Nan'ngriyauyup Savikataaq nan'ngariyaa Nunaryuami Ublua Arnarutit 

Aktuupa 11, 2018

Hivuliqti Joe Savikataaq ublumi tuhaqtitiyuq haffuminga uqaqtamininik: 

“Uumani Nunaryuami Ublua Arnarutit, quviahuutigiyumayatka ihumagilugillu hakugingingat, ayuinnirit, ikayuutait akhuurutigivaktaillu arnat arnarutillu ikayuutigivaktainik nunallaanut, timiqutauyunut takuyumayanullu. 

Tadja atautikkut ikayuqtigiikpalliadjutigiyait ihuaqharahuarutikhainik ihuinnaarutauvaktunik arnanut arnarutinut hivulliutiyukhanut, akhuuhimmaaquyatka uqautigilugit ayuqhautauvaktut avikturniani. Ilaani Quvianaitpiaraluaqtitlugit, ihuaqhaqtauiyukhat ihumagiyauyukhallu. 

Angutauplunga hivuliqtiuplunga, appauplunga, atatattianguplungalu, aippauplungalu, ikayuqtiuplunga arnanut, I akhuurutigihimmaarniaqtara hamna ingilradjutikhat hivumuuqpalliadjutikhanut. Itquumalunga ikayuqniaqtunga ilihaqlungalu kangiqhilugit ayuqhautigivagait arnat arnannuallu ubluk tamaat, pihimavaktunut inmik arnauvlutik. Akhuurutiginiaqtarallu ihivriuqtaudjutikhanut tadja Nunavut Kavamatkut uumilruhaarnikkut atagakhaq, ihuaqtunik ikayuutikhainik atuqtakhainiklu ihuaqtumiklu aulavikhaqaqtun kinamutliqaak arnanut atuqpakhimakpadjuk ihuinaaqtaunirmik pihimayut qanuriliuqtaugumik uvaluuniit nulianikkut uumilruhaaqtaugumik. 

Arnat arnannuallu Nunavunmi pidjutikhaqaqtukhauyut inmik hulilukaariamingni piyumayamingnut, akhuurutiginiaqtaralu kavamapta ikayuqulugit arnanut.” 

### 

Tuhagaqtidjutikhanut Uqarvikhaq: 
Cate Macleod  
Taigualiuqtiinni Titiraqtia 
Havagvia Hivuliqti Savikataaq  
867-975-5059
cmacleod@gov.nu.ca