ᓯᕗᓪᓕᐅᔾᔭᐅᖁᔭᕗᑦ

ᒐᕙᒪᕗᑦ ᐊᑦᓱᕉᑎᖃᕐᓂᐊᖅᑐᑦ ᑐᕌᒐᖃᕐᓗᑎᒃ ᓯᑕᒪᐅᓕᖓᔪᓂᒃ ᓯᕗᓪᓕᐅᑎᒍᒪᔭᑦᑎᓐᓂᒃ ᓄᓇᕗᑦ ᐃᓂᑦᓴᐅᑦᓯᐊᒃᑲᓐᓂᖁᓪᓗᒍ ᕿᑐᕐᖓᑎᓐᓄᑦ ᐃᕐᖑᑕᑎᓄᓪᓗ.

  1. ᐃᒻᒥᓂᖅᓱᕈᓐᓇᖁᓪᓗᒋᑦ ᓇᓗᖅᑯᑎᙱᓪᓗᑎᒃ ᐃᓕᓐᓂᐊᕐᓂᒃᑯᑦ ᐱᓕᒻᒪᑦᓴᓂᒃᑯᓪᓗ
    ᑲᒪᒋᔭᖃᑦᑎᐊᕐᓂᒃᑯᑦ ᐃᒻᒥᓂᖅᓱᕈᓐᓇᖅᓯᖁᓪᓗᒋᑦ ᑲᔪᖏᓂᖃᑦᓯᐊᖁᓪᓗᒋᓪᓗ ᐊᑐᐃᓐᓇᖃᕐᕕᐅᑦᓯᐊᖁᔭᕗᑦ ᐃᓕᓐᓂᐊᕈᑎᑦᓴᖏᓐᓂᒃ ᐱᓕᒻᒪᑦᓴᒍᑎᑦᓴᖏᓐᓂᓪᓗ, ᐊᖏᒡᓕᒋᐊᕐᓂᐊᖅᐸᕗᑦ ᐃᖅᑲᓇᐃᔮᖃᖅᑎᑦᓯᓂᕗᑦ.
     
  2. ᐃᓅᖃᑎᒌᑦᓯᐊᖅᑐᑦ ᐃᓚᒌᑦ ᐃᒻᒥᓂᖅᓱᕈᓐᓇᑦᓯᐊᕐᓗᑎᒃ ᓄᓇᖅᑲᑎᒌᑦ

    ᑮᓇᐅᔭᖃᖅᑎᑦᓯᒋᐊᖃᖅᑐᒍᑦ ᓄᓇᓕᓐᓃᖔᖅᑐᓂᒃ ᐋᖅᑭᐅᒪᔾᔪᑎᑦᓴᓂᒃ ᐱᕚᓪᓕᕈᓐᓇᖁᓪᓗᒋᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐃᓅᓯᖃᑦᓯᐊᕈᓐᓇᓂᕐᒧᑦ ᓄᓇᓕᓐᓂᓗ ᑮᓇᐅᔭᓕᐅᕈᓐᓇᖁᓪᓗᒋᑦ.

  3. ᑮᓇᐅᔭᓕᐅᕈᑎᖃᕈᓐᓇᑦᓯᐊᕐᓂᖅ ᐅᔾᔨᖅᓱᑦᓯᐊᕐᓗᑎᒃ ᐱᕙᓪᓕᐊᔪᓕᕆᓂᕐᒧᑦ ᖃᓄᐃᑦᑐᑐᐃᓐᓇᒃᑯᑦ

    ᐊᔾᔨᒌᙱᑦᑐᓂᒃ ᑮᓇᐅᔭᓕᐅᕈᑎᖃᕈᓐᓇᖅᑎᑦᓯᓂᕐᒥᒃ ᓄᓇᕗᒻᒥᐅᑦ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᑦᓴᓂᒃ ᓇᓖᕌᕐᕕᖃᕈᓐᓇᖁᓪᓗᒋᑦ.

  4. ᒐᕙᒪᐅᑦᓯᐊᕐᓂᖅ ᐊᑑᑎᖃᑦᓯᐊᕐᓗᑕ ᐱᓕᕆᔾᔪᑎᑦᓴᑎᓐᓂᒃ

    ᐊᒥᒐᕋᓗᐊᖅᑎᓪᓗᒋᑦ ᑮᓇᐅᔭᐃᑦ ᐱᓕᕆᐊᓄᑦ ᐱᔨᑦᓯᕋᐅᑎᓄᓪᓗ ᓄᓇᕗᒻᒥᐅᑦ ᐃᓅᓯᖃᕈᓐᓇᖁᓪᓗᒋᑦ ᖃᓄᐃᙱᑦᓯᐊᕐᓗᑎᒃ ᐱᓕᕆᑦᓯᐊᕈᓐᓇᕐᓗᑎᓪᓗ.