ᑲᒪᒋᔭᖃᕋᓱᒃᖢᓂ ᓄᓇᕘᑉ ᐃᓗᐊᓂ

ᓇᖕᒥᓂᖃᕐᓂᕐᒧᑦ ᐱᕕᒃᓴᐃᑦ

ᓄᓇᕗᑦ ᓴᖅᑭᑉᐸᓪᓕᐊᔪᒥᒃ ᑮᓇᐅᔭᓕᐅᕐᓂᖃᖅᐸᓪᓕᐊᕗᖅ ᑕᓐᓇᓗ ᐊᖏᒡᕙᓪᓕᐊᕝᕕᖃᕈᓐᓇᑦᑎᐊᖅᖢᓂ ᒪᐅᖓᑦᑎᐊᖅ ᐊᕗᖓᑲᓪᓛᕐᔪᒡᓗ ᐱᓪᓗᐊᑕᕐᓄᑦ ᑮᓇᐅᔭᓕᐅᕋᓱᖕᓂᕐᒧᑦ ᐃᓂᖁᑎᖃᖅᖢᓂ, ᒪᑯᐊ ᐃᓚᒋᔭᐅᓪᓗᑎᒃ, ᐊᑐᖅᑕᐅᔪᓐᓇᖅᑐᓂᒃ ᐱᕙᓪᓕᐊᑎᑦᑎᓂᖅ, ᐃᒡᓗᓕᐅᕐᓂᖅ, ᐃᖃᓗᓕᕆᓂᖅ, ᓴᓇᓗᒃᑕᐅᕙᒃᑐᓄᑦ ᐳᓚᕋᖅᑐᓕᕆᓂᕐᒧᓪᓗ.

ᓄᓇᕗᑦ ᒪᑐᐃᙶᓕᖅᐳᖅ ᐱᓕᕆᕝᕕᐅᖃᑦᑕᕈᓐᓇᓕᖅᖢᓂ, ᒐᕙᒪᒃᑯᓪᓗ ᐃᑲᔪᖅᑐᐃᕗᑦ ᑲᒪᒋᔭᖃᑦᑎᐊᕐᓗᓂ ᑮᓇᐅᔭᓕᐅᕋᓱᖕᓂᕐᒧᑦ ᐱᕙᓪᓕᐊᓂᐅᓇᔭᖅᑐᒥᒃ ᓴᖅᑭᑎᑦᑎᓇᔭᖅᑐᒥᒃ ᑐᑭᓕᖕᓂᒃ ᐱᕚᓪᓕᕈᑕᐅᓇᔭᖅᑐᓂᒃ ᐃᓄᖕᓄᑦ ᓄᓇᕘᒥᐅᓄᑦ. ᑮᓇᐅᔭᓂᒃ ᐃᓕᓯᒍᕕᑦ ᓄᓇᕗᒻᒧᑦ, ᑕᒪᓐᓇ ᑮᓇᐅᔭᖅ ᑲᔪᓯᑎᑦᑎᑐᐃᓐᓇᖅᐸᙱᓚᖅ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᖑᔪᒥᒃ ᑕᒫᓂ ᐊᕕᒃᓯᒪᓂᕆᔭᐅᔪᒥ ᐅᑭᐅᖅᑕᖅᑐᒥ, ᑭᓯᐊᓂᑦᑕᐅᖅ ᑲᔪᓯᑎᑦᑎᕙᒃᑭᕗᖅ ᑮᓇᐅᔭᓕᐅᕋᓱᖕᓂᕐᒧᑦ ᐱᓕᕆᐊᖑᔪᒥᒃ ᐃᖅᑲᓇᐃᔮᒥᒡᓗ ᓴᖅᑭᑎᑦᑎᓂᕐᒥᒃ ᑕᒪᒃᑯᓄᖓ ᓄᓇᕘᒥ ᓄᓇᖃᙱᑦᑐᓄᑦ.

ᐊᑖᓂ ᑕᑯᓂᐊᖅᐳᑎᑦ ᖃᔅᓯᑲᓪᓚᖕᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓕᖕᓂᒃ ᐃᑲᔪᕈᑕᐅᓇᔭᖅᑐᓂᒃ ᐋᖅᑭᒃᓯᒪᓕᖅᑎᑕᕐᓄᑦ ᑮᓇᐅᔭᓂᒃ ᐊᑐᕐᓂᐊᖅᖢᑎᑦ, ᐱᓕᕆᕝᕕᖃᕐᓂᐊᕐᓗᑎᓪᓘᓐᓃᑦ ᓄᓇᕘᒥ:

ᓄᓇᒥᐅᑕᕐᓄᑦ ᐊᑐᖅᑕᐅᔪᓐᓇᓕᖅᐸᒃᑐᓄᑦ

ᐊᑐᖅᑕᐅᓕᑐᐃᓐᓇᕆᐊᖃᕐᓂᖓ ᓄᓇᕘᑉ ᓂᐅᕐᕈᑕᐅᔪᓐᓇᖅᑐᓄᑦ ᓂᐅᕐᕈᑎᖃᕈᓐᓇᕐᓂᕆᔭᖓ ᐊᖏᔪᒻᒪᕆᐊᓘᕗᖅ ᑕᒪᓐᓇᓗ ᐱᓕᕆᕝᕕᒋᔭᐅᕙᒃᑐᖅ ᐊᑐᖅᖢᓂ ᐊᖏᓂᕆᔭᖓᓂᒃ ᐊᕕᒃᓯᒪᓂᕆᔭᐅᔫᑉ ᑮᓇᐅᔭᓕᐅᕋᓱᖕᓂᕐᒧᑦ ᐱᕈᕐᓂᕆᔪᓐᓇᖅᑕᖓ. ᓄᓇᕗᑦ ᐱᖃᓛᖑᖃᑕᐅᔪᖅ ᐱᔭᐅᔪᓐᓇᑐᐃᓐᓇᕆᐊᓕᖕᓂᒃ ᐱᐅᔪᒻᒪᕆᖕᓂᒃ ᓴᕕᕋᔭᒃᓴᓂᒃ ᐅᖅᓱᐊᓗᖕᒥᒡᓗ ᒑᓴᓖᓐᒥᒡᓗ ᑕᒫᓂ ᓄᓇᒋᔭᐅᔪᒥ.

1999-ᖑᓚᐅᕐᓂᖓᓂᑦ ᓄᓇᒥ ᐊᑐᖅᑕᐅᔪᓐᓇᖅᑐᓂᒃ ᕿᓂᕐᓂᕆᔭᐅᔪᕐᒧᑦ ᑮᓇᐅᔭᖃᖅᑎᑦᑎᕙᖕᓂᖅ ᐊᖏᒡᓕᒋᐊᖅᓯᒪᓕᖅᐳᖅ ᑕᓪᓕᒪᐃᖅᓱᓪᓗᐊᖅᖢᓂ ᓄᓇᕗᓪᓗ ᒫᓐᓇ ᐅᑭᐅᖅᑕᖅᑐᒥ ᓯᕗᓕᖅᑎᐅᓕᖅᖢᓂ ᕿᓂᕐᓂᕐᒧᑦ ᑮᓇᐅᔭᓂᒃ ᐱᑎᑦᑎᕙᖕᓂᕐᒥᒃ. ᑕᐃᒪᐃᓐᓂᖓᓄᑦ ᑮᓇᐅᔭᖃᖅᑎᑦᑎᕙᒃᑐᑦ ᑕᒪᑐᒥᖓ ᐃᓱᒪᒋᔭᖃᖃᑦᑕᕐᓂᖏᓐᓄᑦ, ᐱᓯᒪᓕᖅᐳᒍᑦ ᓯᕗᓪᓕᖅᐹᑦᑎᐊᒥᒃ ᐊᐅᓚᔪᒥᒃ ᐅᔭᕋᖕᓄᑦ ᑎᓯᔪᓄᑦ ᐅᔭᕋᖕᓂᐊᕐᕕᖕᒥᒃ ᒪᕐᕉᖕᓂᒡᓗ ᒎᓗᒧᑦ ᐱᓕᕆᐊᖑᔪᖃᖅᖢᓂ ᐱᔪᓐᓇᐅᑎᑖᕋᓱᖕᓂᕐᒦᓕᖅᖢᑎᒃ. ᑕᑯᖃᑦᑕᓕᕐᒥᔪᒍᑦᑕᐅᖅ ᐊᖏᒡᓕᕙᓪᓕᐊᔪᒥᒃ ᐃᓱᒪᒋᔭᐅᕙᓪᓕᐊᔪᒥᒃ ᖃᐅᔨᒪᔭᑦᑎᓐᓂ ᐱᑕᖃᕐᓂᒥᕐᓂ ᒪᑯᓄᖓ, uranium, silver, nickel, ᑲᓐᓄᔭᖅ, ᓴᕕᕋᔭᒃᓴᖅ ᑕᖅᓴᓕᖕᓄᓪᓗ ᐅᔭᕋᑦᑎᐊᕙᖕᓄᑦ.

ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᐲᔭᐃᕝᕕᐅᓚᐅᕋᑎᒃ ᑕᒫᓂ ᓴᓇᔭᐅᕙᖕᓂᖅ ᓂᕆᐅᒋᔭᐅᕗᖅ ᐅᖓᕙᕆᐊᒃᑲᓐᓂᕋᔭᕐᓂᖓᓂᒃ 6.8%-ᒥᒃ ᖃᔅᓯᑲᓪᓚᖕᓂᒃ ᐱᓕᕆᐊᒃᓴᓂᒃ ᐱᓕᕆᔪᖃᖅᐸᓪᓕᐊᓪᓗᓂ.

ᓄᓇᕘᒥᐅᑦ ᓄᓇᒥᐅᑕᓄᑦ ᕿᓂᕐᓂᕐᒧᑦ ᐅᔭᕋᖕᓂᐊᕐᓂᕐᒧᓪᓗ ᖃᓄᐃᓕᐅᖅᑕᐅᕙᓪᓕᐊᓇᔭᖅᑐᑦ

ᐅᖅᓱᐊᓗᖕᒧᑦ

ᑕᒪᕐᒥᑦᑎᐊᖅ ᐱᖓᓱᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᑦ ᑕᐅᑐᒐᖃᓪᓗᐊᑕᖅᐳᑦ ᐅᖃᖃᑎᖃᕋᔭᕐᓂᕐᒥᒃ ᑲᒪᒋᔭᖃᑦᑎᐊᕐᓗᓂ ᐅᖅᓱᐊᓗᒃᓯᐅᖅᑐᖃᕋᔭᕐᓂᖓᓂᒃ.

ᓄᓇᕘᒥ, ᐱᓗᐊᖅᑎᑦᑎᙱᑦᑐᑦ ᖃᔅᓯᐅᓇᓱᒋᓐᓈᓃᑦ ᑕᑯᑎᑦᑎᓯᒪᕗᑦ ᑕᒪᓐᓇ ᐊᕕᒃᓯᒪᓂᕆᔭᐅᔪᖅ ᐱᓯᒪᓂᖓᓂᒃ ᐊᒡᒍᖅᑕᐅᒍᓂ ᐱᖓᔪᐊᓂᒃ ᑲᓇᑕᒥᐅᑦ ᑲᑎᖦᖢᒋᑦ ᐅᖅᓱᐊᓗᖕᒧᑦ ᐊᑐᖅᑕᐅᔪᓐᓇᖅᑐᖁᑎᖃᖅᖢᑎᒃ. ᓄᓇᕘᑉ ᖃᐅᔨᔭᐅᓯᒪᙱᑦᑐᑦ ᓱᓕ ᐊᑐᖅᑕᐅᔪᓐᓇᖅᑐᖁᑎᖏᑦ ᐃᒪᓐᓇ ᐊᖏᓂᖃᖅᑎᒋᕗᑦ, 25-ᓂ 267-ᓄᑦ ᐱᓕᐊᓄᑦ ᖃᑦᑕᐅᔭᕐᔪᐊᓄᑦ ᐅᖅᓱᐊᓗᖃᖅᖢᑎᒃ, ᐊᒻᒪᓗ 285-ᓂᑦ 1228-ᓄᑦ ᑐᕆᓕᐊᓂᒃ ᑭᑉᐹᕆᒃᓯᓕᖅᓯᒪᔪᓂᒃ ᐃᓯᒐᓂᒃ ᒑᓯᖃᖅᖢᑎᒃ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐱᓯᒪᕗᒍᑦ 15 ᐳᓴᖓᓄᑦ ᑎᑭᖦᖢᒍ ᑲᓇᑕᒥᐅᑦ ᑲᑎᖦᖢᒋᑦ ᐅᖅᓱᐊᓗᖁᑎᖃᖅᐳᑦ ᓱᓕ ᐱᔭᐅᓯᒪᙱᑦᑐᓂᒃ.

ᐃᒡᓗᓕᐅᕐᓂᖅ

2011-ᖑᓚᐅᕐᓂᖓᓂᑦ, ᓄᓇᕗᑦ ᐊᑐᖅᓯᒪᕗᖅ ᓱᒃᑲᓕᔪᒻᒪᕆᖕᒥᒃ ᐊᖏᒡᓕᕙᓪᓕᐊᓂᕆᔭᐅᔪᒥᒃ ᐃᒡᓗᓕᐅᖅᐸᖕᓂᕆᔭᐅᔪᒥ ᑕᒪᓐᓇᓗ ᑲᔪᓯᑎᑕᐅᒻᒪᕆᒃᖢᓂ ᐅᔭᕋᖕᓂᐊᕐᓂᕐᒧᑦ ᐱᓕᕆᐊᖑᔪᓄᑦ. ᑲᑎᒪᖃᑎᒌᒃᒐᒃᑐᑦ ᑲᓇᑕᒥᐅᓄᑦ ᐃᒪᓐᓇᐅᓂᐊᕋᓱᒋᓐᓈᓚᐅᖅᐳᑦ, 34.5%-ᒥᒃ ᐊᖏᒡᓕᒋᐊᕐᓂᐊᕋᓱᒋᓪᓗᒍ ᐃᒡᓗᓕᐅᕐᓂᕐᒧᑦ ᐱᓕᕆᓂᕆᔭᐅᕙᒃᑐᑦ 2014-ᒧᑦ.

ᒪᓕᒃᑕᐅᕙᓪᓕᐊᕙᒃᑐᑦ ᓴᓇᓂᐊᕐᓗᓂ ᐊᑐᖅᑕᐅᕙᒃᑐᓂᒃ ᐅᑭᐅᖅᑕᖅᑐᒥ

ᐃᖃᓗᓕᕆᓂᕐᒧᑦ

ᐅᔾᔨᕐᓇᖅᑐᒻᒪᕆᖕᒥᒃ ᐱᕈᖅᐸᓪᓕᐊᓂᖃᖅᓯᒪᕗᖅ ᓄᓇᕘᑉ ᐃᖃᓗᒐᓱᒃᐸᖕᓂᕐᒧᑦ ᐱᓕᕆᓂᕆᕙᒃᑕᖓ. ᑕᐃᔅᓱᒪᓂ $1 ᒥᓕᐊᓐᑖᓚᑐᖅᑐᖅ ᐱᓕᕆᐊᖑᓯᒋᐊᓚᐅᖅᓯᒪᔪᖅ ᐊᖏᒡᓕᒋᐊᖅᓯᒪᓕᖅᐳᖅ $123 -ᒥᐊᓐᑖᓚᑐᖅᖢᓂ ᑮᓇᐅᔭᓕᐅᕐᕕᐅᕙᓕᖅᖢᓂ. ᓄᓇᕗᑦ ᐱᓚᐅᖅᐳᖅ ᐅᓄᖅᓯᒋᐊᕐᓂᕆᔭᐅᔪᒥᒃ ᓇᑖᕐᓇᓄᑦ ᐱᔪᓐᓇᖃᑦᑕᖅᑕᒥᓂᒃ, ᑕᒪᓐᓇᓗ ᐃᓚᒋᐊᕐᓯᒃᑲᓐᓂᖅᐸᒃᖢᓂ $10.5 ᒥᓕᐊᓂᒃ ᑮᓇᐅᔭᓕᐊᖑᔪᓄᑦ ᐊᕐᕌᒍᑕᒫᑦ.

ᓄᓇᕗᑦ ᐃᓕᓯᕗᖅ ᐱᓇᔪᒃᑲᓐᓂᕐᓂᕆᔭᐅᔪᓂᒃ ᐋᖅᑭᒃᓯᒪᓕᖅᑎᑦᑎᓂᐊᕐᓗᓂ ᓯᒡᔭᖅᐸᓯᒃᑐᓂ ᐃᖃᓗᒐᓱᖕᓂᕆᔭᐅᕙᒃᑐᓂᒃ ᓇᑖᕐᓇᓂᒃ ᑕᕆᐅᕐᒥᐅᑕᓂᒡᓗ. ᓂᐅᕕᖅᑕᐅᔪᒪᕙᖕᓂᖏᑦ ᑕᕆᐅᕐᒥᐅᑕᐃᑦ ᖄᖏᐅᑎᓯᒪᕗᖅ ᒫᓐᓇ ᑮᓇᐅᔭᓕᐅᕋᓱᖕᓂᕐᒧᑦ ᐱᔭᐅᔪᓐᓇᖅᐸᒃᑐᓂᒃ. ᓄᓇᕗᑦ ᐊᑐᕈᓐᓇᖅᑕᖃᖅᐳᖅ 78%-ᐸᓗᖕᓂᒃ ᒪᓂᒪᑎᑕᐅᔫᑉ ᓇᑖᕐᓇᓄᑦ ᖃᔅᓯᕌᕈᓐᓇᕐᓂᕆᔭᐅᔫᑉ ᓄᓇᕘᑉ ᖃᓂᒋᔭᖏᓐᓂ ᐃᒪᕐᓂ ᐱᓇᔪᒡᕕᖃᐃᓐᓇᖅᖢᑎᒡᓗ ᑲᓇᑕᒥᐅᓂᒃ ᐅᓄᖅᓯᒋᐊᖁᓪᓗᒍ ᑕᒪᓐᓇ ᐊᑐᖅᓯᔪᓐᓇᕐᓂᖅ.

ᑲᓇᑕᐅᑉ ᒐᕙᒪᖓᑦᑕᐅᖅ ᐱᓕᕆᐊᖃᓪᓚᕆᒍᒪᓯᒪᕗᖅ ᓴᓇᔪᒪᓂᕐᒥᒃ ᐃᒫᒎᓲᓄᑦ ᐊᑐᖅᑕᐅᖃᑦᑕᕋᔭᖅᑐᓂᒃ ᐃᖃᓗᖕᓂ ᒥᑭᑦᑐᓄᓪᓗ ᐃᒫᒎᓲᓄᑦ ᐅᖅᑯᐃᕝᕕᖕᒥᒃ ᒥᑦᑎᒪᑕᓕᖕᒥ, ᑕᒪᓐᓇᓗ ᐱᕚᓪᓕᕈᑕᐅᓪᓚᕆᒃᑲᔭᖅᖢᓂ ᐃᖃᓗᒐᓱᖕᓂᕐᒧᑦ ᐱᓕᕆᓂᕆᔭᐅᕙᒃᑐᒧᑦ.

ᖁᙱᐊᖅᑎᑦᑎᕙᖕᓂᕐᒧᑦ ᓴᓇᓗᒃᐸᖕᓂᕐᒧᓪᓗ

ᖁᙱᐊᖅᑎᑦᑎᕙᖕᓂᕐᒧᑦ ᓴᓇᓗᒃᐸᖕᓂᕐᒧᓪᓗ ᐱᓕᕆᓂᕆᔭᐅᕙᒃᑐᖅ ᓴᖅᑭᑎᑦᑎᕙᒃᐳᖅ $33 ᒥᓕᐊᓂᑦ ᐊᕐᕌᒍᑕᒫᑦ ᑮᓇᐅᔭᓂᒃ ᐱᑎᑦᑎᕙᒃᖢᓂ. ᐃᒪᓐᓇᐸᓘᓇᓱᒋᔭᐅᕗᖅ, 3000 ᓄᓇᕘᒥᐅᑦ ᑮᓇᐅᔭᓕᐅᖅᐸᖕᓂᖏᓐᓂᒃ ᓂᐅᕐᕈᑎᖃᖅᐸᒃᖢᑎᒃ ᓴᓇᙳᐊᖅᓯᒪᔭᒥᓂᒃ. ᒥᑭᑦᑐᑯᓘᒐᓗᐊᒥᒃ ᐊᒻᒧᒋᐊᖅᓯᒪᓕᖅᑎᓪᓗᒍ ᓂᐅᕐᕈᑕᐅᕙᖕᓂᖏᑦ ᐃᓄᐃᑦ ᓴᓇᙳᐊᖅᐸᒃᑕᑐᖃᖏᑦ, ᐊᖏᒡᓕᒋᐊᖅᓯᒪᔪᖅᑕᖃᖅᐳᖅ ᖃᔅᓯᐅᓂᕆᔭᖏᓐᓂ ᒪᒃᑯᖕᓂᖅᓴᐃᑦ ᑕᑯᒃᓴᐅᑎᑦᑎᕙᒃᑐᑦ ᐅᓪᓗᒥᓯᐅᑕᐅᓂᖅᓴᓂᒃ ᓴᓇᔭᐅᓯᒪᔪᓂᒃ, ᑕᐃᒪᐃᓕᐅᕐᓂᕐᒥᓂᓗ ᕿᓂᕐᓗᑎᒃ ᓄᑖᖑᓂᖅᓴᓂᒃ ᐊᑐᖅᑕᐅᖃᑦᑕᕈᓐᓇᖅᑐᓂᒃ ᐃᓚᒋᔭᐅᓗᑎᒃ ᑕᕐᕆᔭᐅᓯᐅᕐᓂᖅ, ᕿᓪᓕᖅᑐᒃᑰᖓᔪᓂᒃ ᓴᓇᔭᐅᓯᒪᔪᓂᒃ, ᓂᔾᔭᐅᓯᔭᕐᓂᕐᒥᒡᓗ ᐃᙱᕐᓂᕐᒥᒃ.

A ᐱᓕᕆᐊᖑᔪᒃᓴᐃᑦ ᐱᕈᖅᐸᓪᓕᐊᑎᑦᑎᓂᐊᕐᓗᓂ ᓄᓇᕘᒥᐅᑉ ᖁᙱᐊᖅᑎᑦᑎᕙᖕᓂᕐᒧᑦ ᓴᓇᓗᒃᐸᖕᓂᕐᒧᓪᓗ ᐱᓕᕆᓂᕆᕙᒃᑕᖓᓄᑦ

ᐳᓚᕋᖅᑐᓕᕆᓂᖅ

ᐳᓚᕋᖅᑐᓕᕆᓂᕐᒧᑦ ᐱᓕᕆᓂᕆᔭᐅᕙᒃᑐᖅ ᐅᑯᓂᖓ ᑕᒪᐃᓐᓂᒃ ᐃᓚᖃᖅᐳᖅ, ᐃᓕᖅᑯᓯᑐᖃᒃᑯᑦ ᐳᓚᕋᖅᑐᓕᕆᓂᖅ ᓄᓇᒥᒡᓗ-ᑕᑯᔭᖅᑐᑐᐃᓐᓇᕐᓗᓂ-ᐳᓚᕋᖅᑐᓕᕆᓂᖅ, ᑕᒪᓐᓇᓗ ᖁᕕᐊᓱᒍᑎᒋᔭᐅᓪᓗᓂ ᑭᓱᑐᐃᓐᓇᓄᑦ ᓄᓇᕘᒥᒃ ᐊᔾᔨᖃᖅᑎᑦᑎᙱᑦᑐᓄᑦ – ᐱᐅᓂᕆᔭᖏᓐᓂᒃ ᐊᔾᔨᒌᙱᑦᑑᓂᕆᔭᖏᓐᓂᒡᓗ ᓄᓇᒋᔭᕗᑦ, ᖃᓄᖅ ᐊᖏᓂᖃᖅᑎᒋᓂᖓᓄᑦ ᐊᑐᖅᐸᒃᑕᑐᖃᕕᓂᖅᐳᑦ ᐃᓕᖅᑯᓯᕗᓪᓗ, ᑐᙵᓇᕐᓂᖏᓐᓄᓪᓗ ᐃᓄᒋᔭᕗᑦ.

ᒫᓐᓇᒃᑯᑦ, ᐅᖃᖃᑎᖃᖅᑐᖃᒻᒪᕆᑲᑕᒃᑐᖃᖅᐳᖅ ᕿᒥᕐᕈᐊᒃᑲᓐᓂᕈᒪᓪᓗᒍ ᓄᓇᕘᒥ ᐳᓚᕋᖅᑐᓕᕆᓂᕐᒧᑦ ᐱᖁᔭᕆᔭᐅᔪᒥᒃ. ᑕᒪᓐᓇ ᐱᓕᕆᕝᕕᒋᔭᐅᕙᒃᑐᖅ ᒥᑭᑉᐳᖅ ᑭᓯᐊᓂ ᐱᕈᖅᐸᓪᓕᐊᓪᓗᓂ.

ᑐᙵᓴᐃᔨ: ᐳᓚᕋᖅᑐᓕᕆᓂᕐᒧᑦ ᖃᓄᐃᓕᐅᖅᑕᐅᕙᓪᓕᐊᔪᒪᔪᑦ ᓄᓇᕘᒥᐅᓄᑦ

ᓇᖕᒥᓂᕆᔭᐅᔪᓄᑦ ᑕᐃᒪᐃᓪᓚᕆᖕᓂᐊᕐᓂᕋᕐᓂᖅ ᐊᐅᓚᑦᑎᓂᕐᒧᓪᓗ ᑲᔪᓯᐊᔾᔪᑕᐅᕙᒃᑐᑦ

ᐱᕕᒃᓴᓂᒃ ᐱᑕᖃᕋᓗᐊᖅᑎᓪᓗᒍ ᖃᔅᓯᑲᓪᓚᖕᓄᑦ ᐱᓕᕆᕝᕕᒋᔭᐅᔪᓐᓇᖅᑐᓄᑦ, ᐊᒥᓲᓂᖏᑦ ᐱᕙᓪᓕᐊᓂᕆᔭᐅᔪᑦ ᓄᓇᕘᒥᐅᑦ ᒪᐅᖓᑦᑎᐊᖅ ᓯᕗᓂᒃᓴᖓᓄᑦ ᐱᓕᕆᐊᖑᓂᐊᖅᐳᖅ ᐅᔭᕋᖕᓂᐊᕐᓂᕐᒥ, ᐃᖃᓗᓕᕆᓂᕐᒥ ᐃᒡᓗᓕᐅᕐᓂᕐᒧᓪᓗ ᐱᓕᕆᕝᕕᒋᔭᐅᕙᒃᑐᓄᑦ. ᑲᒪᒋᔭᖃᑦᑎᐊᕐᓗᓂ ᐱᕙᓪᓕᐊᓂᖅ ᑕᒪᒃᑯᓇᓂ ᐱᓕᕆᕝᕕᒋᔭᐅᕙᒃᑐᓂ ᑕᐃᒪᐃᔾᔪᑎᖃᖅᐸᒃᐳᖅ ᑕᐃᒪᐃᓪᓚᕆᖕᓂᐊᕐᓂᕋᖅᑕᐅᓯᒪᔪᒥᑦ ᓴᖅᑭᑎᑕᐅᓯᒪᔪᒥᑦ ᐊᐅᓚᑦᑎᓂᕐᒧᑦ ᑲᔪᓯᐊᔾᔪᑕᐅᕙᒃᑐᓂᒃ, ᐋᖅᑭᒃᓱᐃᔪᖃᕐᓂᖓᓄᑦ ᖃᓄᐃᓕᐅᖅᐸᓪᓕᐊᓗᓂ ᓇᑉᐸᖅᑎᖅᑕᐅᓯᒪᔪᓄᑦ, ᐊᖏᒡᓕᒋᐊᖅᑎᑦᑎᓂᕐᒧᓪᓗ ᐊᔪᙱᒻᓐᓂᕆᔭᐅᔪᓂᒃ ᐱᓕᕆᔪᓐᓇᕐᓂᕆᔭᐅᔪᓂᒡᓗ ᓄᓇᕗᒻᒥᐅᓄᑦ.

ᒫᓐᓇᒃᑯᑦ, ᑎᓴᒪᓂᒃ ᑎᒥᓪᓗᐊᑕᖅᑕᖃᖅᐳᖅ, ᑖᒃᑯᐊᓗ ᖃᐅᔨᒪᔭᐅᓪᓗᑎᒃ ᐃᓂᐅᓂᖏᓐᓂᒃ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᔪᒧᑦ, ᐃᓚᐅᕙᒃᖢᑎᒡᓗ ᐊᐅᓚᑦᑎᓂᕐᒧᑦ ᑲᔪᓯᓂᕆᔭᐅᕙᒃᑐᓂᒃ ᐊᒃᑐᖅᓯᕙᒃᑐᓂᒃ ᑕᒪᒃᑯᓂᖓ ᐱᓕᕆᕝᕕᒋᔭᐅᔪᓂᒃ:

  • ᓄᓇᕘᒥ ᐊᕙᑎᓕᕆᓂᕐᒧᑦ ᑲᑎᒪᔨᖏᑦ – ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᑎᒥᒋᔭᐅᔪᖅ ᑎᓕᔭᐅᓯᒪᔾᔪᑕᐅᔪᓂᒃ ᐱᔭᒃᓴᖃᖅᑎᑕᐅᓐᓗᓂ ᖃᐅᔨᓴᖅᓯᓂᐊᕐᓗᓂ ᐊᒃᑐᖅᓯᓂᐅᑐᐃᓐᓇᕆᐊᓕᖕᓂᒃ ᐱᓕᕆᐊᖑᔪᒪᔪᓂᑦ ᑕᒪᒃᑯᐊ ᐱᔭᐅᔭᕆᐊᓖᑦ ᐱᔪᓐᓇᐅᑎᒋᔭᐅᔪᑦ, ᓚᐃᓴᒋᔭᐅᔪᑦ ᐊᖏᖅᑕᐅᔪᓪᓗ ᑲᔪᓯᑎᑕᐅᓚᐅᙱᓐᓂᖏᓐᓂ.
    http://www.nirb.ca/nirb-processes
  • ᓄᓇᕘᒥ ᐸᕐᓇᐃᔩᑦ ᑲᑎᒪᔨᖏᑦ“ – ᑲᒪᒋᔭᒃᓴᖃᖅᑎᑕᐅᕗᑦ ᐱᕙᓪᓕᐊᑎᑦᑎᓂᕐᒥᒃ, ᐊᑐᓕᖅᑎᑦᑎᓂᕐᒥᒃ ᓇᐅᑦᑎᖅᓱᖅᓯᓂᕐᒥᒡᓗ ᓄᓇᒥᒃ ᐊᑐᕐᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ ᑕᓯᐅᖅᓯᔾᔪᑕᐅᕙᒃᑐᓂᒃ ᓇᒧᙵᖁᔨᔾᔪᑕᐅᕙᒃᑐᓂᒡᓗ ᐊᑐᖅᑕᐅᔪᓐᓴᖅᑐᑦ ᐊᑐᖅᑕᐅᓂᖏᓐᓂᒃ ᐱᕙᓪᓕᐊᑎᑦᑎᓂᕐᒥᒡᓗ ᓄᓇᕘᒥᒃ ᓄᓇᑖᕐᓂᕐᒧᑦ ᐃᓂᒋᔭᐅᔪᒥ.
    http://www.nunavut.ca/
  • ᓄᓇᕘᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ – ᑎᓕᔭᐅᓯᒪᕗᑦ ᑲᑎᑎᑦᑎᖁᔭᐅᓪᓗᑎᒃ ᖃᐅᔨᒪᓂᕆᔭᐅᔪᖅ ᑐᑭᓯᐅᒪᓂᕆᔭᐅᔪᕐᓗ ᐆᒪᔪᓄᑦ ᐊᐅᓚᑦᑎᔨᒋᔭᐅᔪᓄᑦ, ᐊᑐᖅᐸᒃᑐᓄᑦ, ᑭᒃᑯᑐᐃᓐᓇᓄᓪᓗ ᐋᖅᑭᒃᓯᒪᓕᖅᑎᑦᑎᖁᓪᓗᒋᑦ ᐱᔾᔪᑎᖃᕐᓗᑎᒃ ᐊᐅᓚᑦᑎᓂᕐᒥᒃ ᐆᒪᔪᓂᒃ ᓄᓇᕘᒥ ᐱᖁᔭᕐᓂᕐᓗ ᐊᐅᓚᑦᑎᔾᔪᑕᐅᓪᓗᐊᑕᖅᐸᒃᖢᓂ ᐊᑐᕐᓂᕐᒥᒃ ᓂᕐᔪᑎᓂᒃ ᓄᓇᕘᒥᒃ ᓄᓇᑖᕐᓂᕐᒧᑦ ᐃᓂᒋᔭᐅᔪᒥ.
    http://www.nwmb.com/en/public-hearings-a-meetings/public-hearing-procedures
  • ᓄᓇᕗᒻᒥ ᐃᒪᓕᕆᔩᑦ ᑲᑎᒪᔨᖏᑦ – ᑲᒪᒋᔭᒃᓴᖃᖅᑎᑕᐅᕗᑦ ᓴᙱᓂᖃᖅᖢᑎᒡᓗ ᐊᑐᕐᓂᕐᒧᑦ, ᐊᐅᓚᑦᑎᓂᕐᒧᑦ ᐱᓕᕆᕝᕕᖃᖅᐸᖕᓂᕐᒧᓪᓗ ᐃᒪᖕᓂᒃ ᓄᓇᖅᐸᓯᒃᑐᓂᒃ ᓄᓇᕗᒻᒥ ᑐᕌᕆᔭᖏᓪᓗ ᐱᑎᑦᑎᔪᒪᓂᐅᕗᑦ ᓄᖑᕋᐃᓗᐊᖅᑕᐃᓕᒪᓂᕐᒧᑦ ᐊᑐᕐᓂᕐᒥᒡᓗ ᐃᒪᕐᓂᒃ ᓄᓇᕗᒻᒥ, ᐃᓚᓕᐅᔾᔭᐅᓯᒪᙱᓪᓗᑎᒃ ᑲᓇᑕᓕᒫᒥᐅᓄᑦ ᒥᕐᙳᐃᖅᓯᕐᕕᒋᔭᐅᔪᑦ.
    http://www.nwb-oen.ca/regulatory-process
Loading...

Loading...