ᐅᖃᐅᓯᐅᓂᐅᔪᑦ ᒪᓕᒐᓕᐅᕐᕕᖕᒥ

ᐅᖃᖅᑎᑦᑎᔩ, ᒪᑭᑉᐳᖓ ᐅᓪᓗᒥ ᖃᐅᔨᑎᑦᑎᔪᒪᓪᓗᖓ ᐃᖅᑲᓇᐃᔭᖃᑎᒐᓚᓐᓂᒃ ᒫᓇᓕᓴᐅᔪᒥᒃ ᐱᔪᑎᓕᖕᒥᒃ  ᒪᑭᒋᐊᖅᑕ ᐃᓄᖕᓂᑦ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᑦ. ᖃᐅᔨᒪᔪᐃᓐᓇᐅᔪᒃᓴᐅᔪᓯ, ᐱᓕᕆᐊᒃᓴᖃᖅᑐᐃᓐᓇᐅᓂᐊᕋᑦᑕ ᐃᓚᐅᓂᒃᑯᑦ ᑕᐃᑲᓂ ᓴᖅᑭᑕᐅᓵᖅᑐᒥ ᐃᓄᖕᓄᑦ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᒧᑦ ᓄᓇᕗᑦ ᑐᙵᕕᒃᑯᑦ ᑎᒥᖁᑖᓂ ᐊᐅᓚᑦᑎᔨᐅᓂᐊᖅᑐᓂ ᑲᑎᒪᔨᓂ.    ᐅᖃᖅᑎᑦᑎᔩ, ᐱᔾᔪᑎᒋᔭᖓ ᐱᓕᒻᒪᒃᓴᐃᓂᕐᒧᑦ ᑲᑐᔾᔨᖃᑎᒌᖑᔪᑦ ᑮᓇᐅᔭᖃᖅᑎᑦᑎᔨᐅᓂᐊᕐᒪᑕ ᐊᒻᒪᓗ ᐃᑲᔪᖅᑐᐃᕙᒡᓗᑎᒃ ᐱᓕᒻᒪᒃᓴᕆᐊᖃᕐᓂᕐᒧᑦ ᐊᒻᒪᓗ ᐱᓕᕆᕙᓪᓕᐊᓗᑎᒃ ᐊᔪᕈᓐᓃᖅᑕᐅᔪᓐᓇᖅᑐᓂᒃ ᐊᒻᒪᓗ ᐊᔪᖏᑕᖃᓕᕈᑕᐅᓗᑎᒃ ᐱᕚᓕᕈᑎᒃᓴᐅᔪᑦ ᐱᕙᒌᔭᖅᓯᒪᔭᕆᐊᖃᕐᓂᕐᒧᑦ ᓄᓇᕘᒥ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᖃᓕᒪᒋᐊᖅᑐᓚᐅᖅᑎᓪᓗᒋᑦ ᐊᐱᖅᓱᖅᑕᐅᓚᐅᖅᑎᓪᓗᒋᓪᓗ ᖃᖓᑕᔫᓕᕆᔩᑦ ᑲᑎᒪᓂᑐᐃᓐᓇᕐᒥ, ᑎᑎᖅᑲᑎᒍᑦ ᑭᐅᔾᔪᑎᓕᐅᕐᓂᐊᕐᓂᕋᓚᐅᕋᒪ ᑭᒃᑯᑐᐃᓐᓇᓄᓪᓗ ᓴᖅᑭᖅᑎᑕᐅᓂᐊᕐᓂᕋᖅᑐᒍ. ᐅᖃᖅᑎᑦᑎᔩ, ᑲᑎᒪᓂᖅ ᓈᓚᑦᑕᐅᑦᓯᐊᓚᐅᖅᑐᖅ ᓄᓇᕗᓕᒫᒥ. ᓱᓕᔪᖅᓴᖅᑐᖓ ᓄᓇᕗᒻᒥᐅᓄᑦ ᑐᑭᓯᕚᓪᓕᕈᑕᐅᓚᐅᕐᓂᖓᓂᒃ ᖃᖓᑕᔫᓕᕆᔩᑦ ᐊᑕᐅᓯᙳᖅᓯᒪᓂᖏᓐᓄᑦ ᐊᖏᖃᑎᒌᒍᒻᒥᒃ ᐊᓯᖏᓐᓂᓪᓗ ᐊᒥᓱᓂᒃ ᖃᖓᑕᔫᓕᕆᔩᑦ ᒥᑦᓵᓄᑦ ᓄᓇᕗᒻᒥ ᐅᑭᐅᖅᑕᖅᑐᒥᓗ. ᐊᒥᓱᓂᒃ ᐃᓱᒫᓘᑎᑕᖃᓚᐅᖅᑐᖅ ᐅᓐᓂᕐᓘᑎᑕᖃᖅᑐᓂᓗ ᐱᔨᑦᓯᕋᐅᑎᖃᕐᓂᖏᑕ ᒥᑦᓵᓄᑦ, ᑭᖑᕙᖃᑦᑕᓕᕐᓂᖏᓐᓄᑦ ᐱᖁᑏᑦ ᑎᑭᑎᑕᐅᓇᓱᐊᖅᑐᑦ, ᐊᑭᑦᑐᕋᐅᑎᙱᓂᖅᓴᐅᓕᕐᓂᖏᑦ ᓂᐅᕐᕈᑎᖃᕐᕕᐅᒍᓐᓇᖅᑐᓂ,... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ 2014−ᖑᑎᓪᓗᒍ ᐃᓚᒋᔭᐅᔪᑦ ᒪᓕᒐᓕᐅᕐᕕᖕᒥᑦ ᐅᕙᓂᑦ, ᐃᓗᐃᑦᑑᓪᓗᑕ ᑲᑎᓚᐅᖅᓯᒪᒐᑦᑕ ᖁᕐᓗᖅᑑᒥᑦ.  ᓂᕈᐊᖕᓂᒃᑯᑦ, ᐊᖏᓚᐅᖅᐳᒍ ᑕᐅᑐᙳᐊᖅᑕᒃᓴᒥᑦ ᒐᕙᒪᒃᑯᓐᓄᑦ. ᐊᖏᓚᐅᖅᓯᒪᒐᑦᑕ ᓯᕗᒧᑦ ᐊᑉᓗᖅᑕᒃᑯᑦ ᐊᑐᕋᔭᖕᓂᑦᑎᓐᓂᒃ ᓈᒻᒪᒃᑐᓂᒃ ᒪᓕᒐᓕᕆᓂᖕᓂᑦ ᐋᖅᑭᒃᓱᐃᓂᐊᕐᓗᑎᒃ, ᑕᒪᒃᑯᐊᓗ ᓈᒻᒪᒃᑐᓂᑦ ᐆᒪᔪᖕᓂᑦ ᐊᐅᓚᑦᑎᔾᔪᓰᑦ ᐋᖅᑭᒃᓯᒪᒐᓗᐊᕆᐊᒃᓴᖏᓐᓂᑦ ᐊᑲᐅᓈᖁᓪᓗᒋᑦ ᓄᓇᕗᒻᒥᐅᑦ. ᓴᐳᒻᒥᒃᖠᕈᒪᒐᑦᑎᒍᑦ ᐋᖅᑭᐅᒪᓂᖓ ᐃᓕᖓᓂᖓᓗ ᑕᒪᑐᒪ ᑕᐅᑐᙳᐊᒐᐅᑉ. ᐅᖃᖅᑎᑦᑎᔩ, ᓄᓇᕗᑦ ᒐᕙᒪᒃᑯᑦ ᐃᑲᔪᖅᑐᐃᙱᑦᑐᑦ ᐃᑲᔪᖅᑐᐃᔾᔮᙱᑦᑐᓪᓗ ᐊᒃᑐᐃᓂᕐᓗᒍᑕᐅᓇᔭᖅᑐᓂᑦ ᐆᒪᔪᖁᑎᑦᑎᓐᓂᑦ ᐋᖅᑭᒃᒋᐊᖅᑕᐅᔪᓐᓴᕋᔭᙱᑦᑐᒥᑦ.... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᕗᖓ ᐃᓕᓴᕆᔪᒪᓪᓗᒋᑦ ᐃᓱᓕᑦᑎᓂᖏᓐᓂᑦ ᐱᖓᓱᑦ ᐃᓚᒋᔭᐅᔪᑦ ᑭᒃᑯᓕᒫᓄᑦ ᐱᔨᑦᑎᕋᖅᑎᖁᑎᑦᑎᓐᓂᑦ. ᐅᓪᓗᒥ, ᓴᐃᕌ ᐸᐸᑦᓯ, ᓴᐃᓐ ᐸᐸᑦᓯ, ᐋᓰᓐ ᓯᕙᓂᖅᑐᕐᓗ ᖁᕕᐊᓲᑎᖃᖕᓂᐊᖕᒪᑕ ᐃᓱᓕᑦᑎᓂᖏᓐᓂᑦ ᓯᕗᓕᖅᑎᒃᓴᓄᑦ ᐃᖅᑲᓇᐃᔭᖅᑎᙳᕆᐅᖅᓴᔪᓄᑦ ᐃᓕᓐᓂᐊᒐᒃᓴᓂᑦ. ᐅᖃᖅᑎᑦᑎᔩ, ᓴᐃᕌ ᐃᓕᓐᓂᐊᓯᒋᐊᓚᐅᖅᑐᖅ ᒪᓕᒐᓕᕆᔨᒃᑯᓐᓄᑦ ᐃᖃᓗᖕᓂᑦ ᐅᑐᐱᕆ 2014−ᒥᑦ.  ᐊᔪᕆᖅᓱᖅᑕᐅᕙᒃᖢᓂ ᐃᑲᔪᖅᑕᐅᕙᒃᖢᓂᓗ ᓴᐃᕌᑉ ᐃᓕᓐᓂᐊᕐᑎᖓᓂᑦ, ᑖᓂᐅᓪ ᓕᐸᐃᔾ, ᓄᓇᕗᒻᒥᑦ ᕿᒥᕐᕈᔨ/ᓄᓇᕗᒻᒥᑦ ᐅᓄᖅᑐᓕᐅᖅᑎ, ᓴᐃᕌ ᐱᐊᓂᓚᐅᖅᐸᔾᔪᒃ ᐃᓕᓐᓂᐊᕐᓂᓂ ᐊᐅᓚᑦᑎᔨᐅᓂᖅ, ᑐᑭᓕᐅᕆᔨᓄᑦ – ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐅᑐᐱᕆ 2015−... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐅᖃᐅᑎᒍᒪᒐᒃᑭᑦ ᒪᓕᒐᓕᐅᖅᑎᐅᖃᑎᒃᑲ ᑲᑎᒪᓛᓕᕐᒥᒻᒪᑕ ᑲᓇᑕᒥ ᓯᕗᓕᖅᑎᖏᑦ ᕚᓐᑰᕙᒥ ᒫᑦᓯ 3, 2016. ᑲᑎᒪᓕᖅᑲᑕ ᐅᖃᖅᑎᑦᑎᔩ, ᓂᕆᐅᑦᓯᐊᖅᑐᖓ ᐅᖃᓕᒪᒍᓐᓇᓛᕋᒃᑭᑦ ᖃᓗᓐᓈᓂ ᐅᑭᐅᖅᑕᖅᑐᒥᓗ ᓯᕗᓕᖅᑎᐅᖃᑎᒃᑲ ᐋᖅᑭᑦᓱᐃᓗᑕ ᑲᓇᑕᓕᒫᒥ ᐸᕐᓇᐅᒻᒥᒃ ᓄᖅᑲᐸᓪᓕᐊᑎᑕᐅᔫᒥᖁᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ. ᓱᓕᓂᐊᕐᓂᕋᓚᐅᕋᑦᑕ ᑲᑎᒪᓛᕐᓂᕋᖅᑐᑕ ᐅᓪᓗᐃᑦ 90 ᑐᖔᓂ ᐱᐅᕆᔅᒥ ᑲᑎᒪᕐᔪᐊᓚᐅᖅᑎᓪᓗᒋᑦ ᑲᑐᔾᔨᖃᑎᒌᑦ 21, ᐅᐱᒍᓱᑦᑐᖓᓗ ᒪᓕᒍᓐᓇᕋᒃᑯ ᐱᓕᕆᐊᕆᓂᐊᕐᓂᕋᓚᐅᖅᑕᕗᑦ. ᖃᓄᐃᓕᐅᕈᑎᖃᕆᐊᖃᖅᑐᒍᑦ ᐱᔪᓐᓃᖅᐸᓪᓕᐊᖁᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᑭᖑᕚᕗᑦ ᖁᕕᐊᓲᑎᖃᖃᑦᑕᕈᓐᓇᓛᖁᓪᓗᒋᑦ ᓄᓇᒥᒃ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᖃᐅᔨᒃᑲᐃᒍᒪᒐᒪ ᒪᓕᒐᓕᐅᖅᑎᐅᖃᑎᓐᓂᒃ ᓄᓇᕗᒻᒥ ᖁᕕᐊᓇᒻᒪᕆᑦᑐᒥᒃ ᐃᓕᓴᕆᔭᐅᓚᐅᖅᑐᓂᒃ ᓯᑕᒪᖓᓐᓂ ᐊᕐᕌᒍᑕᒫᑦ ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᖑᕙᑦᑐᒥᒃ ᑐᓂᔭᐅᓚᐅᖅᑐᓂᒃ ᐋᑐᕙᒥ ᔭᓐᓄᐊᓕᐅᑎᓪᓗᒍ. ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᖅ ᐊᔾᔨᐅᙱᑦᑑᓪᓗᓂ ᐅᐱᓐᓇᖅᑐᒻᒪᕆᐅᓪᓗᓂᓗ ᐃᓕᓴᖅᓯᒍᑕᐅᕙᑦᑐᖅ, ᑐᓂᔭᐅᕙᑦᑐᓂ ᐃᓚᒌᓄᑦ ᐊᑦᓱᐊᓗᒃ, ᓇᓗᓇᐃᖅᓯᒪᑦᓯᐊᖅᑐᒃᑯᓪᓗ ᖃᐅᔨᒪᔭᐅᑦᓯᐊᖅᑐᒃᑯᓪᓗ ᐃᑲᔪᕐᓂᖃᖅᓯᒪᔪᓄᑦ ᐅᑭᐅᖅᑕᖅᑐᒥ ᖃᐅᔨᒪᓂᐅᔪᓄᑦ ᐱᕚᓪᓕᕈᑕᐅᒍᓐᓇᖅᑐᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐅᖃᖅᑎᑦᑎᔩ, ᐅᑭᐅᖅᑕᖅᑐᒥ ᑲᔪᖏᖅᓴᐃᓂᕐᒧᑦ ᓵᓚᖃᐅᓯᐊᖅ ᑐᓂᓯᒍᑕᐅᕙᑦᑐᖅ ᐱᔭᕆᐊᖃᓪᓚᕆᑦᑐᓂᒃ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐅᖃᐅᑎᒍᒪᒐᒃᑭᑦ ᒪᓕᒐᓕᐅᖅᑎᐅᖃᑎᒃᑲ ᑲᑎᒪᓛᓕᕐᒥᒻᒪᑕ ᑲᓇᑕᒥ ᓯᕗᓕᖅᑎᖏᑦ ᕚᓐᑰᕙᒥ ᒫᑦᓯ 3, 2016. ᑲᑎᒪᓕᖅᑲᑕ ᐅᖃᖅᑎᑦᑎᔩ, ᓂᕆᐅᑦᓯᐊᖅᑐᖓ ᐅᖃᓕᒪᒍᓐᓇᓛᕋᒃᑭᑦ ᖃᓗᓐᓈᓂ ᐅᑭᐅᖅᑕᖅᑐᒥᓗ ᓯᕗᓕᖅᑎᐅᖃᑎᒃᑲ ᐋᖅᑭᑦᓱᐃᓗᑕ ᑲᓇᑕᓕᒫᒥ ᐸᕐᓇᐅᒻᒥᒃ ᓄᖅᑲᐸᓪᓕᐊᑎᑕᐅᔫᒥᖁᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ. ᓱᓕᓂᐊᕐᓂᕋᓚᐅᕋᑦᑕ ᑲᑎᒪᓛᕐᓂᕋᖅᑐᑕ ᐅᓪᓗᐃᑦ 90 ᑐᖔᓂ ᐱᐅᕆᔅᒥ ᑲᑎᒪᕐᔪᐊᓚᐅᖅᑎᓪᓗᒋᑦ ᑲᑐᔾᔨᖃᑎᒌᑦ 21, ᐅᐱᒍᓱᑦᑐᖓᓗ ᒪᓕᒍᓐᓇᕋᒃᑯ ᐱᓕᕆᐊᕆᓂᐊᕐᓂᕋᓚᐅᖅᑕᕗᑦ. ᖃᓄᐃᓕᐅᕈᑎᖃᕆᐊᖃᖅᑐᒍᑦ ᐱᔪᓐᓃᖅᐸᓪᓕᐊᖁᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᑭᖑᕚᕗᑦ ᖁᕕᐊᓲᑎᖃᖃᑦᑕᕈᓐᓇᓛᖁᓪᓗᒋᑦ ᓄᓇᒥᒃ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᓪᓗᒥᖅ ᓇᖏᖅᓯᔪᖓ ᑐᓴᐅᒪᒋᐊᒃᑲᓐᓂᖁᔨᓪᓗᖓ ᐃᓱᒫᓗᓐᓇᖅᑐᒥᒃ ᐊᑦᑐᐃᓂᖃᖅᐸᑦᑐᒥᒃ ᐃᓘᓐᓇᑎᓂᒃ ᓇᐅᒃᑯᑐᐃᓐᓇᖅ - ᓲᖑᓵᕐᕕᐅᖃᑦᑕᕐᓂᖅ. ᐅᖃᖅᑎᑦᑎᔩ, ᐊᐅᐸᔮᖓᔪᒥᒃ ᐅᕕᓂᕈᖅᓯᒪᓇᕐᒥᒃ ᐅᓪᓗᖃᖅᑎᑕᐅᕙᑦᑐᖅ ᐊᕐᕌᒍᑕᒫᑦ ᑭᖑᓪᓕᖅᐹᖓᓂ ᐱᖓᑦᓯᕐᒥ ᕕᕝᕗᐊᓕᐅᑎᓪᓗᒍ ᖃᐅᔨᒪᒋᐊᒃᑲᓐᓂᖁᔨᓪᓗᑎᒃ ᓲᖑᓵᖅᐸᑦᑐᓂᒃ ᐃᓕᓐᓂᐊᕐᕕᑦᑎᓐᓂ ᓄᓇᓕᓐᓂᓗ. ᑖᓐᓇ ᐱᒋᐊᓚᐅᖅᓯᒪᔪᖅ ᐊᕐᕌᒍᒐᓚᐅᓕᖅᑐᑦ ᒪᒃᑯᑦᑐᐃᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᕕᐊᓗᒻᒥ ᐋᖅᑭᑦᓯᓚᐅᖅᓯᒪᒻᒪᑕ ᐊᑭᕋᖅᑐᕈᒪᓪᓗᑎᒃ ᐊᑐᕐᓗᑎᒃ ᐊᐅᐸᔮᖓᔪᓂᒃ ᐃᓕᓐᓂᐊᕐᓂᓕᒃ 9-ᓂᒃ ᐊᖑᑎ ᓲᖑᓵᕐᕕᐅᓚᐅᖅᑎᓪᓗᒍ ᐊᐅᐸᔮᖓᔪᒥᒃ ᐅᕕᓂᕈᖅᓯᒪᔪᒥᓂᐅᑎᓪᓗᒍ. ᐅᓪᓗᒥ ᐊᐅᐸᔮᖓᔪᒥᒃ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᓇᓗᓇᐃᖅᓯᒋᐊᒃᑲᓐᓂᕈᒪᔪᖓ ᒪᓕᒐᓕᐅᖅᑎᐅᖃᑎᓐᓄᑦ ᒐᕙᒪᒋᔭᕗᑦ ᐃᑲᔪᖅᓱᐃᓂᖏᓐᓂᒃ ᑲᓇᑕᒥ ᖃᐅᔨᓴᖁᔨᓂᕐᒧᑦ ᐊᓯᐅᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᓄᓇᖃᖅᑳᖅᑐᒥᓂᕐᓂᒃ ᐊᕐᓇᓂᒃ ᐊᒻᒪᓗ ᓂᕕᐊᕐᓯᐊᑦ ᖁᔭᓕᒻᒪᕆᑦᑐᖓ ᐃᓚᒋᔭᐅᔪᓂᒃ ᐅᐸᒍᑎᖃᑦᑕᖅᓯᒪᔪᓂᒃ ᐅᖁᒪᐃᑦᑐᐊᓗᓐᓂᒃ ᐊᑑᑎᒋᓯᒪᔭᕐᒥᓂᒃ ᐅᖃᐅᓯᖃᕆᐊᖅᑐᖃᑦᑕᖅᓯᒪᔪᓂᒃ ᑲᓇᑕᒥ ᓯᕗᕐᖓᒍᑦ ᖃᐅᔨᓴᓚᐅᖅᑎᓐᓇᒋᑦ ᑐᓴᕆᐊᕐᕕᖃᖃᑦᑕᓚᐅᖅᑎᓪᓗᒋᑦ ᐱᔾᔪᑎᐅᓪᓗᑎᒃ ᐊᓯᐅᓯᒪᔪᑦ ᐃᓄᐊᖅᑕᐅᓯᒪᔪᓪᓗ ᐊᕐᓇᐃᑦ ᑐᙵᓱᑦᑎᑦᓯᔨᐅᑎᓪᓗᒍ ᐃᓄᓕᕆᔨᑐᖃᒃᑯᑦ ᒥᓂᔅᑕᖓᑦ, ᒥᔅ ᑭᐅᕈᓕᓐ ᐱᓇᑦ. ᐅᖃᖅᑎᑦᑎᔩ, ᐃᑲᔪᖅᓱᖅᑕᒃᑲ ᑕᐃᒃᑯᐊ ᐃᓚᒋᔭᐅᔪᑦ ᑕᒪᓐᓇᓗ ᓯᕗᓪᓕᐅᑎᔭᐅᓯᒪᑎᓐᓂᐊᖅᑕᕋ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᓯᕗᕐᖓᒍᑦ ᐱᒃᑯᒋᕙᑦᓰᕈᒪᓪᓗᒋᑦ 19 ᐃᓚᐅᖃᑕᐅᓚᐅᖅᑐᑦ ᕼᐃᕗᓕᖅᑎᒃᕼᐊᓄᑦ ᐊᖏᔪᖅᑳᑦᓴᐅᓂᕐᒧᑦ ᐃᓕᓐᓂᐊᖅᑕᒥᓂᒃ ᐱᔭᕇᕐᓂᖏᓐᓄᑦ ᖁᕕᐊᓲᑕᐅᓛᖅᑐᓄᑦ, ᔫᓂ 15-ᒥ ᑕᒫᓂ ᐃᖃᓗᓐᓂ. ᕼᐃᕗᓕᖅᑎᑦᕼᐊᓄᑦ ᐊᖏᔪᖅᑳᑦᓴᐅᓂᕐᒧᑦ ᐃᓕᓐᓂᐊᕈᑎ ᑐᕌᒐᖃᖅᑐᖅ ᓴᙱᓕᖅᐹᓪᓕᖁᓪᓗᒋᑦ ᓄᓇᕗᒻᒥ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᖏᑦ, ᐱᔭᕆᐅᖅᑎᑕᐅᖁᓪᓗᒋᑦ ᐱᔪᓐᓇᕐᓂᖅᑖᖁᓪᓗᒋᓪᓗ ᐊᑑᑎᖃᑦᓯᐊᖅᑐᓂᒃ ᓯᕗᓂᑦᓴᑎᓐᓂ ᓯᕗᓕᖅᑎᐅᓕᖅᑲᑕ. ᓯᕗᓪᓕᖅᐹᖅᓯᐅᑎᑦ, ᐋᖅᑭᑦᓱᖅᑕᐅᓯᒪᔪᑦ ᐊᖏᔪᖅᑲᐅᑎᓄᑦ ᐊᐅᓚᑦᓯᔨᓄᓪᓗ, ᐊᒡᒍᑐᖅᓯᒪᓪᓗᑎᒃ 7 ᐃᓕᓐᓂᐊᕈᑎᖃᓚᐅᖅᑐᑦ ᐊᑐᓂᑦ ᐅᓪᓗᓂ ᐱᖓᓱᕙᑦᑐᑎᒃ, ᐃᓕᓐᓂᐊᖃᑦᑕᓚᐅᖅᑐᑦ ᐊᑯᓐᓂᖓᓂ ᓯᑎᐱᕆ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐅᖃᒃᑲᓐᓂᕈᒪᒐᒪ ᖁᔭᓕᓯᒪᒐᒪ ᑲᓇᑕᐅᑉ ᒐᕙᒪᒃᑯᖏᑦ ᐃᓱᒪᓕᐅᕈᑎᖃᖅᓯᒪᓕᕐᖓᑕ ᐃᑲᔪᖅᓱᐃᓂᕋᖅᑐᑎᒃ ᓄᓇᕐᔪᐊᒥ ᑲᑐᔾᔨᖃᑎᒌ ᓇᓗᓇᐃᖅᓯᒍᑎᖓᓂᒃ ᓄᓇᖃᖅᑳᖅᑐᒥᓃᑦ ᐱᔪᓐᓇᐅᑎᖏᓐᓂᒃ. ᓇᓗᓇᐃᖅᓯᒍᑎ ᐃᓕᓴᖅᓯᒍᑕᐅᔪᖅ ᓄᓇᖃᖅᑳᖅᑐᒥᓃᑦ ᐱᔪᓐᓇᐅᑎᖏᓐᓂᒃ, ᐱᔪᓐᓇᐅᑎᖏᓐᓂᓪᓗ ᓇᒻᒥᓂᖅ ᐊᐅᓚᑦᓯᒍᓐᓇᕐᓂᖏᓐᓂᒃ, ᐅᖃᐅᓯᖏᓐᓂᒃ, ᐃᓚᐃᓐᓈᖅᑕᐅᒋᐊᖃᙱᓐᓂᖏᓐᓂᒃ ᓄᓇᖏᓐᓂᓪᓗ, ᐊᓯᖏᓪᓗ. ᐊᒻᒪᓗ, ᐅᖃᓕᒫᕐᓗᒍ ᐅᓇ, “ᐱᓗᐊᙳᐊᖅᑐᒥ ᐱᔪᓐᓇᐅᑎᖏᓐᓂᒃ ᓄᓇᖃᖅᑳᖅᑐᒥᓃᑦ ᒪᑭᑕᑎᑦᓯᒍᓐᓇᕐᓂᖏᓐᓂᒃ ᓴᙱᓕᖅᐸᓪᓕᐊᑎᑦᓯᒍᓐᓇᕐᓂᖏᓐᓂᓪᓗ ᓇᒻᒥᓂ ᑎᒥᖁᑎᖏᓐᓂᒃ, ᐃᓕᖅᑯᓯᖏᓐᓂᒃ ᐱᖅᑯᓯᖏᓐᓂᓪᓗ, ᐊᑦᓱᕉᑎᖃᕈᓐᓇᖁᓪᓗᒋᑦ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᖃᐅᔨᒃᑲᐃᒍᒪᔪᖓ ᒪᓕᒐᓕᐅᖅᑎᐅᖃᑎᓐᓂᒃ ᐱᒻᒪᕆᐅᔪᒥᒃ ᐱᒋᐊᖅᑎᑕᐅᓯᒪᔪᒥᒃ ᓄᓇᕗᑦ ᒐᕙᒪᒃᑯᖏᓐᓄᑦ, ᑲᓇᑕᒥ ᑭᒡᓕᓯᓂᐊᖅᑎᒃᑯᓐᓄᑦ ᓄᓇᕗᑦ ᑐᙵᕕᒃᑯᓄᓪᓗ. ᐃᐳᕈ 25-ᒥᒃ ᔫᓂ 17-ᒧᑦ, ᓄᓇᕗᑦ ᒐᕙᒪᒃᑯᖏᓐᓂ ᐃᖅᑲᓇᐃᔭᖅᑎᓄᑦ ᑭᒡᓕᓯᓂᐊᕈᑎᐅᔪᑦ ᓄᐊᑦᓯᒍᑕᐅᓂᐊᖅᑐᑦ ᑐᑭᓯᒋᐊᕈᑎᑦᓴᓂᒃ ᐃᖅᑲᓇᐃᔭᖅᑏᑦ ᐊᑑᑎᒋᓯᒪᔭᖏᓐᓂᒃ, ᐅᖃᐅᓯᕐᓂᒃ ᐊᑐᖃᑦᑕᕐᓂᖏᓐᓂᒃ ᐃᖅᑲᓇᐃᔭᕐᕕᒻᒥᓂ, ᐊᑐᐃᓐᓇᖃᕐᓂᖏᑦ ᐊᕝᕕᐊᕈᑎᖃᕐᓂᖏᓐᓂᓪᓗ ᐃᖅᑲᓇᐃᔮᒥᓂ ᐱᓕᒻᒪᑦᓴᒍᓐᓇᕐᓂᖏᓐᓄᑦ, ᐃᖅᑲᓇᐃᔮᒥᓂ ᖁᕝᕙᐸᓪᓕᐊᒍᒪᓂᖃᕐᒪᖔᑕ, ᐊᖏᔪᖅᑳᒥᓄᑦ ᐃᑲᔪᖅᓱᖅᑕᐅᒻᒪᖔᑕ, ᐃᓱᒫᓘᑎᖃᕐᒪᖔᑕᓗ ᐃᖅᑲᓇᐃᔭᖅᑎᑖᕋᓱᐊᖃᑦᑕᓂᕐᒧᑦ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᓇᓗᓇᐃᕐᕕᒋᒍᒪᔭᕋ ᐃᑲᔪᖅᓱᕋᒃᑯ ᕼᐊᓐᑐ ᑐᑐ, ᒪᓕᒐᓕᐅᕐᕕᔾᔪᐊᒥ ᑭᒡᒐᖅᑐᖅᑎᖓᑦ ᓄᓇᕗᑦ. ᐅᓐᓄᒃ ᓄᖅᑲᓚᐅᕐᖓᑦ ᑲᓇᑕᒥ ᒥᓂᔅᑕᐅᖃᑎᒌᓂᒃ ᓕᐳᕈᒃᑯᓪᓗ ᑲᑎᒪᔨᖏᓐᓂᒃ. ᐃᑲᔪᖅᓱᖅᑕᕗᑦ ᖃᓄᐃᓕᒋᐊᕈᑎᖃᕐᓂᖓᓂᒃ ᒪᒥᓴᕈᒪᑎᓪᓗᒍ ᐊᔪᓕᕈᑎᒋᓯᒪᔭᕐᒥᓄᑦ. ᓇᓗᓇᐃᖅᓯᓯᒪᔪᖅ ᓇᓗᖅᑯᑎᙱᓂᕐᒥᒃ ᓴᙱᓂᖃᕐᓂᒥᓪᓗ ᑕᐃᒪᓐᓇ ᐃᓱᒪᓕᐅᕈᑎᖃᖅᑐᓂ. ᐊᑦᓱᕉᑎᖃᖅᓯᒪᒻᒪᑦ ᐊᑦᓱᕉᑎᖃᐃᓐᓇᕐᓂᐊᖅᑐᓂᓗ ᓄᓇᕗᒻᒥᐅᓄᑦ. ᐅᖃᖅᑎᑦᑎᔩ, ᒪᓕᒐᓕᐅᖅᑏᓪᓗ, ᐃᓇᑉᐸᑦᓯ ᓇᓗᓇᐃᖅᓯᖃᑎᒋᒍᒪᓪᓗᓯ ᐃᑲᔪᖅᓱᐃᓂᑦᑎᓐᓂᒃ ᑐᑐᒥᒃ ᐃᓚᒌᓂᓪᓗ, ᓄᖅᑲᖓᑲᐃᓐᓇᕐᓂᐊᖅᑎᓪᓗᒍ ᒪᒥᓴᕆᐊᖃᕐᓂᕐᒥᓂ. ᖁᔭᓐᓇᒦᒃ, ᐅᖃᖅᑎᑦᑎᔩ.
ᐅᖃᖅᑎ, ᐅᓪᓗᒥ ᐅᖃᐅᓯᖃᕈᒪᕗᖓ ᐃᑲᔪᕈᒪᓪᓗᖓ ᕘᒃ ᒪᒃᒧᓕᒥᐅᓄᑦ, ᐋᐳᑕᒥᑦ. ᖃᐅᔨᒪᔪᐃᓐᓇᐅᒐᔅᓯ, ᑕᐃᑲᓂ ᐃᑭᑦᑐᖃᕐᔪᐊᕋᑖᓚᐅᕐᒪᑦ ᓇᐸᖅᑐᖏᓐᓂᑦ ᐊᒻᒪ 80,000 ᐅᖓᑖᓂᑦᑐᑦ ᓄᓇᖓᓂᑦ ᕿᒪᕉᑎᔭᕆᐊᖃᓚᐅᕐᒪᑕ. ᐅᖃᖅᑎ, ᒐᕙᒪᕗᑦ ᑖᔅᓱᒧᖓ ᑐᐊᕕᕐᓇᖅᑐᒥᑦ ᐃᑲᔪᕋᓱᖕᒪᑕ $25,000−ᒥᑦ ᑲᓇᑕᒥᑦ ᐱᓂᕐᓗᒃᑐᓄᑦ ᐃᑲᔪᖅᑏᓄᑦ (Canadian Red Cross). ᑎᑎᕋᖅᓯᒪᔮᓂ ᓯᕗᒧᑦ ᐊᑉᓗᖅᑕᒥᑦ ᐃᓚᒌᖑᔪᑦ ᖃᓄᐃᖏᑦᑎᐊᖁᓗᒋᑦ ᓴᖏᓂᖅᑖᖅᑐᕐᓗᑎᒡᓗ ᓄᓇᓕᖕᓂᑦ. ᐃᑲᔪᖅᑕᐅᔭᕆᐊᖃᓪᓚᕆᑎᓪᓗᒋᑦ, ᓄᓇᕗᑦ ᐃᑲᔪᖃᑦᑕᕐᒪᑕ ᓄᓇᑦᑕ ᓯᓚᑖᓂᑦ. ᓄᓇᕗᒻᒥᐅᓄᑦ, ᐊᓕᐊᓇᐃᒍᓱᒃᐳᖓ ᐃᑲᔪᒃᑲᓐᓂᕆᐊᖃᖅᑎᓪᓗᒋᑦ ᑲᓇᑕᒥᑦ ᓄᓇᖓᓂ ᑖᒃᑯᐊᓗ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᑐᓴᖅᑎᑦᓯᑲᐃᓐᓇᕈᒪᒐᒪ ᒪᓕᒐᓕᐅᖅᑎᐅᖃᑎᓐᓂᒃ ᒫᓐᓇᒫᖑᓚᐅᖅᑐᖅ ᓄᓇᕗᒻᒥ ᓂᖀᑦ ᐊᑭᖏᓐᓂᒃ ᑭᒡᓕᓯᓂᐊᕈᑕᐅᓚᐅᖅᑐᓂᒃ. ᐊᕐᕌᒍ ᐱᒋᐊᕋᑖᖅᑎᓪᓗᒍ, ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ ᐃᑲᔪᖅᑎᖃᖅᑐᑎᒃ ᓄᓇᓕᓐᓂ ᒐᕙᒪᒃᑯᑦ ᑐᑦᑕᕐᕕᖏᓐᓂᒃ ᐱᔭᕇᖅᓯᓚᐅᖅᑐᑦ 2016 ᑭᒡᓕᓯᓂᐊᕈᑎᒥᓂᖏᓐᓂᒃ, ᐊᕐᕌᒍᓂᒃ ᓯᑕᒪᐅᓕᖅᑐᓂᒃ ᑲᒪᒋᔭᐅᕙᑦᑐᓂ. ᐅᖃᖅᑎᑦᑎᔩ, ᓄᓇᕗᒻᒥ ᓂᖀᑦ ᐊᑭᖏᓐᓂᒃ ᑭᒡᓕᓯᓂᐊᖅᓱᑎᒃ ᓄᐊᑦᓯᕙᑦᑐᑦ ᑐᑭᓯᒋᐊᕈᑎᓂᒃ ᖃᐅᔨᓴᕈᑕᐅᒍᓐᓇᖁᓪᓗᒋᑦ ᐊᔾᔨᒌᙱᑦᑑᓂᖏᓐᓂᒃ ᐃᓅᓇᓱᐊᕐᓂᕐᒧᑦ ᐊᑭᖃᕐᓂᖓᓂᒃ ᓄᓇᕗᒻᒥ ᓄᓇᓕᖏᓐᓂ, ᐊᔾᔨᒌᙱᓐᓂᖏᓐᓂᓪᓗ ᐊᓯᖏᓐᓂ ᐊᕕᑦᑐᖅᓯᒪᓂᐅᔪᓂ. ᑕᕝᕙᓂ ᐊᕐᕌᒍᒥ ᓄᓇᓕᓐᓂ ᒐᕙᒪᒃᑯᑦ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑐᓴᖅᑎᑦᓯᒍᒪᓪᓗᖓ ᒪᓕᒐᓕᐅᖅᑎᐅᖃᑎᓐᓂᒃ ᑲᑎᒪᓂᖃᓚᐅᕋᑦᑕ ᓯᕗᓕᖅᑎᐅᖃᑎᒃᑲᓗ ᐊᐅᔭᐅᓚᐅᖅᑐᖅ. ᐅᖃᖅᑎᑦᑎᔩ, ᐊᐅᔭᖅ ᑲᑎᒪᓚᐅᖅᑐᑦ ᑲᓇᑕᒥ ᓯᕗᓕᖅᑏᑦ ᔪᓚᐃ 21-22 ᕙᐃᑦᕼᐅᐊᔅᒥ. ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᐃᓚᒋᔭᐅᕕᐅᔪᑦ ᐊᑕᖏᖅᑐᒋᑦ 13 ᑲᓇᑕᒥ ᓯᕗᓕᖅᑎᖏᑦ. ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᑦ ᓯᕗᓕᖅᑎᓄᑦ ᐱᕕᖃᕐᕕᐅᕙᑦᑐᑦ ᑲᑐᔾᔨᖃᑎᒌᒍᓐᓇᕐᓂᕐᒥᒃ, ᖃᓂᒌᓕᒃᑲᓐᓂᕐᓂᕐᒥᒃ, ᐊᑑᑎᖃᑦᓯᐊᖅᑐᓂᓪᓗ ᐱᓕᕆᖃᑎᒌᑦᑎᐅᓂᕐᒥᒃ ᒐᕙᒪᐅᔪᓄᑦ ᓴᖅᑭᔮᖅᑎᑦᓯᓂᕐᒥᓪᓗ ᓯᕗᓕᖅᑎᐅᓂᕐᒧᑦ ᐱᒻᒪᕆᐅᔪᓄᑦ ᐊᑑᑎᖃᖅᑐᓄᑦ ᑲᓇᑕᒥᐅᓄᑦ. ᑲᑎᒪᓂᐅᓚᐅᖅᑐᑦ ᐱᒻᒪᕆᐅᓪᓗᓂ ᐱᕕᖃᕐᕕᐅᕙᑦᑐᖅ ᓯᕗᓕᖅᑎᓄᑦ ᑲᓇᑕᒥ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐱᓕᒻᒪᑦᓴᐃᓂᕐᒧᑦ ᐃᖅᑲᓇᐃᔭᖅᑎᖏᑦ ᒐᕙᒪᓕᕆᔨᒃᑯᓐᓂ ᐱᒋᐊᕈᑎᖃᓕᖅᑐᑦ ᐱᖓᔪᐊᓐᓂᒃ ᐃᓕᓐᓂᐊᕈᑎᓂᒃ ᕼᐃᕗᓕᖅᑎᒃᕼᐊᓄᑦ ᐱᓕᕆᐊᑎᒍᑦ. ᕼᐃᕗᓕᖅᑎᒃᕼᐊᓄᑦ ᐱᓕᕆᐊᖅ ᐱᖓᓲᓕᖓᓪᓗᑎᒃ ᐊᕕᑦᑐᖅᓯᒪᔪᑦ: ᐊᐅᓚᑦᓯᔨ, ᐊᖏᔪᖅᑳᑦ ᐊᒻᒪᓗ ᐊᐅᓚᑦᓯᔨᙳᖅᐸᓪᓕᐊᔪᑦ. ᐅᓪᓗᒥᒧᑦ, ᐊᖏᔪᖅᑳᓄᑦ ᐃᓕᓐᓂᐊᕈᑏᑦ ᐊᑕᖏᖅᑐᒋᑦ ᐱᔭᕇᖅᑕᐅᓯᒪᔪᑦ, ᐃᓚᐅᖃᑕᐅᔪᓪᓗ ᐱᔭᕇᓚᐅᖅᑐᑎᒃ ᐊᕐᕌᒍ ᐱᒋᐊᕋᑖᖅᑎᓪᓗᒍ. ᐊᐅᓚᑦᓯᔨᓄᑦ ᐃᓕᓐᓂᐊᕈᑏᑦ ᒫᓐᓇᐅᔪᖅ ᐊᐅᓚᑕᖅ ᐃᖃᓗᓐᓂ. ᐊᐅᓚᑦᓯᔨᙳᖅᐸᓪᓕᐊᔪᓄᑦ ᐃᓕᓐᓂᐊᕈᑏᑦ ᐱᖓᔪᐊᓐᓃᓕᖅᑐᑦ ᐃᓕᓐᓂᐊᕈᑎᖏᓐᓂ, ᐃᓗᓕᖃᖅᑐᓂ 7−ᓂᒃ, ᐊᑐᓂᑦ ᐅᓪᓗᓂᒃ ᐱᖓᓱᓂᒃ ᐃᓕᓐᓂᐊᕈᑎᓂᒃ.... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᓯᔩ, ᒐᕙᒪᒃᑯᑦ ᓄᓇᕗᒻᒥᑦ (GN) ᐊᖏᖅᓯᒪᓂᖃᖅᑐᑦ ᑲᔪᓯᓂᖃᑦᓯᐊᑦᑐᒥᑦ ᐊᐅᓚᓂᖃᑦᓯᐊᖅᑐᒥᓪᓗ ᑭᒃᑯᑐᐃᓐᓇᕐᓂᑦ ᐱᔨᑦᓯᕋᕐᓂᕐᒥᑦ ᑭᒡᒐᖅᑐᐃᓂᕐᒥᑦ ᐃᓄᒋᐊᓐᓂᖏᓐᓄᑦ ᐱᔨᑦᓯᕋᖅᐸᑦᑕᖏᓐᓄᑦ, ᒪᓕᑦᑕᐅᔭᕆᐊᓕᓐᓂᓪᓗ ᒪᓕᓐᓂᕐᒥᑦ ᐃᓛᒃᑰᖅᑐᑦ 23 ᓄᓇᕗᒻᒥᑦ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᑦ (NLCA). ᓯᕗᓕᖅᑎᐅᑦᓱᖓ, ᐊᖏᖅᓯᒪᓂᖃᖅᑐᖓ ᐱᐅᓯᕚᓪᓕᑎᑦᓯᓂᕐᒥᑦ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒥᑦ ᒐᕙᒪᒃᑯᑎᓐᓂᑦ ᐱᔨᑦᓯᕋᕐᓂᕐᒥᑦ. ᐊᖏᕈᑕᐅᓚᐅᕐᓂᖓᓄᑦ ᐃᖅᑲᖅᑐᐃᕕᒃᑰᖅᑎᑦᓯᒍᑎᖓ ᓄᓇᕗᒻᒥᑦ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥᑦ ᐊᑐᓕᖅᑎᑦᓯᓂᕐᒥᑦ ᐊᖏᕈᑕᐅᔪᔪᖅ ᐊᕐᕌᓂᑦ, ᒐᕙᒪᒃᑯᑦ ᓄᓇᕗᒻᒥᑦ ᐱᔪᓐᓇᖅᑐᑦ $40 ᒥᓕᐊᓐᓂᑦ ᐊᑐᓕᖅᑎᑦᓯᓂᕐᒧᑦ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᑐᓴᖅᑎᑦᓯᒋᐊᕈᒪᒐᒪ ᒪᓕᒐᓕᐅᖅᑎᐅᖃᑎᓐᓂᒃ ᓄᓇᕗᒻᒥ ᓇᒻᒥᓂᖅᓱᕐᓂᕐᒧᑦ ᐊᔩᖃᑎᒌᓐᓂᐅᓂᐊᖅᑐᓂᒃ ᐱᒻᒪᕆᐅᓪᓗᓂᓗ ᐱᕚᓪᓕᕈᑕᐅᓯᒪᓂᖓᓂᒃ ᑲᒪᒋᔭᐅᕙᓪᓕᐊᔫᑉ. ᐅᖃᖅᑎᑦᑎᔩ, ᖃᐅᔨᒪᒐᕕᑦ, ᓄᑦᑎᖅᑕᐅᓂᖏᑦ ᓴᙱᓂᖃᕈᑎᖃᕐᓂᕐᒧᑦ ᐱᓕᕆᐊᑦᓴᖃᖅᑎᐅᓂᕐᒧᑦ ᐱᒻᒪᕆᐅᓪᓗᓂ ᐃᓚᒋᔭᐅᖃᑕᐅᒻᒪᑦ ᒐᕙᒪᒋᔭᑦᑕ ᑐᕌᒐᖏᓐᓄᑦ, ᑕᒪᓐᓇ ᓴᖅᑭᕈᓐᓇᖅᓯᖁᓪᓗᒍ ᓄᓇᕗᒻᒥ ᐊᑯᓂᐅᔪᒧᑦ ᐱᕙᓪᓕᐊᓂᕆᓂᐊᖅᑕᕗᑦ ᓇᒻᒥᓂᕐᓗ ᐊᐅᓚᑦᓯᒍᓐᓇᓂᕐᒧᑦ ᓄᓇᕗᒻᒥᐅᓄᑦ. ᖁᕕᐊᑦᑐᒍᑦ ᒐᕙᒪᑐᖃᒃᑯᑦ ᑎᒃᑯᐊᖅᓯᓚᐅᕐᖓᑕ ᓄᑖᒥᒃ ᐊᔩᖅᑎᓄᑦ ᐊᖏᔪᖅᑳᒥᒃ, ᕗᕆᐊᑦ ᑲᕋᓐ ᓇᒻᒥᓂᖅᓱᕐᓂᕐᒧᑦ ᐊᖏᖃᑎᒌᒍᑎᑦᓴᒥᒃ, ᓇᓗᓇᐃᖅᑕᐅᓚᐅᖅᑐᓂᓗ ᓄᓇᕗᑦ ᐅᓪᓗᖓᓂ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᒪᓕᒐᓕᐅᕐᕕᒻᒥ ᐃᓕᓴᖅᓯᒍᒪᓪᓗᖓ ᖁᔭᓐᓇᒦᕈᒪᓪᓗᖓᓗ ᓄᓇᕗᑦ ᒐᕙᒪᒃᑯᖏᓐᓄᑦ ᐃᖅᑲᓇᐃᔭᖅᑎᓂᒃ ᐱᔨᑦᓯᕋᖅᓯᒪᔪᓂᒃ ᐊᕐᕌᒍᐃᑦ 30 ᐅᖓᑖᓄᑦ. ᑖᒃᑯᐊ ᑲᔪᖏᑦᓯᐊᖅᑐᑎᒃ ᐃᖅᑲᓇᐃᔭᖅᑏᑦ ᐃᓕᓴᕆᔭᐅᓚᐅᖅᑐᑦ ᐊᑯᓂ ᐃᖅᑲᓇᐃᔭᖅᓯᒪᔪᑦ ᑐᓂᔭᐅᑎᓪᓗᒋᑦ ᐅᓐᓅᓚᐅᖅᑐᖅ. ᐅᖃᖅᑎᑦᑎᔩ, ᑖᒃᑯᐊ ᑐᓂᓯᒪᑦᓯᐊᖅᑐᑎᒃ ᐃᖅᑲᓇᐃᔭᖅᑏᑦ ᓇᑭᑐᐃᓐᓈᖅᓯᒪᔪᑦ ᐱᓕᕆᕕᑦᑎᓐᓂ ᒐᕙᒪᒃᑯᓪᓗ ᑎᒥᖁᑎᖏᓐᓂᒃ, ᓇᑭᑐᐃᓐᓈᖅᓯᒪᓪᓗᑎᓪᓗ ᓄᓇᕗᒻᒥ. ᐊᑯᓂ ᐃᖅᑲᓇᐃᔭᖅᓯᒪᓂᖏᑦ ᓇᓗᓇᐃᕈᑕᐅᑦᓯᐊᖅᑐᖅ ᐊᑦᓱᕉᑎᖃᕐᓂᖏᓐᓂᒃ ᐱᔨᑦᓯᕋᕐᓂᕐᒧᑦ ᐊᑐᐃᓐᓇᐅᑎᑦᓯᓂᕐᒧᓪᓗ ᓄᓇᓕᑦᑎᓐᓂ. ᐅᖃᖅᑎᑦᑎᔩ, ᒐᕙᒪᒋᔭᕗᑦ ᑲᔪᓯᒍᑎᖃᖅᑐᑦ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐅᓪᓗᒥ ᓇᖏᖅᓯᔪᖓ ᑭᐅᔾᔪᑎᖃᕈᒪᓪᓗᖓ ᐊᐱᖅᑯᑎᐅᓚᐅᖅᑐᒥᒃ ᐱᓇᓱᐊᕈᓯᐅᓚᐅᖅᑐᒥ ᐱᔾᔪᑎᖃᖅᑐᑎᒃ ᐊᑐᐃᓐᓇᐅᓂᖏᓐᓂᒃ ᑲᓇᑕᐅᑉ ᓯᓚᑖᓅᖅᑐᖅᓯᐅᑎᓄᑦ ᖁᑭᐅᑎᑖᕈᓐᓇᐅᑎᓄᓪᓗ ᓚᐃᓴᓐᓯᓄᑦ ᐊᔾᔨᓕᐅᖅᑕᐅᒍᓐᓇᓂᕐᒧᑦ ᓄᓇᓕᓐᓂ. ᓯᕗᒧᑦ ᐊᑉᓗᖅᑕ ᑐᕌᒐᑦᑎᓐᓂ, ᒐᕙᒪᒋᔭᕗᑦ ᐱᓕᕆᓂᐊᕐᓂᕋᖅᓯᒪᔪᑦ ᓇᓗᓇᐃᖅᑕᐅᓯᒪᖁᓪᓗᒍ ᐱᓕᕆᐊᑦ ᐱᔨᑦᓯᕋᐅᑏᓪᓗ ᐊᐅᓚᑕᐅᖃᑦᑕᖁᓪᓗᒋᑦ ᐊᑑᑎᖃᑦᓯᐊᖅᑐᒃᑯᑦ, ᐊᐅᓚᓂᖃᑦᓯᐊᖅᑐᒃᑯᓪᓗ. ᑕᒪᓐᓇ ᐱᔾᔪᑎᒋᓪᓗᒍ, ᒐᕙᒪᒃᑯᑦ ᑐᑦᑕᕐᕕᖏᑦ ᐃᖅᑲᓇᐃᔮᑦ ᐊᑐᐃᓐᓇᐅᑎᑦᓯᕙᑦᑐᑦ ᐃᑲᔪᖅᓱᐃᓂᕐᒥᒃ, ᑐᑭᓯᒋᐊᕈᑎᑦᓴᖃᖅᑎᑦᓯᓂᕐᒥᒃ ᒐᕙᒪᒃᑯᓂᓪᓗ ᑭᒡᒐᖅᑐᐃᖃᑦᑕᕐᓂᒥᒃ ᓄᓇᓕᑦᑎᓐᓂ ᓄᓇᕗᓕᒫᒥ. ᖃᐅᔨᒪᔪᐃᓐᓇᐅᒐᑦᑕ,... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᒐᕙᒪᑐᖃᒃᑯᑦ ᖃᐅᔨᓴᕐᓂᕆᓛᖅᑕᖓᑦ ᐃᓄᐊᖅᑕᐅᓯᒪᔪᓂᒃ ᐊᓯᐅᓯᒪᔪᓂᓪᓗ ᓄᓇᖃᖅᑳᖅᑐᒥᓂᕐᓂᒃ ᐊᕐᓇᓂᒃ ᓂᕕᐊᖅᓯᐊᓂᓪᓗ ᐱᒋᐊᓛᖅᑐᖅ ᑲᓇᑕᒥ ᐅᑭᐊᑦᓵᖅ. ᑕᒪᓐᓇ ᐊᔪᕐᓇᖅᑑᓪᓗᓂ ᐃᓱᒫᓗᓐᓇᖅᑐᖅ ᐅᕙᑦᑎᓐᓂᓕᒫᖅ ᐊᑦᑐᐃᓂᖃᖅᐸᑦᑐᖅ. ᐋᓐᓂᖅᑎᕆᓂᐅᕙᑦᑐᖅ ᓄᓇᕗᒻᒥ 11−ᕋᐃᔭᖅᑐᒍ ᐊᒥᓲᓂᖅᓴᐅᕙᑦᑐᑦ ᑲᓇᑕᒥ ᖃᑦᓯᐅᓂᖏᓐᓂᒃ. ᓴᖅᑭᔮᓗᐊᕋᓂ, ᐊᔪᕐᓇᖅᑑᓪᓗᓂ ᐱᒻᒪᕆᐅᓪᓗᓂᓗ ᐃᓱᒫᓗᓐᓇᖅᑐᖅ ᓄᖅᑲᖅᑎᑦᓯᒐᓱᐊᕐᓂᕐᒥᒃ ᐃᓚᒌᓂ ᐋᓐᓂᖅᑎᕆᓂᐅᕙᑦᑐᓂᒃ ᐊᑦᓱᕉᑕᐅᒋᐊᓕᒃ ᖁᑦᑎᓐᓂᓕᕇᓄᑦ ᒐᕙᒪᐅᔪᓄᑦ, ᑲᑐᔾᔨᖃᑎᑦᑎᓐᓄᑦ ᓄᓇᖅᑲᑎᒌᓄᓪᓗ. ᓯᕗᓪᓕᖅᑎᐅᓪᓗᖓ, ᐊᑦᓱᕉᑎᖃᖅᑐᖓ ᓴᙱᓕᖅᐹᓪᓕᖅᑎᑦᓯᒐᓱᐊᕐᓂᕐᒧᑦ ᒐᕙᒪᒋᔭᑦᑕ ᐱᓕᕆᐊᖏᓐᓂᒃ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐃᓕᓴᖅᓯᒍᒪᒐᒪ ᐊᑦᓱᕉᑎᖃᖅᓯᒪᓂᖓᓂᒃ ᓵ ᐱᑦᓯᐅᓛᖅ, ᐃᓄᒃᑎᑐᑦ ᐅᖃᐅᓯᓕᕆᓂᕐᒧᑦ ᑲᒪᔨ ᐃᓕᖅᑯᓯᓕᕆᔨᒃᑯᓐᓂ, ᓵᓚᖃᖅᓯᒪᔪᖅ 12−ᖓᓐᓂ ᐊᕐᕌᒍᑕᒫᑦ ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᓐᓂᒃ ᐅᖃᓕᒫᕆᐅᖅᓴᔪᓕᕆᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᓄᓇᕗᒻᒥ. ᐱᒋᐊᖅᑎᑕᐅᓚᐅᖅᓯᒪᔪᖅ 2004−ᖑᑎᓪᓗᒍ ᑲᓇᑕᒥ ᑲᑐᔾᔨᖃᑎᒌᑦ ᑲᑎᒪᔨᖏᓐᓄᑦ ᐃᓕᓴᕆᔭᐅᔾᔪᑎ ᐃᓕᓴᖅᓯᒍᑎᐅᕙᑦᑐᖅ ᑲᔪᓯᑦᓯᐊᕈᑎᖃᖅᓯᒪᓂᖏᓐᓂᒃ ᐃᓐᓇᐃᑦ ᐅᖃᓕᒫᕆᐅᖅᓴᓂᕐᒧᑦ ᐱᓕᒻᒪᑦᓴᓂᕐᒧᑦ. ᐃᓕᓴᕆᔭᐅᔾᔪᑎ ᖁᕕᐊᓲᑎᖃᕈᑕᐅᒻᒥᔪᖅ ᐊᑑᑎᖃᓪᓚᕆᑦᑐᓂᒃ ᐃᑲᔪᖅᓯᒪᓂᖏᓐᓂᒃ ᑲᓇᑕᒥᐅᑦ ᐅᖃᓕᒫᕆᐅᖅᓴᔪᓕᕆᓂᕐᒧᑦ. ᐅᖃᖅᑎᑦᑎᔩ, ᐊᕐᕌᒍᑕᒫᑦ, ᑲᓇᑕᒥ ᑲᑐᔾᔨᖃᑎᒌᑦ... ᐅᖃᓕᒫᒃᑲᓐᓂᕆᑦ.
ᐅᖃᖅᑎᑦᑎᔩ, ᐱᕕᖃᕐᓂᓐᓂ ᐱᒃᑯᒋᕙᑦᓰᕈᒪᒐᒃᑭᑦ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᖏᑦ ᐊᕐᕌᒍᓂᒃ ᐊᕙᑎᓂᒃ ᓇᓪᓕᐅᓂᖅᓯᐅᕈᑎᖃᖅᑎᓪᓗᒋᑦ. ᐅᑭᐅᖅᑕᖅᑐᒥ ᑲᑎᒪᔨᕐᔪᐊᖏᑦ ᖁᕕᐊᓲᑎᖃᓚᐅᖅᑐᑦ ᓯᑕᒻᒥᖅ, ᓯᑎᐱᕆ 29 ᑳᕈᓪᑕᓐ ᓯᓚᑦᑐᓴᕐᕕᔾᔪᐊᖓᑦ, ᓄᓇᕐᔪᐊᒥ ᐊᐅᓚᑦᓯᓂᕐᒧᑦ ᓄᓇᕐᔪᐊᒥᓗ ᐱᓕᕆᖃᑎᒌᓐᓂᕐᒧᑦ ᑲᓇᑕᒥ ᐱᓕᕆᕕᖓᑦ ᑐᙵᓱᑦᑎᑦᓯᓚᐅᖅᑎᓪᓗᒋᑦ ᖁᕕᐊᓲᑎᖃᖅᑎᓪᓗᒋᑦ ᐋᑐᕙᒥ. ᐅᑭᐅᖅᑕᖅᑐᒥ ᑲᑎᒪᔨᕐᔪᐊᖏᑦ ᐱᕕᖃᕐᕕᐅᔪᑦ ᐅᑭᐅᖅᑕᖅᑐᒥ ᓄᓇᓕᕐᔪᐊᓖᑦ ᐅᖃᖃᑎᒌᒍᓐᓇᖅᑐᑎᒃ ᓇᓕᒧᒌᑦᑎᑦᓯᒋᐊᖃᕐᓂᕐᒥᒃ ᐊᕙᑎᑦᑎᓐᓂᒃ ᓴᐳᒻᒥᔮᕆᓂᖅ ᐊᒻᒪᓗ ᓱᕈᐃᓗᐊᑦᑕᐃᓕᓗᑎᒃ ᐱᕙᓪᓕᐊᑎᑦᓯᓂᖅ ᓄᓇᑦᑎᓐᓂ. ᑲᑎᒪᕕᒃ ᓴᖅᑭᔮᖅᑎᑦᓯᕙᑦᑐᑦ ᑲᑐᔾᔨᖃᑎᒌᒋᐊᖃᕐᓂᕐᒥᒃ... ᐅᖃᓕᒫᒃᑲᓐᓂᕆᑦ.