuarutikhanik qaritaujakkut iliurarvikhanik maniqarvingnut akiloiuhiariarni akiliuhiarnaqhikpat. Tapkununga pivaktut akiliuhiakhainnik iliuraqtauplutik maniliqiviannit, akiliuhiakhait naunaijautait tujuqtauhun'ngujut qakugungaqqat.
  • Naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.

Maniqarvikkuuqhimajut unalu Qaritaujakkut Akiliuhiarutikhat Havaktiit

  • Pidjutigiplugit aallangurniaCOVID-19 qalagjuarniq,ajuqharnaqtuq Havagviat Kiinaujaliqijikkut naunaijarianginni havaktit akiliuhiaqpaktut sakhaqhutik akiliuniarniaqtut akiliuhiarvikhamingni ubluani. Akhuukhajavut tamaita havaktit sakhaqpaktut ihumagitquplugit maniqarvingmingnut iliuraivikhanik akiliuhiarmingnik.
  • Ilangit nunallaat piqaqtut maniqarvingnut auladjutikhanik talvuuna CIBC unalu RBC. WE Financial talvuuna Northmart tunihivaktut tapkuninga Visa card iliuraittaaqtugut akiliuhiakharnik talvunga. Ihuaqhaiguvit qaritaujakkut maniqarvikharnik, tujuutigidjavatit naunaitkutitit Akiliuhiarvingnut Ikajuuhiakhanullu havaktingnut imaalu ilaliutilugu qaritaujakkut titirarvikhat una Tracey Moyles uvani Tmoyles@gov.nu.ca qaritaujakkut titirarvingnut.
  • Ihuaqtumik tamaita GN-kuni havaktiit akiliqtaujanginni akiliuhiakhangit akiliuhiakvikhani, akhuukhajavut tamaita havaktiit ihumagitquplugit qaritaujakkut akiliuhiarvikhanginnik maniqarvingmingnut.
  • Apiqqutikhaqaruvit ihumaluutiqaruvitluuniit, qaritaujakkut titirarvigilugu una Tracey Moyles uvani tmoyles@gov.nu.ca hivajarluguluuniit 867-975-6870.

Iqaluit NULCvingmi Niuvaivik

Ublumi hadja, Iqalungni NULCkut niuvaivik aulahimaaqtun angmaumayut. Niuvvaaviup angmaumaniaqtut imaa:

  • Unaguiqhirvik – Umikhimajuq.
  • Hivulliunmi - 1mit 4mun (niuvirniaqtunun ukiuqaqtunik 60nik talvatuaq).
  • Aippiut – Qitiqqakpat 7 p.m.-mut.
  • Pingattiut – Qitiqqakpat 7 p.m.-mut.
  • Hitammiut – Qitiqqakpat 7 p.m.-mut.
  • Tallimmiut – Qitiqqakpat 7 p.m.-mut.
  • Saaluti – Qitiqqakpat 7 p.m.-mut.

Mikhilaarutigilugu himainniarungnaqhijumut qalakjuarnirmut COVID-19 aanniarutimut, NULC-kut ihuaqhijait inungmiujunut ungahiktukhaujunut inungnit niuvaivikmi.

Havaktinut inungnullu qajagidjutikhanut, NULC-kut ikiklihimaniaqtait ikajuqtaujut niuvvaavikmi niuvirtukhanut.

Ikajuqtaujut nangipqajukhaujut malrukni meters-ni uungahitilaangulutik utaqqijuni hilataani niuvvaavikmit.

Aullaqtirutaanut Hikutirvia 17, 2020, niuvaavik maniinarnik pilimaiqtut. Maniqarvikjuamit inuup akiliutikhaa unalu atukkiutit akiliutikhat (ukuallu akiliriiqhimajut atukkiutit niurutikhat) pittaaqtangit.

Akiliriiqhimajut atukkiutit piinnarialgit aallatqiini maniqarvikjuani, Northmart unalu Canada Postkut. Illiriinnariaqaqtutit maningnik atukkiutikhamut atuqlugu niuvirnahuaruvit.

Taanganut Laisikhat

Taanganut Laisikhat aulahimaaqtumik atuqhimaarniaqtut Nunavunmi.

  • Iqalungni, hamungauyaaqtutit NULckunun Hivullirmi 9ublaamin 12mun 1min 4:30mun, Aippiunmin Tallimmiunmun 9ublaami 11mun ublaami. Hivayarluguluuniit 867-975-6869.
  • Kangiql;inirmi, hivajainnariaqaqtatit 867-645-8575 unaluuniin 855-844-5488 Hivullirmit Tallimiunmut 8:30 ublaamin 12mun unalu 1-mit 5mun. CT.
  • Iqaluktuutiani, hivayarlugit 867-983-4048 uvani Hivullirmi Tallimmiumun 10 ublaami 4 mun. MT.
  • Kuglukturmiunun, hivayarlugu 867-982-6509 qaritauyakuluuniin water@kugluktuk.ca. Ilihimaluhi Kugluktumi havagviit havangniaqtait laisit nunallaanginrmi.
  • Taanganun laisinun tamainun nunallaanun, hivayaqlugit Kangilinirmi havagviat uvani 867-645-8575 unaluuniin 855-844-5488 Hivullirmin Tallimmiunmun 8:30 ublaami 12 mun 1min 5 mun. CT.

Nunallaat Taanganik auiqtuutait

Nunallaat taanganik aquiqtuutait, hivayaqlugit Kangiqlinirmi havagvia uvani 867-645-8575 unaluuniin 855-844-5488.

Niuvvaaviit Akiliutigiyauyut Akiligaqhaliugutitlu

Pivikhaqariami tuulliiqhimaittunik akiliqtauyuqhanik niuvvaaqvigivaktaptingnut huli hivulliutigiyauyuqhat. Tamaita Nunavut Kavamanga (GN) havagviit pidjutihimmaangniaqtut pilutik, havaglugit akiliqlugit niuvvaaviit akiligaqhaliugutait. Apikkuutiqaguvit taapkuninga kitut akligaqhaliugutaitigun, hivayadjavahi kitut havagviuyut naunaiqhimayut nampait ataani.

Havagviup kitumun naunaiyautait

Akiliqtauyuqhanik akiligaqhaliugutaitigun GN kut, Maniliqiiyitkut piinnaqhungnguyat taapkuangginnait akiligaqhaliugutait akikhait pilutik tuyuqlutik siaqhiliuqhimayuni, tuyuqlutik maningniq qaritauyakkut atukkiqtuutikkutluunniit. Atukkiqtuutikkut akikhait, hivayaqtaqhaqhi hapkua nampait:

  • Iqaluit: 867-975-5808
  • Kangiqliniq: 867-645-8517
  • Iqaluktuuttiaq: 867-983-4043

Pidjutillugu hamna, ilvit ilihimayuqhauyutin ilanggit kingguvangniagungnaqhiyut ikittuuniarmatta havaktiit havagvingmi. Quana qilanaangginnavit.

Niuvaivingmi akiliqtuinikkut ilitturipkaidjuti

Nunavut Kavamanga (GN) ilihimajaa ajurnarutigijaujun havagviit hanaqidjutikkullu havaktinun atuliqtun pidjutaanin COVID-19 QALAGJUARNIRMIN. Ikajuriami Nunavunmiun pinikkut pimmarighaqhijaujuni maniqarnikkut, GN-kut ihumaliqhimaliqtun piiqtidlugu atuqtauraanginnaqtuq 20nik 30niklu tatqiqhiutini-ublunginni akiliqtuinikkut qanuriliurutainnik. Niuvvaajiini akilirutinik, havaktauhimaliqqata havagvingnin, tujuqtauniaqtun tikittukhami manikhaliurutikhami tamainni aviktuqhimanirni.

Taaksiutiviliqiiyit

Taaksiutit akiliqtaungginnariaqaqtut nalingnik hapkuninga:

  • Hivayautikkut hivayainnariaqaqtut akiittumun 1-800-316-3324;
  • Titiqqiviliqidjutikkut titiraqvigilugit P.O. Box 2260, Stn 300, Iqaluit, NU X0A 0H0;
  • Qaritauyakkut ihuaqhimariiqtukkun maniliqidjutiini.

Apikkuutiqaguvit taaksiutikkut, qaritauyaqvigidjavatit hapkua:

Pidjutillugu hamna, ilvit ilihimayuqhauyutin ilanggit kingguvangniagungnaqhiyut ikittuuniarmatta havaktiit havagvingmi. Quana qilanaangginnavit.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.