ᓇᒻᒥᓂᖃᖅᑎᐅᔪᑦ ᐊᒻᒪᓗ ᓄᑖᑦ ᓇᒻᒥᓂᖃᖅᑎᐅᔪᑦ

ᐃᖅᑲᓇᐃᔮᒃᓴᐃᑦ

ᐱᕙᓪᓕᐊᑎᑦᑎᓂᖅ ᐃᖅᑲᓇᐃᔮᓂᒃ
ᐱᕙᓪᓕᐊᑎᑦᑎᓂᖕᒧᑦ ᐱᓕᕆᕝᕕᐅᕙᒃᑐᖅ ᐃᓄᓕᕆᔨᒃᑯᓐᓂᑦ ᑎᓕᓯᔾᔪᑕᐅᕗᖅ ᑭᒃᑯᑐᐃᓐᓇᕐᓄᑦ ᐃᓄᖕᓄᑦ ᐃᖅᑲᓇᐃᔮᓕᖑᑦ. ᑕᒪᓐᓇ ᐃᓚᓕᐅᔾᔨᒐᔪᒃᐳᖅ ᐱᓕᕆᐊᒃᓴᕐᓂᒃ ᐃᓄᖕᓂᑦ ᐊᑐᖅᑕᐅᔪᓐᓇᖅᑐᓂᒃ ᐃᑲᔫᑎᖃᖅᖢᓂᓗ ᐃᓕᓐᓇᕐᓂᒃᑯᑦ, ᐱᓕᒻᒪᒃᓴᕐᓂᒃᑯᑦ ᐅᕝᕙᓘᓃᑦ ᐃᖅᑲᓇᐃᔭᖃᑦᑕᕐᓂᒃᑯᑦ.

ᓇᖕᒥᓂᖅ ᐃᖅᑲᓇᐃᔭᕐᓂᕐᒧᑦ ᓇᓖᕌᕈᑎᑦᓴᖅ
ᐃᖅᑲᓇᐃᔭᙱᓪᓗᑎᑦᐊᒻᒪᓗ ᐃᓕᖕᓂᑦ ᓴᓈᖅᑖᖅᑎᑦᑐᒪᒍᕕᑦ ᓇᖕᒥᓂᖅᑖᓂᒃᑯᑦ, ᑖᓐᓇ ᓇᖕᒥᓂᖅ ᐱᓕᕆᐊᖃᖕᓂᒃᑰᒐᒃᓴᐃᑦ ᐃᑲᔪᕈᓐᓇᖅᐳᑦ. ᑖᓐᓇ ᑕᒪᐃᓐᓂᒃ ᐃᑲᔪᖃᑦᑕᕐᐳᑦ ᑮᓇᐅᔭᑎᒍᑦ ᓇᖕᒥᓂᖃᕋᓱᐊᖕᓂᒃᑯᓪᓗ ᐱᔪᓐᓇᖅᑐᓄᑦ. ᐃᑲᔪᖅᑕᐅᓃᒃ ᒪᑯᐊᖑᔪᓐᓇᖅᐳᑦ ᐃᖅᑲᓇᐃᔭᙱᑦᑐᖅᓯᐅᑎᑖᖃᑦᑕᖕᓂᖅ ᐱᒋᐊᕋᓱᒃᓗᒍ ᓇᖕᒥᓂᖁᑎᒃᓴᐃᑦ ᐊᒻᒪᓗᑦᑕᐅᖅ ᐸᐃᕆᔭᐅᔾᔪᑎᓂᒃ.

ᐃᓕᓐᓂᐊᕐᓂᖅ ᐊᒻᒪ ᐱᓕᒻᒪᒃᓴᓂᖅ

ᐅᑉᐱᕆᑦᓯᐊᕋᑦᑎᒍ ᐃᓕᓐᓂᐊᖅᑐᓕᕆᓂᖅ ᐱᓕᒻᒪᑦᓴᐃᓂᕐᓗ - ᐃᑲᔪᕐᓂᖃᕈᓐᓇᕐᖓᑦ ᓄᓇᕗᒻᒥᐅᓂᒃ ᐱᕈᖅᓴᒍᓐᓇᖁᓪᓗᒋᑦ ᖃᑭᕙᓪᓕᐊᒍᓐᓇᖁᓪᓗᒋᓪᓗ. ᑎᑎᕋᖅᓯᒪᔪᑦ ᐅᑯᐊ ᐱᓕᕆᔾᔪᑎᑦᓴᐅᔪᑦ ᑐᕌᕐᕕᒋᒍᓐᓇᖅᑕᑎᑦ ᓯᕗᒧᑦ, ᖃᓄᐃᑦᑐᑐᐃᓐᓇᕐᓄᑦ ᑐᕌᒐᕆᔭᕐᓄᑦ.

ᓱᕈᓯᓛᓄᑦ

ᐃᓕᓐᓂᐊᕐᕖᑦ ᒥᑦᓵᓄᑦ
ᑕᒪᓐᓇ ᑐᕌᕐᕕᒃ ᐃᓕᖕᓄᑦ ᑐᓂᓯᕗᖅ ᐅᖃᐅᓯᒃᓴᓂ ᐱᔾᔪᑎᓕᖕᓂ ᐃᓕᓐᓂᐊᕐᕕᐅᑉ ᐅᓪᓗᖅᓯᐅᑎᖏᓐᓂᒃ, ᖃᐅᔨᒋᐊᕐᕕᒃᓴᐃᑦ ᑐᕌᕈᑎᖏᓐᓂᒃ, ᐃᓚᐅᖃᑕᐅᓂᕐᒧᑦ ᑕᑕᑎᕆᓂᕐᒥᑦ ᐊᒻᒪᓗ ᐊᑐᓂ ᐃᓕᓐᓂᐊᕐᕕᓄᑦ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖏᓐᓂ.

ᐸᐃᕆᕕᓄᑦ ᐃᑲᔪᕈᑎᒃᓴᑦ
ᐸᐃᕆᕕᓄᑦ ᐃᑲᔪᕈᑎᒃᓴᑦ ᐊᑐᐃᓐᓇᐅᕗᖅ ᑐᓂᓯᓂᕐᒧᑦ ᐃᑲᔪᖅᓱᐃᓂᕐᒧᑦ ᐊᑦᑎᒃᑐᒥ-ᑮᓇᐅᔭᓕᐅᖅᐸᒃᑐᓄᑦ ᐃᓚᒌᓄᑦ ᓄᓇᖃᖅᑐᓂ ᓄᓇᕗᒻᒥ ᐃᑲᔪᕐᓂᕐᒧᑦ ᐸᐃᕆᔭᐅᓂᐅᔪᒥᑦ ᐱᔪᓐᓇᕐᓂᖅᓴᐅᓂᕐᒧᑦ ᐱᓇᓱᐊᖅᑎᓪᓗᒋᑦ ᐃᓕᓐᓂᐊᕐᓂᕐᒥᑦ ᐱᓕᒻᒪᒃᓴᓂᕐᒧᓪᓗ ᐱᕕᒃᓴᖃᕐᓂᐅᔪᓂᑦ ᐊᖏᕐᕋᐅᑉ ᓯᓚᑖᓂᑦ.

ᐃᓐᓇᕐᓄᑦ

ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ
ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ (PASS) ᐊᑐᖅᑕᐅᔪᓐᓇᖅᐳᖅ ᐃᓐᓇᕐᓄᑦ ᐃᓕᓐᓂᐊᖅᑎᓄᑦ ᓄᑖᖑᓪᓗᓂ ᐊᔾᔨᒋᓪᓗᓂᐅᒃ ᓄᓇᕗᒻᒥ ᐃᓕᓐᓂᐊᒃᑲᓐᓂᕈᒪᔪᓄᑦ ᐃᓕᓐᓂᐊᕋᔅᓴᖅ ᐃᓕᓴᕆᔭᐅᔾᔪᑎᑖᕐᓂᕐᒧᑦ (ᑕᐃᔭᐅᖃᑦᑕᖅᑐᖅ ᖁᑦᑎᓐᓂᓕᒻᒥᑦ 12 ᐃᓕᑕᕆᔭᐅᔾᔪᑎᑖᕐᓂᖅ) ᑕᐃᒃᑯᓄᖓ ᖁᑦᑎᓐᓂᓕᒃ 12-ᒥ ᐱᔭᕇᖅᓯᔪᓄᑦ.

ᑮᓇᐅᔭᑎᒍᑦ ᐃᑲᔪᖅᑕᐅᕙᖕᓂᖏᑦ
ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᑦ ᐋᖅᑭᒃᑕᐅᓯᒪᕗᑦ ᑮᓇᐅᔭᑦ ᐱᔾᔪᑕᐅᓗᑎᒃ ᑐᓗᖅᑕᕈᑕᐅᖁᙱᖦᖢᒋᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᖁᑦᑎᖕᓂᖅᓴᒥᒃ. ᐃᓕᓐᓂᐊᖅᑎᓄᑦ ᑐᕌᖓᕗᑦ ᐃᓕᓐᓂᐊᖃᑕᐅᔪᓄᑦ ᓇᓗᓇᐃᖅᑕᐅᓯᒪᔪᓂᒃ ᐊᖓᔪᒃᖠᕐᓄᑦ ᐃᓕᓐᓂᐊᕐᕕᖕᓄᑦ ᐊᒻᒪ ᐃᓕᓐᓂᐊᖅᑕᐅᕙᒃᑐᑐᖃᓄᑦ. ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᑲᔫᓯᐊᑦ ᒪᓂᒻᒪᐃᓲᖑᕗᑦ ᖃᔅᓯᑲᓪᓚᖕᓂᒃ ᐃᑲᔫᑎᒃᓴᓂᒃ ᑐᕌᖓᑎᑕᐅᔪᓂᒃ ᐃᑲᔫᑕᐅᔪᓐᓇᖁᓪᓗᒋᑦ ᐊᑭᓕᖅᓱᕆᐊᓕᖕᓄᑦ ᐊᔪᕐᓇᖅᑐᖅᓯᐅᓗᐊᖁᙱᖦᖢᒋᑦ ᐃᓕᓐᓂᐊᖅᑎᑦ. ᐳᐃᒍᖅᑕᐃᓕᒋᔅᓯ ᑖᔅᓱᑎᒎᓇᖅ ᐱᓕᕆᐊᒃᑯᑦ ᐃᓕᓐᓂᐊᕈᑎᓕᒫᕐᓄᑦ ᐊᑭᓖᔾᔪᑕᐅᔪᓐᓇᙱᓐᓂᖓᓂᒃ.

ᐃᓐᓇᕐᓄᑦ ᐃᓕᓐᓂᐊᒐᒃᓴᐃᑦ ᐱᓕᒻᒪᑦᓴᒍᑏᓪᓗ
ᑖᒃᑯᑎᒎᓇᖅ ᐱᓕᕆᔾᔪᓯᒃᑯᑦ ᐃᑲᔫᑎᒋᔪᓐᓇᖅᐸᓯ ᐊᔪᕈᓐᓃᖅᓴᖃᑕᐅᑎᓪᓗᓯ ᐃᓕᓐᓂᐊᒃᑲᓐᓂᕈᔅᓯᓘᓐᓃᑦ. ᑐᕌᖓᑎᑕᐅᓲᑦ ᐱᕚᓪᓕᕈᑕᐅᓇᓱᒃᖢᑎᒃ ᐃᖅᑲᓇᐃᔮᖅᑖᕆᔪᓐᓇᖅᑕᔅᓯᓐᓂᒃ ᐃᖅᑲᓇᐃᔮᖃᐃᓐᓇᓕᕐᓗᓯᓗ. ᐃᓐᓇᕐᓄᑦ ᐃᓕᓐᓂᐊᖅᑎᑦᑎᓂᕐᒧᑦ ᐊᔪᕈᓐᓃᖅᓴᐅᑎᓄᓪᓗ ᐃᑲᔫᑎᑦ ᐃᒪᓐᓇᐅᒐᔪᒃᖢᑎᒃ ᑮᓇᐅᔭᖃᖅᑎᑦᑎᕙᒃᖢᑎᒃ ᐊᔪᕈᓐᓃᓴᐅᑎᒃᓴᓄᑦ ᐊᕐᕌᒍᓕᒫᒨᖓᔪᒧᑦ, ᑐᖔᓄᓪᓘᓐᓃᑦ, ᑕᐃᒪᓐᓇ ᐊᑯᓂᐅᑎᒋᔪᓄᑦ ᐃᖅᑲᓇᐃᔮᖃᓕᕈᑕᐅᔪᓐᓇᕐᓗᑎᒡᓗ. ᐃᒪᓐᓇᐅᒐᔪᒃᖢᓂ, ᐊᔪᕈᓐᓃᖅᓴᖅᑐᑦ ᑮᓇᐅᔭᖃᖅᑎᑕᐅᔪᑦ ᑖᒃᑯᑎᒎᓇᖅ ᐱᓕᕆᐊᖅᑎᒍᑦ ᒪᕐᕈᐃᓕᖅᑲᖓᕗᖅ: ᐊᔪᕈᓐᓃᖅᓴᖅᑕᐅᓲᑦ ᐃᓱᓕᑕᐅᑎᓪᓗᒋᑦ ᐃᖅᑲᓇᐃᔮᖅᑖᕐᓇᖅᑐᑦ ᐃᖅᑲᓇᐃᔭᑐᐃᓐᓇᕆᐊᖃᓕᕐᓗᑎᒡᓘᓐᓃᑦ ᐅᕝᕙᓘᓐᓃᑦ ᐃᓕᓐᓂᐊᒃᑲᓐᓂᕐᓗᑎᒃ ᐊᔪᕈᓐᓃᖅᓴᖅᑎᑕᐅᒃᑲᓐᓂᕈᑎᓄᑦ.

ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑎᑕᐅᓂᖅ
ᐃᖅᑲᓇᐃᔭᖅᖢᑎᒃ ᐊᔪᕈᓐᓃᖅᓴᖅᑎᑕᐅᔪᑦ ᑮᓇᐅᔾᔭᒃᓵᓄᑦ ᐃᑲᔫᓯᐊᑦ ᐱᕐᔪᐊᖑᙱᑦᑐᓄᑦ ᓈᒻᒪᒃᑐᓄᓪᓗ ᐃᖅᑲᓇᐃᔭᕐᕕᒋᔭᐅᔪᑦ ᐃᑲᔫᑎᒃᓴᖏᓐᓂᒃ ᐃᖅᑲᓇᐃᔭᖅᑎᑖᖅᑐᖅᑎᓪᓗᒋᑦ ᐊᔪᕈᓐᓃᖅᓴᖅᑎᑦᑎᕙᒡᓗᑎᒡᓗ ᓴᓈᖃᙱᑦᑐᓂᒃ ᓴᓇᔭᕆᐅᖅᐸᓪᓕᐊᓕᓵᖅᑐᓂᒡᓘᓐᓃᑦ. ᐊᔪᕈᓐᓃᖅᓴᒐᒃᓴᑦ, 52-ᓄᑦ ᐱᓇᓱᐊᕈᓯᕐᓄᑦ ᐊᑯᓂᐅᑎᒋᔪᓐᓇᖅᑐᖅ, ᐃᖅᑲᓇᐃᔭᕐᕕᐅᔪᒥᒃ ᐱᓕᕆᐊᖑᔪᓐᓇᖅᑐᖅ, ᐃᓕᓐᓂᐊᕐᕕᖕᒥ ᐅᕝᕙᓘᓐᓃᑦ ᐊᔪᕈᓐᓃᖅᓴᖅᑎᑦᑎᔨᒧᑦ ᐅᕝᕙᓘᓐᓃᑦ ᑕᒪᐃᓐᓂᒃ. ᓂᕆᐅᒋᔭᐅᔪᖅ ᐃᖅᑲᓇᐃᔭᕐᕕᒋᔭᐅᔪᖅ ᓴᓇᔨᑖᕐᓗᓂ ᐊᔪᕈᓐᓃᖅᓴᕐᓂᐊᖅᑐᒥᒃ ᐊᔪᕈᓐᓃᖅᓴᕐᓇᖅ ᐊᓂᒍᖅᐸᓪᓕᐊᓕᖅᑎᓪᓗᒍ.

ᑲᓇᑕ-ᓄᓇᕗᑦ ᐃᖅᑲᓇᐃᔮᖃᖅᑎᑦᓯᓂᕐᒧᑦ ᑐᓂᔭᐅᔪᑦ
ᑎᑎᕋᖅᓯᒪᔪᖅ ᑲᓇᑕ-ᓄᓇᕗᒻᒥ ᐃᖅᑲᓇᐃᔮᑦ ᑐᓂᔭᐅᔪᑦ (CNJG), ᐱᔪᓐᓇᕐᓂᓖᑦ ᐃᖅᑲᓇᐃᔭᖅᑏᑦ ᐱᔪᓐᓇᖅᑐᑦ ᑮᓇᐅᔭᓂᑦ ᐃᑲᔫᑎᒃᓴᓄᑦ ᓄᑖᒥᒃ ᐱᐅᓂᖅᓴᒥᒡᓘᓐᓃᑦ ᐃᓂᓄᑦ ᐊᑐᐃᓐᓇᐅᔪᓄᑦ ᐱᓕᒻᒪᒃᓴᔪᓄᑦ ᐊᒻᒪᓗ ᑐᓂᓯᔪᓐᓇᕐᑐᓪᓗ ᑲᑎᖦᖢᒋᑦ ᐱᔪᓐᓇᕐᑐᓄᑦ ᐱᓕᒻᒪᒃᓴᓂᕐᒥᑦ ᐊᑭᖏᓐᓂ ᐊᑕᐅᓯᐅᑦᑕᕐᓗᒋᑦ ᓇᓃᓐᓂᖓᓂ ᐱᓕᒻᒪᒃᓴᖅᑐᒧᑦ. ᐊᖏᓛᖑᔪᖅ ᒐᕙᒪᒃᑯᓐᓄᑦ ᑐᓂᔭᐅᓲᖅ ᑐᓂᓯᓂᖅ $10,000 ᐊᑕᐅᓯᕐᒧᑦ ᐱᓕᒻᒪᒃᓴᖅᑐᒧᑦ.

ᓴᓇᔪᓕᕆᔨᐅᓂᕐᒧᑦ ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᓄᑦ ᐃᓕᑕᕆᔭᐅᔾᔪᓯᐊᖅ
ᐃᓄᓕᕆᔨᒃᑯᑦ ᓴᓇᔪᓕᕆᔨᒃᑯᕕᖓ ᐃᑲᔪᖅᓱᐃᔪᑦ ᐊᔪᖖᒋᑦᑐᓂᒃ ᐃᖅᑲᓇᐃᔭᖅᑎᓂᑦ Tᐊᒻᒪ ᓴᓇᔪᓕᕆᓂᕐᒥᑦ ᐱᕙᓪᓕᐊᑎᓪᓗᒋᑦ ᓴᓇᔪᓕᕆᔨᒻᒪᕆᖖᒍᕐᓂᕐᒧᑦ ᐱᖃᕐᓗᑎᒃ ᐱᖃᖖᒋᓪᓗᑎᒡᓘᓐᓃᑦ ᑲᓇᑕᒥ ᐊᕕᒃᑐᖅᓯᒪᔪᓪᓗ ᐊᐅᐸᖅᑐᒥᒃ ᓇᕿᕝᕕᒋᓯᒪᔪᒥᒃ ᐃᓕᑕᕆᔭᐅᔾᔪᓯᐊᖅ. ᓴᓇᔪᓕᕆᔨᐅᓂᕐᒧᑦ ᐱᓕᕆᕝᕕᖓ ᐃᓕᑕᕆᔭᐅᔾᔪᓯᐊᖅᑎᑦᑎᓲᖑᖕᒥᔪᑦ ᐱᔪᓐᓇᐅᑎᖃᖅᑐᓄᑦ ᓴᓇᔪᓕᕆᓂᕐᒧᑦ ᐃᖅᑲᓇᐃᔮᓂ. ᐱᓕᕆᕝᕕᒃ ᐊᐅᓚᑕᐅᔪᖅ ᐅᑯᓄᖓ ᓴᓇᔪᓕᕆᔨᐅᓂᕐᒧᑦ, ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᓄᑦ ᐃᓕᑕᕆᔭᐅᔾᔪᓯᐊᑦ ᐱᖁᔭᖓ ᐊᒻᒪᓗ ᐋᖅᑭᒃᓱᐃᕙᒃᖢᑎᒃ ᐊᑐᖅᖢᑎᒃ ᐱᖁᔭᐅᓯᒪᔪᓂᑦ ᓄᓇᕗᒻᒥ ᓴᓇᔪᓕᕆᔨᐅᓂᕐᒧᑦ, ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᓄᑦ ᐃᓕᑕᕆᔭᐅᔾᔪᓯᐊᕐᒥ ᑲᑎᒪᔨᖏᑦ.

ᖁᑦᑎᓂᖅᓴᓄᑦ ᐱᓕᕆᔪᓐᓇᕐᓂᕐᒧᑦ ᑮᓇᐅᔭᖃᖅᑎᑦᓯᒍᑎᑦ
ᓄᓇᕗᒥᐅᑕᐃᑦ ᐱᓕᑕᐅᖃᑦᑕᖅᑐᑐᑦ ᐊᑐᐊᒐᕆᔭᐅᔪᒥᒃ ᐋᕿᑦᑎᐊᖅᓯᒪᔪᓂᒃ, ᐃᓱᓕᖕᒥᑦ ᐃᓂᖃᖅᑐᑐ ᓯᓕᑦᑐᖅᓴᕐᕕᖕᒥᑦ ᐃᓕᓐᓂᐊᕋᓱᑯᑦ ᑲᓇᑕᐅᑉ ᐃᓕᓐᓂᐊᕐᕕᒡᔪᐊᖓᓂᑦ ᐃᓂᖃᖅᑎᑕᐅᑐᐃᓐᓇᕆᐊᖃᖅᐳᑦ ᐱᓕᕆᐊᖑᓂᐊᖅᑐᒥᒃ. ᐆᒃᑑᑏᑦ ᓂᕐᔪᑎᓄᑦ ᐃᖢᐊᖅᓴᐃᔨᑦᓴᓄᑦ ᐅᕝᕙᓘᓃᑦ ᐃᔨᓕᕆᔨᐅᓂᕐᒧᑦ.

ᐃᑲᔫᓯᐊᖅᑐᓕᕆᔨᒃᑯᑦ
ᐃᑲᔫᓯᐊᑐᓕᕆᔨᒃᑯᑦ ᐃᑲᔪᖃᑦᑕᖅᐳᑦ ᓄᓇᕘᒥ ᐃᓚᒌᖕᓂᑦ ᐃᓄᑑᔪᓂᓪᓗ ᐱᔭᕆᐊᖃᖅᑕᒥᒍᑦ ᖃᔅᓯᓂᒃ ᐱᔾᔪᑎᖃᖅᖢᑎᒃ, ᐱᒡᒐᖅᑐᓂᒃ, ᐋᓐᓂᐊᖅᑐᓂᒃ, ᑮᓇᐅᔭᓕᐅᕐᓂᑭᑦᑐᓂᒃ ᐅᕝᕙᓘᓃᑦ ᐃᖅᑲᓇᐃᔭᖏᑦᑐᓂᒃ ᓇᓖᑦ ᓇᖕᒥᓂᖅ ᐱᔪᓐᓇᖏᑦᑕᕌᖓᑕ.

ᐃᑲᔪᕈᑎᒃᓴᑦ ᓄᓇᖃᖅᑎᐅᔪᓄᑦ

ᓱᕈᓯᑦ

ᓄᓇᕗᒻᒥ ᓱᕈᓯᐊᕿᓄᑦ ᐃᑲᔫᑎ
ᓄᓇᕗᒻᒥ ᓄᑕᖅᑲᓄᑦ ᐃᑲᔫᑎᑦ (NUCB) ᒪᓂᒪᑎᑕᐅᕗᑦ ᑮᓇᐅᔾᔭᒃᓴᕐᓂᑭᑦᑐᓄᑦ ᐃᓚᒌᓄᑦ ᑕᖅᑭᑕᒫᖅᓯᐅᑕᐅᓪᓗᑎᒃ ᐱᕈᖅᓴᐃᓂᖏᓐᓄᑦ ᓄᑕᖅᑲᓂᑦ. ᓄᓇᕗᒻᒥ ᓄᑕᖅᑲᓄᑦ ᐃᑲᔫᑏᑦ ᐃᓗᐃᑦᑐᒥᒃ ᑮᓇᐅᔭᖃᖅᑎᑕᐅᕗᑦ ᓄᓇᕗᑦ ᒐᕙᒪᖏᓐᓂᑦ ᐊᒻᒪᓗ ᑲᒪᒋᔭᐅᕙᒃᖢᑎᒃ ᑲᓇᑕᒥᑦ ᐅᑎᖅᑐᒃᓴᓕᕆᔨᒃᑯᓐᓄᑦ.

ᐃᓐᓇᕐᓄᑦ

ᐃᓐᓇᖅᓯᐅᑎᑖᕆᔭᐅᕙᒃᑐᑦ
ᐃᓐᓇᖅᓯᐅᑎᑖᕆᔭᐅᕙᒃᑐᑦ (SCSB) ᑕᖅᑭᑕᒫᖅ ᐊᑭᓕᐅᑕᐅᕗᖅ $175.00ᖏᓐᓂᑦ ᑐᓐᓂᖅᑯᑕᐅᓲᑦ ᑮᓇᐅᔭᓕᐅᕐᓂᑭᑦᑐᑦ ᐃᓐᓇᕐᓄᑦ ᓄᓇᕗᒻᒥᑦ.

ᐃᓐᓇᕐᓄᑦ ᐅᖅᓱᐊᓗᒃᑖᕈᑎᒧᑦ ᐃᑲᔫᓯᐊᑦ
ᐃᓐᓇᕐᓄᑦ ᐃᒡᓗᒧᑦ ᐅᖅᓱᕐᒥᒃ ᐃᑲᔫᑏ ᐱᓕᕆᐊᖑᓲᖑᕗᖅ ᐊᑑᑎᖃᓲᖑᕗᖅ ᐊᑭᒃᖠᒋᐊᖅᑎᑦᑎᓯᒪᓪᓗᑎᒃ ᐅᖅᓱᖅᑖᕈᓐᓇᖁᓪᓗᒋᑦ ᐃᓐᓇᐃᑦ ᐃᒡᓗᒥᖕᓂᑦ ᓇᖕᒥᓕᓃᑦ. ᐃᓐᓇᐃᑦ ᐱᔪᓐᓇᖅᑐᑦ ᐅᑎᖅᑎᑦᑎᕕᐅᔪᓐᓇᑐᐃᓐᓇᕆᐊᖃᖅᐳᑦ ᐃᓱᖃᖅᑐᒥᒃ ᓇᐃᓴᐅᑎᒥᒃ ᓖᑕᔅᓂᒃ ᐅᖅᓱᐊᓗᖕᒥᑦ ᑐᖓᕕᖃᖅᖢᓂ ᑕᒪᑐᒥᖓ ᐱᓕᕆᐊᖑᔪᒥᒃ. ᐊᖏᓛᖑᔪᒥᒃ ᐃᑲᔫᑕᐅᓲᑦ ᐊᔾᔨᒌᖏᒻᒪᑕ ᓇᓃᓂᖓᓄᑦ ᐅᕝᕙᓘᓃᑦ ᓇᓂᕐᒥᐅᑕᐅᓂᖓᓄᑦ. ᐃᑲᔫᑎᐅᑉ ᐊᖏᓂᖓ 2,500-ᒥᑦ 3,175-ᒧᑦ ᓖᑕᔅᖑᕗᖅ ᐃᒍᓗᒧᑦ ᐅᖅᓱᖅᑖᕈᑎ. ᑮᐊᓄᔾᔭᒃᓴᕐᓂᖏᑦ ᖃᐅᔨᓴᖅᑕᐅᓚᐅᑎᓪᓗᒋᑦ ᖃᐅᔨᓇᔭᖅᐳᑦ ᐱᑎᑕᐅᔪᓐᓇᕐᒪᖔᑦ ᐱᖓᔪᒃᑑᑉ ᑮᓇᐅᔾᔭᒃᓴᓕᐊᖏᑦ ᑕᒪᑐᒧᖓ ᐱᓕᕆᐊᖑᔪᒧᑦ ᓈᐸᒃᐸᑕ.

ᐃᒡᓗᓕᕆᓂᖅ

ᐃᒡᓗᒥ ᓂᐅᕕᕈᒪᔪᓄᑦ ᐃᑲᔫᓯᐊᖑᕙᒃᑐᑦ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔫᓯᐊᓂᒃ ᐊᑐᐃᓐᓇᐅᑎᑦᑎᕙᒃᐳᑦ ᓄᓇᕗᒻᒥᐅᑦ ᐃᑲᔪᕈᒪᓪᓗᒋᑦ ᓇᖕᒥᓂᖃᖅᑎᓄᑦ ᐊᑭᓕᖅᓱᕆᐊᓕᖏᓐᓂᒃ ᐊᑭᓕᖅᓱᐃᔪᓐᓇᖅᑐᓂᒃ ᑲᒪᒋᔭᐅᑦᑎᐊᕐᓗᑎᒃ ᐃᒡᓗᒥᒃ ᓂᐅᕕᕈᒪᔪᑦ ᑮᓇᐅᔭᓕᕆᔾᔪᑎᓂᒃ CMHC-ᑯᓐᓄᑦ ᐊᖏᖅᑕᐅᓯᒪᔪᓄᑦ ᐊᑐᖅᑐᐊᖅᑎᓄᑦ.

ᐃᒡᓗᒥᓂ ᐋᖅᑭᒋᐊᕆᐊᓕᖕᓄᑦ, ᓄᑖᙳᕆᐊᖅᑕᐅᔭᕆᐊᓕᖕᓄᑦ, ᓴᓇᔭᐅᔭᕆᐊᓕᖕᓄᓪᓗ ᐱᓕᕆᐊᑦ
ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᑦ ᐃᑲᔫᓯᐊᖅᑖᖅᑎᑦᑎᕙᒃᐳᑦ ᓇᖕᒥᓂᖃᖅᑎᓂᒃ ᐃᓚᖏᓐᓄᑦ ᐊᑭᓕᕆᐊᓕᖕᓄᑦ ᐃᒡᓗᒥᓂᒃ ᓴᓇᔭᐅᔭᕆᐊᓕᖕᓄᑦ.

ᑎᑭᕋᑖᒥᓂᕐᓄᑦ

ᑐᙵᓱᒋᑦ ᓄᓇᕗᒻᒧᑦ! ᖁᕕᐊᑉᐳᒍᑦ ᓇᓗᓇᐃᔭᐃᓂᕐᒧᑦ ᐃᓗᐊᑦᑎᐊᖅᑐᒥ ᐃᓂᓪᓚᖕᓂᔅᓯᓐᓂ ᓄᓇᑦᑎᓐᓂ. ᑎᑎᕋᖅᓯᒪᔪᐃᑦ ᐊᑖᓂ ᐃᑲᔪᕈᑎᒃᓴᐅᕗᑦ ᐃᓕᖕᓂ ᐃᑲᔪᕐᓂᖃᕐᓂᐊᖅᑐᓂ ᐊᖏᔪᒥᑦ ᐃᓅᓯᕐᓄᑦ ᐊᓯᔾᔨᕐᓂᐅᓂᐊᖅᑐᒧᑦ:

ᐳᓚᕋᓐᓂᕐᒧᑦ / ᐊᐅᓪᓛᕐᓂᕐᒧᑦ

ᑲᒪᕐᔪᐊᕐᓂᐊᖅᐳᑎᑦ ᐊᖏᔪᐊᓗᖕᓂ, ᓄᓇᑦᑎᐊᕚᓗᖕᒥᑦ ᐃᒻᒪᑐᖄᓗᖕᓂ ᐊᑐᖅᑕᐅᕙᖕᓂᑯᓂ, ᐊᒃᑐᖅᑕᐅᓯᒪᙱᑦᑐᒥ ᓄᓇᐅᔪᓂᑦ ᐊᒻᒪᓗ ᐊᔾᔨᒌᙱᕈᓘᔭᖅᑐᓂ ᑲᒪᓇᖅᑐᓂ ᐆᒪᔪᖃᐅᕐᓂᖓᓂ ᐆᒪᖃᑎᒋᕙᒃᑕᑦᑎᓐᓂ. ᑕᑯᔭᖅᑐᕆᑦ ᑭᓱᓂᒃ ᓄᓇᕗᑦ ᐊᑐᐃᓐᓇᖃᕐᓂᖓᓂ, ᐃᓕᔅᓯᓐᓂ ᑐᙵᓵᕆᔪᒪᕗᒍᑦ!

ᑎᑎᕋᖅᓯᒪᔪᓂ ᐊᐅᓪᓛᕐᓂᕐᒧᑦ ᐃᑲᔪᕈᑎᒃᓴᓂᑦ, ᐅᕝᕙᓘᓐᓃᑦ ᓴᖅᑭᑎᑦᑎᓂᕐᒧᑦ ᖃᕋᓴᐅᔭᑎᒍᑦ ᐊᑭᖃᙱᑦᑐᒥ PDF-ᒥᑦ ᖃᐅᔨᒋᐊᕈᑎᒥᑦ, ᐅᐸᒍᒃ ᐱᓪᓚᕆᑦᑎᓐᓂ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓄᑦ ᓄᓇᕗᑦ ᐳᓚᕋᑦᑐᓕᕆᔨᒃᑯᑦ.