ᓇᖕᒥᓂᖃᖅᑎᐅᔪᑦ ᐊᒻᒪᓗ ᓄᑖᓂᒃ ᓇᖕᒥᓂᓕᖕᓄᑦ

ᓄᓇᕗᒻᒥ ᓇᒻᒥᓂᖃᖅᑎᐅᔪᓄᑦ ᑲᔪᖏᖅᓴᐃᒍᑎ
ᓄᓇᕗᒻᒥ ᓇᒻᒥᓂᖃᖅᑎᐅᔪᓄᑦ ᑲᔪᖏᖅᓴᐃᒍᑎ (NEI) ᐱᑎᑦᑎᓲᑦ $5000 ($2500 ᒪᕐᕈᐃᓕᖓᓪᓗᓂ) ᑮᓇᐅᔭᑎᒍᑦ ᐃᑲᔪᕐᓂᕐᒥᒃ ᓄᑖᓄᑦ ᓇᒻᒥᓂᖃᖅᑎᐅᔪᓄᑦ ᓄᓇᕗᒻᒥ. ᐊᑐᕐᓗᒍ ᐱᓕᕆᐊᒃᓴᖅ, ᐱᔪᓐᓇᐅᑎᖃᖅᑐᑦ ᐱᔨᑦᑎᕋᖅᑕᐅᔪᑦ ᐱᓲᑦ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᐅᖃᖃᑎᖃᖃᑦᑕᕐᓂᕐᒥᑦ ᑕᐃᑲᖖᒐᑦ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᑎᑎᕋᖅᑎᖏᓐᓂ (CDO) ᐊᒻᒪᓗ ᐱᓯᓂᓯᖃᕐᓂᕐᒧᑦ ᐱᒋᐊᕋᓱᖕᓂᕐᒥᒃ ᐃᑲᔪᕐᓂᖅ ᑕᐃᑲᖖᒐᑦ ᓇᓗᓇᕈᓐᓃᖅᑎᑦᑎᓂᕐᒥᒃ ᓇᖕᒥᓂᖅᑖᕐᐸᓪᓕᐊᓂᕐᒧᑦ ᐱᓕᕆᖃᑕᐅᔪᒧᑦ.

ᑐᕌᒐᖃᖅᑐᑎᒃ ᐱᓕᒻᒪᑦᓴᐃᓂᕐᒧᑦ ᐱᓕᕆᐊᖅ
ᑐᕌᒐᖃᖅᑐᑎᒃ ᐱᓕᒻᒪᑦᓴᐃᓂᕐᒧᑦ ᐱᓕᕆᐊᖅ (TTI)  ᑐᓂᓯᕙᒃᐳᖅ ᑮᓇᐅᔭᖃᖅᑎᑕᐅᓂᕐᒥᑦ ᑎᑭᓪᓗᒍ ᐊᕐᕌᒍᓕᒫᒧᑦ ᐊᑯᓂᐅᓂᐅᔪᒥᑦ ᐱᔪᓐᓇᖅᑐᓄᑦ ᐃᖅᑲᓇᐃᔭᖅᑎᖃᖅᑐᓄᑦ, ᐃᓕᓐᓂᐊᕐᕕᓄᑦ ᐃᓕᓐᓂᐊᖅᑎᑦᑎᓂᖃᖅᑐᓄᓪᓗ ᐱᔪᓐᓇᖅᑎᑦᑎᓂᕐᒧᑦ ᓄᓇᕗᒻᒥ-ᑐᙵᕕᓕᖕᓂ ᐃᓕᓐᓂᐊᕐᓂᐅᔪᓂ/ᐅᕝᕙᓘᓐᓃᑦ ᐱᓕᒻᒪᒃᓴᓂᕐᒧᑦ ᐃᖅᑲᓇᐃᔮᖑᔪᓄᑦ ᐅᕝᕙᓘᓐᓃᑦ ᐊᔪᙱᓐᓂᐅᔪᓄᑦ ᐃᒪᐃᑦᑐᓄᑦ ᐅᕝᕙᓘᓐᓃᑦ ᐱᔭᐅᔪᒪᓂᐊᖅᑐᓂᑦ ᕿᓚᒻᒥᐅᔪᒃᑯᑦ ᓯᕗᓂᒃᓴᒧᑦ.

ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᑐᑭᓯᒋᐊᕈᑎᑦ
ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ ᑮᓇᐅᔭᓄᑦ ᐊᖏᕈᑏᑦ ᑲᓇᑕᒥ ᒐᕙᒪᖓᓐᓄᑦ (GoC) ᐃᑲᔪᖅᓱᐃᓂᕐᒧᑦ ᑎᑎᕋᕐᕕᒃ ᐃᖅᑲᓇᐃᔮᒃᓴᐃᑦ ᐊᑐᐃᓇᐅᓂᖏᓐᓄᑦ ᐃᓕᓐᓂᐊᒐᒃᓴᓂ ᐱᔨᑦᑎᕋᕈᑎᓂᒡᓗ ᑐᓂᔭᐅᓲᑦ ᓄᓇᕗᒻᒥ. ᑖᒃᑯᐊ ᐊᖏᕈᑏᑦ ᐱᑎᑦᑎᓇᓱᓲᑦ ᐅᓄᕐᐸᑕ ᓄᓇᕗᒻᒥᐅᑦ ᐊᔪᕐᓇᕋᔭᖖᒋᑦᑐᖅ ᓄᓇᕗᒻᒥ ᒐᕙᒪᖓᑦ ᑮᓇᐅᔭᖃᖅᑎᑦᑎᓂᕐᒥᒃ ᐃᓄᑑᓗᑎᒃ ᐱᔪᓐᓇᕐᓗᑎᒃ ᐱᓕᒻᒪᒃᓴᐃᓂᕐᒥᒃ ᐃᓕᓐᓂᐊᖅᑎᑦᑎᓂᕐᒥᒡᓗ, ᐱᐅᓯᑎᒋᐊᕐᓗᓂᔾᔪᒃ ᐃᖅᑲᓇᐃᔮᒥᓄᑦ ᑐᕌᒐᑎᒃ ᐊᒻᒪᓗ ᑐᓗᕈᑎᒃᓴᐃᑦ ᐊᓂᒍᕐᓗᒋᑦ ᐃᓚᐅᖃᑕᐅᓂᒃᑯᑦ ᐃᖅᑲᓇᐃᔮᒃᓴᐃᑦ ᐊᑐᐃᓐᓇᐅᓂᖏᓐᓄᑦ.

ᑲᓇᑕ-ᓄᓇᕗᑦ ᐃᖅᑲᓇᐃᔭᖅᑎᑦᓯᓂᕐᒧᑦᑦ ᑮᓇᐅᔭᐃᑦ
ᑎᑎᕋᖅᓯᒪᔪᖅ ᑲᓇᑕ-ᓄᓇᕗᒻᒥ ᐃᖅᑲᓇᐃᔭᖅᑎᑦᓯᓂᕐᒧᑦ ᑮᓇᐅᔭᐃᑦᑦ (CNJG), ᐱᔪᓐᓇᕐᓂᓖᑦ ᐃᖅᑲᓇᐃᔭᖅᑏᑦ ᐱᔪᓐᓇᖅᑐᑦ ᑮᓇᐅᔭᓂᑦ ᐃᑲᔫᑎᒃᓴᓄᑦ ᓄᑖᒥᒃ ᐱᐅᓂᖅᓴᒥᒡᓘᓐᓃᑦ ᐃᓂᓄᑦ ᐊᑐᐃᓐᓇᐅᔪᓄᑦ ᐱᓕᒻᒪᒃᓴᔪᓄᑦ ᐊᒻᒪᓗ ᑐᓂᓯᔪᓐᓇᕐᑐᓪᓗ ᑲᑎᖦᖢᒋᑦ ᐱᔪᓐᓇᕐᑐᓄᑦ ᐱᓕᒻᒪᒃᓴᓂᕐᒥᑦ ᐊᑭᖏᓐᓂ ᐊᑕᐅᓯᐅᑦᑕᕐᓗᒋᑦ ᓇᓃᓐᓂᖓᓂ ᐱᓕᒻᒪᒃᓴᖅᑐᒧᑦ. ᐊᖏᓛᖑᔪᖅ ᒐᕙᒪᒃᑯᓐᓄᑦ ᑐᓂᔭᐅᓲᖅ ᑐᓂᓯᓂᖅ $10,000 ᐊᑕᐅᓯᕐᒧᑦ ᐱᓕᒻᒪᒃᓴᖅᑐᒧᑦ.