COVID-19 Qalagjuarnikkut GN-kunnin Nutaamik Tuhaqtidjutaa - Aktuupa 8, 2020

Aktuupa 8, 2020

COVID-19 Qalagjuarnikkut GN-kunnin Nutaamik Tuhaqtidjutaa

Minista Aanniaqtailinikkut pidjutigiplugu Hivuliqti nutaaq tuhaqtitaujukhaq

Ublaakkut. Attautimut amigaitilangin inuit munarijaujun qanurinniariakhainnik ublumimun imaa ittun 3159. 523-ngujun inuit tadja munarijaunun.

Dr. Patterson uqautiginiaqtait tadjat mighaagun qanurinningani Hope Bay Ujaraghiurvingmi. Hivullikkut, qujagijumajatka tamaita inuit havakpiaqpakhimajun qaangilihaaqhimajuni havainirni ilihimajaamingnik una aannialaqidjuti hiamittailningani, naunaijaqtaujuq ahiqpaniititaujuqlu.

Una havangniq nakuuqpiaqtuq kangiqhimattiarnikkut COVID-19 qalagjuarnirmik, qanuqtun hiamitirniani, qanuqtullu inungnik munarijaaqtugun qajangnainnirnun – Nunavunmiinnaungittuni, kihimi aallanilu nunagujaujuni.

Quanaqpiaq ukununga Qilamik Upautinikkut Havaktiit, Havagvia Atanniluami Nunallaani Aanniaqtailinikkut Havaktimin, tamainnullu ilauvaktuq auladjutinikkut qaangilihaaqhimajuni havainirni tatqiqhiutinilu upalungaijaqpaktun qanurilihimajunun imaatun. Quviagijavun tamaita havakpiaqpaktatin pipkainikkut Nunavunmiut qangnainnirnun aanniaqtailinirnullu.

Kingullikkut, hivumuupluta Qujagivikkut havangnainnirmun, itqaumaqujatka tamaita qaujihimaluni pipkainikkut niqiliqiviit halumalugin, algat uaqattaqpaklugin, katimadjut ikittuujukhat maliklugillu tadja kiklikhait, aihimalutillu aannialiruvin.

Qujahukvik aajjikkiingniqangittuq uumani ukiumi, kihimi huli amigaittunik qujagidjutikhaqaqtugun. Taimaatun atuqhimmaaqpaktilluta kavamatkunni aanniaqtailinikkut qanuriliurutikhat pipkainikkullu tamaptiknik nunallaaptikniklu qajangnaidjutinginnik, itqaumalutin: Qanuriliurutitin. Tamainnun aanniaqtailidjutait.

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublaakkut. Aullaqtirumajunga nutaanik-ilitturipkaidjutinik COVID-19 qalagjuarnirmi aannialiqtuni uvani Hope Bay Ujaraghiurvingmi.

Ublumimun, naunaiqhimajugun qulinik (10) pijunik aannialiqtunik COVID-19 qalagjuarnirmin ujaraghiurvingmi ukuallu 6sit ihumagijaujun aannialiqtunik huli utaqqijun ilitturittiarnikkut ihivriuqhinirnin.

Talvannga tikinninganin ujaraghiurvingmun September 29mi, ukuat Qilamik Upautinikkut Havaktiit havakpiarhimajut iniqtiriami ihivriuqhinirnik, naunaijaqtaujunik ahiqpaniititaujuniklu maliktakhat pitqujauhimajun nutqaqtittaami hiamitirniq aannialaqutimi ujaraghiurvingmi.

Nakuutqijaujun havaguti humiliqaak nunarjuami tautuktitaa ihivriuqhinirnik, naunaijaqtaujunik ahiqpaniititaujuniklu, ilaudjutikkullu aallanun qanuriliurutinun imaatun aullaarnikkut kiklikhaqaqtipkaidjutainnik atuqtipkainikkullu akuliangni matunik maliktakhanik naunaitkutaujun nakuujun nutqaqtirnikkut hiamitiqjuummirutinik taimaalu hiamittailinirnik aannialaqutinik.

Kiklighaqaqtipkainiq aullaarutinik qaangiqhimajuni qulini (10) ubluni piuqpiaqtuq hiamittailiningani aannialaqutimi, mikhilaaqtipkainikkullu qajangnarnirmi hiamitirnirmi COVID-19 qalagjuarnirmik aallanun nunagijaujunun. Qajangnarniq Nunavunmiunnun huli atpahiktuq tamaani aannialaqinirmi.

Ublumi, tunnganiqarhuni havaktiit havagutainni, unniutijunga piqangittuq aallanik naunaitkutinik hiamitirnirnik ujaraghiurvingmi taimaalu qajangnarniq pilimaittuq 0-nguluni, ihumagugun aannialaqidjutit Hope Bay Ujaraghiurvingmi hiamittailijauliqtuq.

Una tukilik aullaarnniit talvunga talvanngalu ujaraghiurvingmin pipkaqtitauffaaliqtun. Kitkut inirhimajait avalliingaarutitik hivituniit, kitullu naunaiqtauhimangittun qajangnaqtukkut aktuqtauhimajun aullaaqtaaqtun aijaulirlutik. Ilangit qajangnaqtukkut aktuqtauhimajun huli tahamaniittun avaliingaaqtitaulutik niriuktaujullu naammagijauniaqtuq aullaariamiknik iluani havainirmi.

Ukuat Qilamik Upautinikkut Havaktiit qimangniaqtaa ujaraghiurvik ublumi avaliingaarlutiklu ukunani tikittukhani 14ni ubluni.

Uumani havainirmi hivumuujugun uumani Nunavutip Apqutikhaani ajurnaijuummirharhugillu kavamatkunni aanniaqtailinikkut qanuriliurutit nunaptikni. Taapkunani aallanguqtirutini, angiklijuummiqtiqtait katimanikkut kiklikhait pidjutikhaniklu amigaiqjuummiqtunik ulapqidliqidjutinun.

Tada pihimaliqtugun ihivriuqhidjutikhanik hailihimajun Kangiqlinirmi Iqalungnilu piqarhuni pidjutikhamik utaqqiuraaqpangitaami pijaami ihivriuqhidjutit naunaitkutainnik. Hivuliqpaangujumik havaktaptikni mikhilaaqtirnikkut utirianginni ihivriuhimajuni nakuuvaktuq tamaallu atuqtauliqtuq havagutiptikni Qikiqtaani avikturniani. Talvannga October 14min, niriuktugun pipakinikkut havaktamik Kivallirmun Kitikmeonmullu avikturhimaniinnun.

Taimaitturaanginnakkut, amirhihimmaarniaqtavun qaujiharlugillu qanurinningin. Qajangnarniq angiklijuummiqqat, akhuurjuummirniarungnarhivjavun kiklikhat pipkainikkut aanniaqtailinikkut aanniqtailinikkullu tamainnun Nunavunmiunnun.

Taimaarniaqtunga quvianaqtukkut uqautikkut pipkailunilu Nunavunmi nutaqqat inutquajuittullu ilitturipkarlugin Halloween piniaqtuq Nunavunmi.

Pipkainikkut nungulaaqtariarutit aallallu Halloweenmi hulidjutikhat pijun qajangnaittumik, Aanniaqtailinikkut Havagtvia ukaullu Nunalingni Kavamatkunillu Pivikhaqautikkut Ulapqinikkut Havakvia tunihimajun maliktakhanik. Hapkuat maliktakhat hailihimajun GN-kut qaritaujakkuurutaani tujuqtauniaqtullu haamlatkunnun.

Uvani havangnainnirmi quviahuutigiplug qujagivik, apirijatka inuit maliquplugin kamavatkunni aanniaqtailinikkut maliktakhat kikliqaqtipkarlugillu katimadjutiit aihimavingni imaatun 15nun inungnun.

Naammaklutin havaqatigilugillu kavamatkunni aanniaqtailinikkut qanuriliurutait mikhilaaqtirnikkut qajangnarniq COVID-19 qalagjuarnirmik Nunavunmi.

Quana,



Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

 

Ilinniaqtuliqijikkut Havagvianin nutaaq tuhaqtitaujukhaq

October 7mi, 2020, Minista Joanasie unalu Kanadaup Kavamangani Minista Ilagiiktuni, Nutaqqani Inungnilu Pivalliuliurnikkut, Ahmed Husseen, uqaqtuk aallanik ikajurutikhanik ilihalihaaliqtunun, nutaqqiqivingnun iliharvingnullu Nunavunnmi (Canada-Nunavut Early Learning unalu Child Care Atauttikkut Angiruti ($2.4 million) unalu Safe Restart Angiruti ($2.6 million).

Una Canada-Nunavut Early Learning unalu Child Care Atauttikkut Angiruti ikajurniaqtaa aulapkarlugulu pipkainiit akituvallaangittunun ilihalihaaliqtunun nutaqqiqinikkut pinahuarutini talvuuna aulapkainikkut maniliqtuutini, piliurluni nutaqqiqinikkut inikhanik pidjutiulluangittuni nunallaani, akhuurhialuni ajuirharnirnik havaakkullu ajunginnikkut uuktuqvikhanik ukununga ilihalihaaliqtunun ilihaijinun, pivallialiurlunilu ilihainikkut aturutikhanik pinahuarutiniklu hunakhanik tamainni Nunavutip ilitarijauhimajuni uqauhiinni.

Una Safe Restart Angiruti tuniniaqtuq pimmarigharhimajunik halummarhinikkut ajuirharutinik tamajaniklu nutaqqiqivingnun ukunungalu K-12 iliharvingnun tamaani Nunavunmi, atuqtauniaqtuqlu niuviriami qaritaujanik, mikijuniklu qaritaujaliqidjutinik, qaritaujakkuurutikkullu angummadjutikhanik ikajurnikkut ungahiktuni iliharutinik taimaatun ihariagijaujumik tunnganiqarluni taimaatun nunallaaq qulvahitqijaukpat qajangnarnikkut COVID-19 qalagjuarnirmin.



Aanniaqtailinikkut Havagvingmi nutaaaq tuhaqtitaujukhaq

Atauttimun (Tamaita Avaliingaarnikkut Najurviit)  
Aullaaqtuq Qanurittumik Inuit Avaliinngaaqtitaujut talvannga Oct 8min
Aanniarnikkut 540
Inuit Inmikkuuqtun 320
Attautimut 820

Aullarhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
Aktuupa 8 65
Aktuupa  9 58
Aktuupa 10 0
Aktuupa 11 69
Aktuupa 12 115
Attautimut 307

Ihariagijauqpiaqtuni Havaktini Tukhirutin

Talvannga October 8min, pilik 6898 tukhirutinik, 3303ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 4774 69.2%
Qin’ngijaujun 266 3.9%
Ihumaliuqtaujun huli 131 1.9%
Aullauvilluarvigijainni Nunat Angiqtaujun 1727 25.0%
Attautimut 6898 100%

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.