COVID-19 GN Ilitturipkaidjutit - Qiqaijalirvia 31, 2020

Qiqaiyarviani 31, 2020

Hivuliqtiup nutaaq ilitturipkaidjutaa:

Ublumimit, naunaiqhihimangittut aannialiqtunik aannialirnahugiyunikluuniit qalagjuarniq-19 Nunavunmi.

Piqudjutaanik taffumanga Atanilluaq Nunalaani Aanniaqtailinikkut Havakti, iliharviit nutaqqiqiviillu umikhimaniaqtut hivituryuumiyuq nungunniarutanut Qitiqqautijuq 20. Tikiliqqat, Dr. Patterson ihivriuffaarniaqta ahitt ilitturipkainiaqtuq angmarniariakhainnik.

Havagviat Ilinniaqtuliqijitkut nuitittiliqtut ilihautikhainnik aihimalutik qaritaujakkuurutaa ublumi www.angirrami.com tunihilutik akiittunik pijutikhanut Inuktut ilihaidjutikhanik ilaqatigiiktunun munaqtiujunullu iliharviit umingmata.

Inungnit apiqhuqtauvakunga Nunavunmi kinguliungmangat nunagijaujunit Kanadami naunaiqtauhimajunik aannialiqtunik Qalagjuarniq-19. Qanuqtut kiuyakhanik nalukhaqtunga. Quyahuktunga, kihimik imatut piyumayunga, nahurittiarumayunga imaatullu qayagilunga.

THamna tukiqangittuq quyanginnainaqtukhaungittugut pulaaktailijukhauyugut imaalu inungmit ahiqpangayukhauyugut, algakkit uaqparlugiik aihimalutitlu. Tamainnik ilitturinahuaqtukhauyugut imaatullu ihumattiarnahuarluta.

Ilihimayugut amihuyugut aihimanguqtugut, kihimik angitqiyauyuq taffumanga. Kihimi, ihumanahuaqta aalanik qayangnaitqiyauyuq aihimagupta igluptingni.

Inungnut katimaqattaktunut huli hapkuat ahiqpaniitquyidjutit humangihimaittumik maliktailiplugitlu – taimaarit. Taimaarit. Qayangnaqtitatit ilagiyarnut, ilannarnut, Inirnikhaanut nunaqatingnullu. Pidjutiqarnahuanginnaqhimaittumiklu.

Aihimaguvit inungnut ikayuutauniaqtuq inuudjutauluni. Ilvit ikayurnahuarit aihimauyarlutit qayangnaittumik nunaptingnut Nunavummiunullu.

 

Ministaat Ilinniaqtuliqiyitkut ilitturipkaidjutaa:

Talvanga Qiqaijalirvia 17, Nunavunmi iliharviit umiktauyut hiamittailinahuakhugu aanniarut Qalagjuarniq-19. Taimaittumik, atuqtakhamingnik ikayurahuarlugit angayuqqat munatiujullu apiqhivaktut ilihaidjutikhanik nutaqqatik ilihaqtihimmarlugit.

Ublumi tuhaqtitiyunga Havagviat Ilinniaqtuliqijikkut piliuqtut qaritauyakkut ilihautikhainnik aihimalutik qaritauyakkurutaani, Angirrami Ilinniarniq (angirrami.com). Hamna qaritaujakkuurutaatunihiyut akiittunik pidjutikhainnik ilanginnik ilihautikhanik atuqtakhanik atuqtaujunik iliharviinni.

Hapkuat ilaujut aadjiliuqtaakhat taiguat e-books ilihalihaaqtunut imaalu angayukhiujunut; ilihautikhat naalaktakhat taiguat ingutaaktaaktuut qun'ngiakhat; ikayuutikhathulipkaidjutikhallu iliharnikkut; imaalu atuqtakhat ihumaliqinikkut ihumalungnikkutlu ikayuutikhat.

Qaritaujakkuurutikhaqarniaktuq pijakhanik havagviup Inuktut uqauhirmun ilihautikhanut atuqtaaktanut apps:

  • Uqausiit Pinnguarutiit alianaqtunik hulilukaarutikhaqaqhuni ikajuutikhat qanurittaakhainun nipiqaqhutiklu ilitarijakhainnik, uqauhirniklu titirauhikhainniklu ilitaqhiviniikut ikajuutikhanginnik.
  • Titirariuqsauti ilihautikhangit Inuit uqauhiannik ilitaqhitikhanik nipiinnik titirarnrmiklu. 
  • Qimirrunaut ilinniarqtuliqijikkut nutaaq taiguarvikhaq qaritaujakkut Inuktut (eBook library app).

Hapkuat qaritauyakkurutikhat apps hiliyut tamagingnut Android unalu iOS devices taffumanga aadjiliunginnariaqaqtut Google Play unaluuniit Apple App stores.

Angirrami Ilinniarniq Qaritaujakkuurutikhaq aallanut piniaqturlu ilihautikhanut ikajuutikhanik pihimajunun nalunaijautinun, kihittitiliqinikkut, qangaraalungmit naunaitkutainik, nunanik inungniklu ilihaidjutikhat. 

Naunairumayallu tamna qaritauyakkurutaa nuipkaktauyuq ublumi, nutaat atuqtakhat iliyauqattaqpangniaqtut. Hivulliutiyakhait Inuktitut unalu Inuinnaqtun ilihautikhainnik atuqtakhainnk qaritauyakkut qilamiurutigilugit. Qablunaatun unalu Uivivitun atuqtakhait iniqtauniaqtut qakugunnuaq.

Tamaita atuqtakhaitnaniyauhimayut uumani qaritauyakkuurunmi piliuqhiimajainun Ilinniaqtuliqijitkut paanarijaaminillu, ukuallu Qikiqtaani Inuit Katimajiit ukuallu Havagviat Nutaqqanut Inulrammirnullu Uqaqtikhaanik Havagvia, ukuallu Inulirijitkut, Munaqhiliqijitkut, Avatiliqijitkut, ukuallu Pivalliajuliqiyitkut Ingilrajuliqijitkullu.

Quyagiyumayatka tamaita ilihaqtut, angayuqqat, munaqtiujullu utaqqivangmata. Ilihimayunga ayurnaqtuq angayuqqanut nutaqqat aihimainnaqtitlugit I know for many of you it has not been easy with schools and child cailiharviit nutqqiqiviillu umikhimadjutaani. Kihimi, tamapta uukturiaqaqtugut pilugit pitquyauhimayut hiamittailitikhanik aanniarutip qalagjuarniq-19.

Uqautiyumayapkit havagviga akuhuuqhutik havakpiakpaktut iniqtirahuaqhugu hamn qaritauyakkuurutaa inirnarirnahuaqhugullu.

Pitqujatka Nunavunmiut naunaijaklugit tamaita ikajuutikhat uuma qaritaujakkut pijakhait. Atuqhugu iliharniq ilagivlugu ubluq tamaat pijakhangni!

Qujannamiik, quana, thank you, merci.

 

Ilauyut Kavamatkunun Nunavunmi (GN) akhuurutaat munarittiarutikhaq Nunavunmiunun aannialiqtailitikhanik qayangnaqtumit Qalagjuarniq-19, GN-kut Havagviit atuliqtait hapkua:

Tadja nampait Nunavunmi nunaqaqtut inmikkuinnaq ittukhauyut angiqtauhimayumi itiqtirvinni nayugainni hivuraani Kanadami

315 inuit tadja tapkunaniittut anittailiyauyut nayugainni hivuranani Kanadami. 178 ukuat Nunavummiut aanniarviliaqhimajut tingmitikkut aullaqhimayut, 78 ukuat Nunavummiut utirnahuaqtut avikturniannut imaalu 59 ukuat Nunavunmi ilihaqtut.

Havagviat Aanniaqtailinikkut

  • Qauyihaqtauguvit aannialiriakharnik taffuminga qalagjuarniq-19 imaatullu mihingnautiqliruvit, akiliqtakhaningniaqtutit aniguvit iglngnit. Apirilugit hilalitit/ilagiyatit/ilannatit agidjidqulugit niqikhanik ukuavit hilataanut.
  • Amihaqhuutaujut qalamiurutaujunut qilamiurutaujut munaqhinit ihivriuqtaujukhat kivgaqtuutait aullahimmarniaqtut. Tamaita amirakhuutaungittut takuyauyumayut naunaiqtauvangniaqtut ubluq tamaat.
  • Nunavummiut hivajaqujaujut talvungautinnatik Qikiqtani Aanniarvianut, Iqalungni Inungnut Taaktiliqiviit imaaluuniit Nunavunmi Munaqhitkut Munaqhiqarviit. Paqinnarialgit nampait tamaita aanniarviit munaqhiqarviit talvani qaritaujakkut https://gov.nu.ca/health/information/health-centres
  • Ublumimit, naunaiqhimangittut aannialiqtunik qaujimajaujunik qalagjuarniq 19 avikturnianni.
  • Nunaqaqtuinnait ukuallu ihariagijaukpiaktut havaktikhat tikipkaktauvangniaqtut Nunavunmut.
  • Inugiakpiaktunik katimatquyihuiqtut atauttimiuhuiquyiyut.
  • Taaktit nunallaanut aquivangniaqtut huli.
  • Upautiyukhat munaqhiqarvingnut ikigliyauniaqtut hiammitiqtailinahuarlugu aanniarut.
  • Ihumaliqinikkut ikajuqtikhat hailijut huli.

Havagviat Ilinniaqtuliqijikkut kivgaqtuutikhait

Ublumi Havagviat Ilinniaqtuliqijikkut piliuqtut qaritauyakkut ilihautikhainnik aihimalutik qaritauyakkurutaani, Angirrami Ilinniarniq (angirrami.com). Una Ilihaqlutit iglungni qaritauyaliqivik havaktauhimayuq Havagvianin Ilinniaqtuliqiyit tunihiyuq akiitumik piinarialingmik ikayuutikhat nutaqqanun inulramingnunlu ilihaqtunun Uqauhirmingnik iliharviit umikhimatilugit.

Piqudjutaanik taffumanga Atanilluaq Nunalaani Aanniaqtailinikkut Havakti (CPHO), iliharviit nutaqqiqiviillu umikhimaniaqtut nungunniarutanut ilihaqtunut nutaqqanullu hivituryuumiyuq Qitiqqautuijuq 20. Talvani, CPHO -kut ihiviuffaarniaqtait tuniliutiklu qanuriliurutikhainnik.

Havagvia Maligaliqijikkut Kivgaqtuutikhangit

Itiqtauviit havagviat havakpiakpaktut akhuuqhutik tamainnik puqtuniinni naunaiyagakhuaqhugit upalungaiyautikhaliuqhimayugut ikajuutikhainnik havaktivut, itiqtauhimajutivullu, nunaqatigiiktullu taffumani inungnut aanniarutaujuq amigakhuutaudjutaani. Tadja amigaitpiaktut naunaitkutikhat tuhapkaidjutikhakkut aallanit nunagiyauyunit tadja atuqtauyukkut iluinni itiqtauviinni aallani nunagiyauyunillu.

Naunaittumik Nunavummiut ilitturiyakhainnik imaalu qauyimayakhainnik qanuriliurutikhanik Nunavunmi, tunihiyugut hapkuninga ilitturiyakhainnik. Iniutikhanullu, tikinnahuaqtakhaqqut naunairlugu aanniarut hiamittaaqtuq aannialiutauungittangani itiqtauhimajunut itiqtauviinni.

Maliqayakhangit havaktauhimajut ilauyut nutqaqtittugit tamaita hilataanit pulaarumayunut imaalu aullagakhaittunut tingmidjutikhainnik. Quyagiyavut utaqqigaffi imaalu ikayuutiffingnik tuniyauyunik itiqtauhimayunit ilagiiktunillu maliqangmagit maliquyauyut qauyimagaptallu ayurnaittungittuq.

Qayangnautaullayut hivuuranaittumiinniqpidjutauyut itiqtauvingnut , naluyugut qanuriliurutikhainnik tadja pidjutigiplugit itiqtauviit upalungaiyautikhaliurutikhainnik.

Kihimi, tunihiniaqtugut hapkuninga naunaitkutikhanik pidjutigiplugit atuqtakhaliurutikhangit imaatut:

  • Tamaita itiqtauyukhat tikitkaikpata piyariaqaqtuhivituniqaqtumik imaatut 14-ni ubluni itiqtauyarangata.
  • Itiqtauviit iliuraiyut aallanik algangnut uaqhitikhanik haluummaqtirutikhanik upaktauqattaqtunni nayugainni.
  • Kiudjutikhait/pihimayakhainniklu puukhimayut iliuraiviuyut algakhanik, ivjarutikhanik, akuliangnut pittailitikhanik qalakhuqtuqaqat, aannuranut qaliqtakhanik imaalu maliktakhanik naunaitkutikhanik aturnikhanut.
  • Munaqhit akhuuktut ihivriuqhiplutik itiqtauhimajunik tikittarangata itiqtauvingmut mihingnautiqariakhainnik aanniarunmik qalagjuarniq-19.
  • Itiqtauviit amigaigjuumihnahuaqtait niqikhat atuqtaulluaktuniklu aquiqtuutikhatik itiqtauviit ihariahungnaittumik aturluaqtakhainnik aannialiqtuqaqqata hiamittaaqtumik.
  • Amigaigyuumilugit halummaqtirutikhainnik amaliktaujariaqaqtut halummattiaqtauvagianginni qanngit amihuiqturalugillu ubluraaluk.

Unaluttauq aanniaqtailitikhangit qayangnaitkutikhangillu maliktakhainnik piliuqtukhat, havagviat ihivriuqhiyut tamainnik itiqtauhimayunik pillayut aanninariqtukhat ikiglinahuarlugit itiqtauhimajut amkigaitilangit ihuatqiyauniarmat aannialiqtailitikhanik.

Uuktuqhimmaarniaqtugut qanuriliurutikhanik ikajuutikhanik aanniaqtailinikkut qayangnaitkutikhaniklu itiqtauhimayunut, havaktinut, imaatullu tamainnut Nunavummiunut.

Havagviat Avatiliqiyitkut kivgaqtuutikhait

Umikhimaniaqtun/Nutqaqtitauniaqtun/Aulahimaitun Hadja ikayuutikhat:

  • Nutaaq qauyihautikhat laisikhait tuniyaulimaittut pidjutigiplugu umikhimajut HTO-kut imaalu tingmitikkut aullaaqtailingmata pidjutigiplugu qalagjuarniq-19.

Qulliq Alruyaktuqtunik Ikumatjutiit

QEC-kut kipihiyunnaittut pauwatuutainnik imaaluuniit iliurailimaittut pauwatuutainnut aturnikhanut naunaitkunmik taima akiliqtuiyunut ayuqharnaittumik hamna qalagjuarniq-19 hiamitirniagut.

Naunairyumigumaguvit, pulaaqlugu qaritauyakkut www.qec.nu.ca

Nunavunmi Ilihariaqpaallirviit

Tamainnut naunaitkutikhat talvuuna NAC-kut ilihaqtakhainnik iiharvikhaniklu upinngakhami iliharvikhat, takulgu: https://arcticcollege.ca/s/NAC-Q-A-Spring-semester.pdf

 

Nunavummiut aanniaqtailinikkut tamapta munarijakhavut! Itqaumalutit: uaqpaklugik algakkit imaalu qaanngit hunavaluit, inuqarnirmi qaniglihuiqluhi, maliqalugit uqaudjiudjutait aanniaqtailinikkut havaktinin, imnaalu aihimalutit aanniaruvit.